Weekly Horoscope: ఈ రాశుల వారు ఈ వారం అపరిచితులతో చర్చలు పెట్టొద్దు. ఈ ఆరు రాశులవారికి అదృష్టం కలిసొస్తుంది..

ఆయా రాశిలో ఫలితాలు మొత్తం ఒకే వ్యక్తికి వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా చాలా మార్పులుంటాయి. పూర్తి వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు…

ఆగస్టు 29 నుంచి సెప్టెంబరు 4 వరకూ ఈ వారం రాశిఫలాలు

మేషరాశి

మేషరాశి వారికి ఈ వారం ఫలితాలు అంత అనకూలంగా లేవు. ఈ వారం ఎంత కష్టపడి పనిచేసినా పూర్తిస్థాయిలో ఫలితం దక్కదు. చేపట్టిన పనుల్లో ఆటంకాలు ఎదురవుతాయి. స్నేహితులను కలుస్తారు..కొత్త సమాచారాలు అందుకుంటారు. ఇంట్లో వివాదాలు సమసిపోతాయి. మానసకి ఒత్తిడి ఉంటుంది. పని ఒత్తిడి పెరగడం వల్ల బాగా అలసటగా అనిపిస్తుంది. ఆరోగ్యంపై ప్రత్యేక శ్రద్థ తీసుకోండి .

వృషభం

వృషభ రాశివారికి ఈ వారం అద్భుతంగా ఉంటుంది. సామాజిక సేవలో పాల్గొంటారు. చేపట్టిన బాధ్యతలు పూర్తిచేస్తారు. సమాజంలో గౌరవం పొందుతారు. ఆరోగ్యంలో ఒడిదొడుకులు ఉండొచ్చు. అప్పుల నుంచి బయటపడతారు. వైవాహిక జీవితం సంతోషంగా ఉంటుంది. అపరిచితులతో అనవసర చర్చలు వద్దు. ఆర్థిక పరిస్థితి బావుంటుంది.

మిధునం

ఈ రాశి వ్యక్తులు గందరగోళంగా ఉంటారు. ఈ వారం వ్యాపారంలో లాభనష్టాలు రెండూ ఎదురవుతాయి. ఉద్యోగుల బాధ్యతలు పెరుగుతాయి. విద్యార్థులు అనవసరమైన విషయాలపై శ్రద్ధ పెట్టడం తగ్గించాలి. వైవాహిక జీవితం సంతోషంగా ఉంటుంది. ఆరోగ్యం బాగానే ఉంటుంది. కుటుంబ సభ్యులతో భిన్నాభిప్రాయాలు ఉండొచ్చు. యువతకు ఉద్యోగాలు లభిస్తాయి. మతపరమైన కార్యక్రమాలపై ఆసక్తి ఉంటుంది. టెన్షన్ తగ్గుతుంది.

కర్కాటక రాశి

వ్యాపారులకు ఈ వారం కలిసొస్తుంది. అనుకున్న పనుల్లో కొన్ని ఆటంకాల వల్ల టెన్షన్ పడతారు. శత్రువుల నుంచి జాగ్రత్తగా ఉండండి. సహోద్యోగులతో వివాదాలు ఉండొచ్చు. కుటుంబ సభ్యుల మద్దతు ఉంటుంది. డ్రైవింగ్ చేసేటప్పుడు జాగ్రత్తగా వ్యవహరించండి. కొత్త ఆదాయ వనరులు అందుబాటులోకి వస్తాయి. పని ప్రదేశంలో శుభవార్తలు వింటారు.

సింహరాశి

వైవాహిక జీవితంలో టెన్షన్ ఉండొచ్చు.ఆరోగ్యంలో కొన్ని ఒడిదుడుకులు ఉంటాయి. విద్యార్థులు ప్రయోజనం పొందుతారు. ప్రత్యర్థులు చురుగ్గా ఉంటారు. చిరాకుగా వ్యవహరిస్తారు. వ్యాపారులకు బావుంటుంది. ఆర్థిక పరిస్థితి మెరుగ్గా ఉంటుంది. ఇతరుల వివాదాల్లో తలదూర్చొద్దు. భాగస్వాములు జాగ్రత్తగా ఉండాలి.

కన్య జాతకం

ఈ రాశి వారికి ఈ వారం కలిసొస్తుంది. పెట్టిన పెట్టుబడి లాభసాటిగా ఉంటుంది. ఆకస్మిక ధనలాభాలున్నాయి. మాట్లాడేటప్పుడు ఆలోచించండి. కుటుంబ కార్యక్రమాలు ఎక్కువ ఖర్చు చేస్తారు. ఆహారం విషయంలో నిర్లక్ష్యం వద్దు. వృద్ధులను జాగ్రత్తగా చూసుకోండి. జీవిత భాగస్వామి మద్దతు ఉంటుంది. టెన్షన్ పోతుంది. బంధువుతో పాత విభేదాలు పరిష్కారమవుతాయి.

