KTM Duke and RC prices hiked: కేటీఎం బైక్ కొనాలని చూస్తున్న వారికి షాక్ ఇచ్చే వార్త ఇది. కంపెనీ తన డ్యూక్ & RC సిరీస్లోని పలు బైక్ల ధరలను పెంచింది. ఒకటి, రెండు కాదు.. ఏకంగా 7 మోడళ్లపై ధరలు పెరిగాయి. కనీసం రూ.5,000 నుంచి గరిష్ఠంగా రూ.15,000 వరకు ధర పెరిగింది. కొత్త ధరలు ఇప్పటికే అమల్లోకి వచ్చాయి.
ఇటీవలే, KTM 390 Duke సిరీస్ ధరలను పెంచింది. 390 Adventure సిరీస్ రేట్లు కూడా పెరిగాయి. ఇప్పుడు, భారత్లో తయారవుతున్న ఇతర తక్కువ సామర్థ్యం ఉన్న బైక్లపై కూడా ఈ కంపెనీ ప్రైస్ హైక్ ప్రకటించింది. ఇందులో 160 Duke, 200 Duke, 250 Duke, RC 160, RC 200 & RC 390 మోడళ్లు ఉన్నాయి. 160 Dukeలో రెండు వేరియంట్లు ఉండటంతో మొత్తం 7 మోడళ్లపై ఈ ప్రభావం పడింది.
అత్యధిక ధరల పెంపు ఉన్న మోడల్ RC 160. దీని రేటు ఏకంగా రూ.15,000 పెరిగింది. గతంలో రూ.1.85 లక్షలుగా ఉన్న ఈ బైక్ ఇప్పుడు రూ.2 లక్షలకు చేరింది. KTM సిరీస్లో ఇదే అతి పెద్ద ప్రైస్ హైక్.
డ్యూక్ సిరీస్లో 160 Duke ధర కూడా గణనీయంగా పెరిగింది. స్టాండర్డ్ 160 Dukeపై రూ.10,000 పెంచారు. దీంతో దీని రేటు రూ.1.74 లక్షల నుంచి రూ.1.84 లక్షలకు చేరింది. 160 Duke TFT వేరియంట్పై రూ.5,000 పెరిగింది. దీని ధర రూ.1.86 లక్షల నుంచి రూ.1.91 లక్షలకు చేరింది.
ఇది కూడా చదవండి: కారు నుంచి లారీ వరకు.. ఫిట్నెస్ను ఇక యంత్రాలే పరీక్షిస్తాయి! తెలంగాణలో 15 చోట్ల కొత్త వ్యవస్థ
200 Duke కొనాలనుకునే వారికి కూడా ధరాఘాతం తప్పలేదు. ఈ బైక్ ప్రైస్ రూ.6,000 పెరిగింది. దీంతో, రూ.2 లక్షలుగా ఉన్న పాత ధర ఇప్పుడు రూ.2.06 లక్షలకు చేరింది. 250 Duke ధర కూడా రూ.6,000 పెరిగింది. గతంలో రూ.2.21 లక్షలుగా ఉన్న ఈ బైక్ ఇప్పుడు రూ.2.27 లక్షలు చెల్లిస్తేగానీ చేతికి రాదు.
RC సిరీస్లోని RC 390 ధరను రూ.10,000 పెంచారు. దీంతో రూ.3.23 లక్షలుగా ఉన్న ధర రూ.3.33 లక్షలకు చేరింది. అంటే RC 390 కొనుగోలుదారులు ఇకపై అదనంగా రూ.10,000 చెల్లించాలి.
అయితే RC 200 కొనుగోలుదారులకు మాత్రం కాస్త ఊరట ఇచ్చారు. ఈ మోడల్ రేటును మార్చలేదు, గతంలో ఉన్న రూ.2.32 లక్షల ధరనే కొనసాగించారు.
ఇది కూడా చదవండి: కొత్త ఎలక్ట్రిక్ బైకులు తీసుకురాబోతున్న హీరో - డైలీ యూజ్ కోసం, అడ్వెంచర్ల కోసం కూడా!
KTM బైక్ల "కొత్త ధరలను" ఒకసారి చూస్తే.. 160 Duke ధర రూ.1.84 లక్షలు. 160 Duke TFT ధర రూ.1.91 లక్షలు. 200 Duke ధర రూ.2.06 లక్షలు. 250 Duke ధర రూ.2.27 లక్షలు. RC 160 ధర రూ.2 లక్షలు. RC 200 ధర రూ.2.32 లక్షలు. RC 390 ధర రూ.3.33 లక్షలుగా ఉంది.
ఈ ధరలన్నీ ఎక్స్-షోరూమ్ ప్రైస్లు. అంటే రోడ్డు పన్ను, బీమా, రిజిస్ట్రేషన్ వంటి ఖర్చులు ఇందులో ఉండవు. ఆన్రోడ్ ధర ప్రాంతాన్ని బట్టి మరింత ఎక్కువగా ఉంటుంది. కాబట్టి, ఇప్పుడు KTM బైక్ కొనాలని ప్లాన్ చేస్తున్నవాళ్లు కొత్త ధరలను దృష్టిలో పెట్టుకోవడం మంచిది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.