Expensive Motorcycles: రోడ్డు మీద కాస్ట్లీ సూపర్ బైక్ వెళ్తుంటే రైడింగ్ ఇష్టపడే వాళ్లు అలానే చూస్తూ ఉంటారు. సూపర్ బైక్స్‌కు ఉన్న క్రేజ్ అలాంటిది మరి. మనదేశంలో అత్యంత ఖరీదైన సూపర్ బైక్స్‌పై ఒక లుక్కేద్దాం. వీటిని చూడటం తప్ప కొనడం చాలా కష్టం.
కవాసాకి నింజా హెచ్2ఆర్ (ఎక్స్-షోరూం ధర రూ.79.9 లక్షలు)
మోటోజీపీ, ఫార్ములా 1లో ఉపయోగించే టెక్నాలజీని ఈ బైక్‌లో కూడా ఉపయోగించారు. ఈ కారు రేసింగ్‌లో రికార్డులు బద్దలు కొట్టగలదు. భారత మాజీ కెప్టెన్ మహేంద్ర సింగ్ ధోని కూడా ఈ బైక్‌ను కొనుగోలు చేశాడు. ధోనికి బైక్‌లు అంటే ఎంత పిచ్చో మనకు తెలియంది కాదు.
డుకాటి స్ట్రీట్ ఫైటర్ వీ4 లాంబోర్గిని (ఇంకా లాంచ్ కాలేదు. ధర రూ.72 లక్షల రేంజ్‌లో ఉండవచ్చు)
డుకాటి, లాంబోర్గిని రెండు కంపెనీలు కలిసి ఈ సూపర్ బైక్‌ను రూపొందించాయి. దీని డిజైన్ చూడటానిక హురాకాన్ ఎస్టీవో నుంచి ఇన్‌స్పైర్ అయినట్లు ఉంటుంది. ఈ ఎక్స్‌క్లూజివ్ స్ట్రీట్ ఫైటర్ మనదేశంలో ఈ సంవత్సరమే లాంచ్ కానుంది. ప్రస్తుతానికి దీని ధర రూ.72 లక్షల రేంజ్‌లో ఉండనుందని కంపెనీ హింట్ ఇస్తుంది. కానీ లాంచ్ సమయానికి రూ.80 లక్షల వరకు వెళ్లే అవకాశం ఉంది. ఈ కారుకు సంబంధించి ఇప్పటివరకు 630 యూనిట్లు మాత్రమే తయారు చేశారు.
డుకాటి పనిగలే వీ4 ఆర్ (ఇంకా లాంచ్ అవ్వలేదు. ధర రూ.70 లక్షల రేంజ్‌లో ఉండవచ్చు)
ఈ బైక్‌లో 998 సీసీ ఇంజిన్‌ను అందించడం విశేషం. ఏకంగా 16,800 ఆర్‌పీఎం వరకు ఇది అందించనుంది. కాబట్టి మీరు మోటో జీపీ బైక్ కోసం ఎదురు చూస్తుంటే ఈ బైక్‌ను కూడా ఒక ఆప్షన్‌గా పెట్టుకోవచ్చు.
బీఎండబ్ల్యూ ఎం 1000 ఆర్ఆర్ (ఎక్స్-షోరూం ధర రూ.45 లక్షలు)
ఈ సూపర్ బైక్ ముందు భాగాన్ని ఆప్టిమైజ్ చేశారు. కార్బన్ ఫైబర్ వింగ్లెట్స్‌ను ఫిట్ చేశారు. ఇది డౌన్‌ఫోర్స్‌ను పెంచుతుంది. సైడ్ ట్రిమ్ ప్యానెల్స్‌ను కార్బన్‌తో చేశారు. ఇది వాహనం వేగాన్ని మరింత పెంచుతుంది. ఎం ఏరో వీల్ కవర్స్‌ను కూడా అందించారు. రేసింగ్ బైక్స్‌లోనే ఇలాంటివి ఉంటాయి. దీని ధర రూ.45 లక్షలుగా ఉంది.
హోండా గోల్డ్‌వింగ్ టూర్ (ఎక్స్-షోరూం ధర రూ.39.16 లక్షలు)
హోండా గోల్డ్ వింగ్ టూర్ చూడటానికి చాలా స్టైలిష్‌గా ఉంటుంది. 7 స్పీడ్ డ్యూయల్ క్లచ్ ట్రాన్స్‌మిషన్‌ను ఇందులో అందించారు. ఎయిర్‌బ్యాగ్‌తో వచ్చే మోటార్ సైకిల్ ఇదే. లిక్విడ్ కూల్డ్, ఫ్లాట్ 6 ఇంజిన్ ఇందులో ఉంది. 170 ఎన్ఎం టార్క్, 125 బీహెచ్‌పీ, 7 స్పీడ్ డ్యూయల్ క్లచ్ ట్రాన్స్‌మిషన్ అందించారు.
ఇప్పుడు కొత్త ఆర్డీఈ నిబంధనలు అమలులోకి రావడానికి కేవలం ఒక వారం మాత్రమే మిగిలి ఉంది. అటువంటి పరిస్థితిలో అన్ని ఆటోమొబైల్ కంపెనీలు తమ వాహనాలను కొత్త ఉద్గార నిబంధనల ప్రకారం అప్‌డేట్, వాహనాల కొత్త ధరలను ప్రకటించడంలో నిమగ్నమై ఉన్నాయి. ప్రముఖ వాహన తయారీ సంస్థ హీరో మోటార్‌కార్ప్ కూడా ఏప్రిల్ 1వ తేదీ నుంచి తమ వాహనాల ధరలను రెండు శాతం పెంచనున్నాయి.