తులా రాశి

ఈ వారం సమస్యలు ఉండొచ్చు. కార్యాలయంలో ఎవరితోనైనా వివాదాలు తలెత్తే అవకాశం ఉంది. ఆర్థిక పరిస్థితి బలంగా ఉంటుంది. అనవసరమైన ఖర్చులుంటాయి. అనవసర మాటలొద్దు. వారం చివరిలో మీరు బంధువులను కలవొచ్చు. స్నేహితులను కలుస్తారు. మతపరమైన కార్యక్రమాలలో పాల్గొంటారు.

వృశ్చికం

ఈ వారం ప్రారంభంలో శుభవార్తలు అందుకుంటారు. మీ ఆలోచన చాలా పాజిటివ్ గా ఉంటుంది. మీ ప్రత్యర్థులు చురుకుగా ఉంటారు...కార్యాలయంలో జాగ్రత్త. మీ తెలివితేటలు వాడుకుని మీ పక్కవాళ్లు ప్రయోజనం పొందుతారు. ఆర్థిక పరిస్థితి బాగానే ఉంటుంది. రుణం మొత్తాన్ని తిరిగి పొందగలరు. ఆరోగ్యం బాగానే ఉంటుంది. జీవిత భాగస్వామి పూర్తి మద్దతు ఉంటుంది.

ధనుస్సు

ఈ వారం మీరు చాలా సంతోషంగా ఉంటారు. వ్యాపారస్తులకు శుభసమయం. కుటుంబానికి సంబంధించిన బాధ్యతలు పెరుగుతాయి. చేపట్టిన పని లాభాన్నిస్తుంది. చేపట్టిన పని ముందుకు సాగుతుంది. వ్యాపారంలో పురోగతి ఉంటుంది. విద్యార్థులు ఆహ్లాదకరమైన ఫలితాలను పొందుతారు. కొత్త ఆదాయ అవకాశాలు లభిస్తాయి. కొత్త ఉద్యోగంలోకి మారొచ్చు. కెరీర్ ఊపందుకుంటుంది. వైవాహిక జీవితం సంతోషంగా ఉంటుంది.

మకరం

ఎవరైనా మీకు హాని కలిగించవచ్చు. లావాదేవీల సమయంలో జాగ్రత్తగా ఉండండి. అపరిచితులతో ప్రైవేట్ చర్చలు చేయడం వల్ల ఇబ్బంది పడతారు. కుటుంబ సభ్యుల మద్దతు ఉంటుంది. ఆరోగ్యం గురించి ఆందోళన చెందుతారు. పని ప్రదేశంలో ప్రశంసలు అందుకుంటారు. సహోద్యోగుల మద్దతు లభిస్తుంది. వివాదాల్లో తలదూర్చొద్దు.

కుంభం

ఈ వారం మీరు చాలా బిజీగా ఉంటారు. శారీరక అలసట కారణంగా బలహీనంగా ఉన్నట్టు భావిస్తారు. దీర్ఘకాలిక సమస్యలు వచ్చే ప్రమాదం ఉంది..ఆరోగ్యం విషయంలో అప్రమత్తంగా ఉండండి. చేపట్టిన పని సజావుగా సాగుతుంది. ఏ పనినీ వాయిదా వేయవద్దు. మీ మాటపై సంయమనం పాటించండి. పెద్దల ఆశీస్సులు పొందుతారు. సోమరితనం వద్దు. ఆర్థిక పరిస్థితి బావుంటుంది. జీవిత భాగస్వామితో కొన్ని విభేదాలు ఉండొచ్చు. ముఖ్యమైన నిర్ణయాలు తీసుకోవడానికి తొందరపడకండి.

మీనరాశి

ఈ వారం కష్టపడాల్సి ఉంటుంది. గతంలో నెలకొన్న వివాదాలు పరిష్కారమవుతాయి. కఠినంగా మాట్లాడకండి. అసభ్య పదజాలం ఉపయోగించవద్దు.  ఆహారాన్ని నిర్లక్ష్యం చేయవద్దు. పిల్లలతో మంచి సమయం గడపండి. బంధువులను చాలా కాలం తర్వాత కలుసుకుంటారు. ఈ వారం మీకు ప్రయోజనకరంగా ఉంటుంది.