New Mercedes Benz EQS 450: కొత్త మెర్సిడెస్ బెంజ్ లాంచ్ త్వరలోనే - ఏకంగా రూ.కోటిన్నరకు పైగా!

Mercedes Benz EQS 450 Launch Date: కొత్త మెర్సిడెస్ బెంజ్ కారు త్వరలో మనదేశంలో లాంచ్ కానుంది. 2025 జనవరిలో ఈ కారు మార్కెట్లో లాంచ్ కానుంది. దీని ధర ఎంత ఉండనుంది?

Mercedes Benz EQS 450: 2025 కొత్త సంవత్సరం మరి కొద్ది రోజుల్లో ప్రారంభం కానుంది. చాలా కార్ల కంపెనీలు కొత్త సంవత్సరం ప్రారంభంలో కొత్త కార్లను తీసుకురానున్నాయి. అదే సమయంలో లగ్జరీ కార్ల తయారీ సంస్థ మెర్సిడెస్ కూడా భారతదేశంలో కొత్త కారును విడుదల చేయడానికి సన్నాహాలు చేసింది. మెర్సిడెస్ బెంజ్ లాంచ్ చేసిన ఈ కొత్త కారు 2025 జనవరి 9వ తేదీన విడుదల కానుంది. ఇది ఫైవ్ సీటర్ కారు. అదే రోజున మెర్సిడెస్ జీ 580 కూడా మార్కెట్లోకి విడుదల కానుంది. అమెరికా తర్వాత ఈక్యూఎస్ ఎస్‌యూవీ లాంచ్ కానున్న మొదటి మార్కెట్ భారతదేశమే కావడం విశేషం.

మెర్సిడెస్ ఈక్యూఎస్ పవర్ ఎంత?
మెర్సిడెస్ ఈక్యూఎస్ 450 అనేది మేబ్యాక్‌ను మినహాయిస్తే కంపెనీ మిగతా లైనప్‌లో రెండో వేరియంట్. ఈ కారు షైవ్ సీటర్ మోడల్‌లో రానుంది. ఈ కారు 122 కేడబ్ల్యూహెచ్ బ్యాటరీ ప్యాక్‌తో రానుంది. దీన్ని మెర్సిడెస్ 7 సీటర్ ఈక్యూఎస్ 580 4-మ్యాటిక్ ఎస్‌యూవీలో ఉపయోగించారు. ప్యాసింజర్ ఈవీల్లో ఇదే అతిపెద్ద సెల్ కెపాసిటీ అని కంపెనీలు పేర్కొంది.

ఈ మెర్సిడెస్ ఎలక్ట్రిక్ కారును కేవలం 31 నిమిషాల్లో 10 నుంచి 80 శాతం వరకు ఛార్జ్ చేయవచ్చు. ఈ వాహనాన్ని ఛార్జ్ చేయడానికి 200 కేడబ్ల్యూ డీసీ ఛార్జర్‌ని ఉపయోగించాల్సి ఉంటుంది. మెర్సిడెస్ ఈక్యూఏ మోడల్‌లో 70.5 కేడబ్ల్యూహెచ్ బ్యాటరీ ప్యాక్ అందించారు. ఈక్యూఈలో 90.5 కేడబ్ల్యూహెచ్ బ్యాటరీ ప్యాక్ ఉంది.

కొత్త మెర్సిడెస్ ఫీచర్లు ఇవే...
ఈ మెర్సిడెస్ కారు ఒక బ్లాంక్డ్ ఆఫ్ గ్రిల్‌ని కలిగి ఉంది. ఈ గ్రిల్ ముందు బంపర్ వరకు ఎక్స్‌టెండ్ అయింది. ఈ కారులో 21 అంగుళాల అల్లాయ్ వీల్స్ ఉన్నాయి. ఈ లగ్జరీ కారు లోపలి భాగం గురించి మాట్లాడుతూ ఎయిర్ కంట్రోల్ ప్లస్ ఫీచర్ అందించారు. ఈ కారులో 56 అంగుళాల హైపర్‌స్క్రీన్ అందుబాటులో ఉంది. ఇందులో 12.3 అంగుళాల ఇన్‌స్ట్రుమెంట్ క్లస్టర్, ఫ్రంట్ ప్యాసింజర్ స్క్రీన్, 17.7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉన్నాయి. కారు వెనుక కూర్చున్న ప్రయాణీకుల వినోదం కోసం 11.6 అంగుళాల స్క్రీన్ కూడా అందించారు.

ఈ మెర్సిడెస్ కారులో 5 స్పీకర్ ఆడియో సిస్టమ్, 360 డిగ్రీ కెమెరా, 5 జోన్ ఆటోమేటిక్ క్లైమేట్ కంట్రోల్, సాఫ్ట్ క్లోజ్ డోర్లు కూడా ఉన్నాయి. కారులో ఉన్నవారి సేఫ్టీపై కూడా జాగ్రత్తలు తీసుకున్నారు. ఈ కారులో లెవెల్ 2 ఏడీఏఎస్, 9 ఎయిర్‌బ్యాగ్‌లను చూడవచ్చు.

కొత్త మెర్సిడెస్ ఈక్యూఎస్ 450 ధర ఎంత ఉంటుంది?
కారులో పెద్ద క్యాబిన్ స్థలాన్ని ఇష్టపడే వారు కూడా ఈ మెర్సిడెస్ కారుకు ఆకర్షితులవుతారు. మెర్సిడెస్ ఈక్యూఈ ధర గురించి చెప్పాలంటే ఈ కారు ధర రూ. 1.59 కోట్లు కాగా, ఈక్యూఎస్ ఎస్‌యూవీ ధర రూ. 1.61 కోట్లుగా ఉంది. కొత్త మెర్సిడెస్ ఈక్యూఎస్ ధర కూడా ఇదే రేంజ్‌లో ఉండనుంది. మెర్సిడెస్ మిగతా కార్ల తరహాలోనే ఇది కూడా సక్సెస్ అయ్యే అవకాశం ఉంది.