Shukra Gochar October 2024: తులా రాశి నుంచి శుక్రుడు వృశ్చికరాశిలోకి అడుగుపెట్టాడు. అక్టోబరు 13 న వృశ్చికంలోకి ప్రవేశించిన శుక్రుడు నవంబరు 07 వరకూ ఇదే రాశిలో సంచరిస్తాడు. విలాసాలకు, ఐశ్వర్యానికి, ఆనందానికి అధిపతి అయిన శుక్రుడి సంచారం  జాతకంలో సంతోషాన్ని, ఆరోగ్యాన్ని, సంపదను, విలాసాలను నిర్ణయిస్తాడని జ్యోతిష్య శాస్త్ర పండితులు చెబుతారు. అయితే వృశ్చిక రాశిలో శుక్రుడి సంచారం సమయంలో మూడు రాశులవారికి కష్టాలు తప్పవు..ఆర్థిక పరిస్థితి ఆశించిన స్థాయిలో ఉండదు, ఈ సమయంలో ఆరోగ్యపరంగా జాగ్రత్తలు తీసుకోకతప్పదు, మీ చుట్టూ మీకు తెలియకుండా కుట్రలు జరిగే అవకాశం ఉంటుంది. ఆ మూడు రాశుల్లో మీ రాశి ఉందా? ఇక్కడ చెక్ చేసుకోండి...


Also Read: రాశులవారికి ఈ వారం (అక్టోబరు 14 to 20 ) 'గురిపెట్టినా ఎర పడదు' - శ్రమ ఎక్కువ ఫలితం తక్కువ!


మేష రాశి ( Aries ) 


మొదటి రాశి అయిన మేషంపై శుక్రుడి రాశి పరివర్తనం ప్రతికూల ప్రభావం చూపే అవకాశం ఉంది. ఈ సమయంలో ఉద్యోగులు, వ్యాపారులు జాగ్రత్తగా ఉండాలి. మీ ప్రత్యర్థులు మీకు వ్యతిరేకంగా కుట్ర చేయవచ్చు..మీరు తీవ్రంగా నష్టపోయే అవకాశం ఉంది. అనవసర చర్చలకు ఎంత దూరంగా ఉంటే అంత మంచిది. వైవాహిక జీవితంలో కలహాలు జరిగే సూచనలున్నాయి. జీవిత భాగస్వామితో బంధం విషయంలో ఓ అడుగు తగ్గడం మంచిది. మానసిక ప్రశాంతత ఉండదు..ఒత్తిడి అధికం అవుతుంది. 


మిథున రాశి (Gemini )


శుక్రుని రాశి మార్పు వలన మిథున రాశి వారు జీవితంలో ఎన్నో ఒడిదొడుకులను ఎదుర్కోవలసి వస్తుంది.  నవంబరు 07 వరకూ మీరు చేపట్టిన పనులు పూర్తికావు.. పూర్తి అయినా కానీ మంచి ఫలితాలు సాధించలేరు. ఎక్కువ కష్టపడతారు కానీ ఆశించిన విజయం సాధించలేరు..ఒత్తిడి ఉంటుంది. నిరాశ చుట్టుముడుతుంది. పాత వ్యాధులు తిరగబెట్టే సూచనలున్నాయి. ఆహారంపై శ్రద్ధ వహించాలి. అనవసర వివాదాలకు దూరంగా ఉండడం మంచిది. కోర్టు కేసులలో చిక్కుకునేవారు సంయమనం పాటించాలి..కోర్టు బయటే సమస్య పరిష్కరించుకునేందుకు ప్రయత్నించాలి.


Also Read: అక్టోబరు 14 to 20 .. ఈ వారం ఈ 4 రాశులవారికి పట్టిందల్లా బంగారమే - అన్నీ అనుకూల ఫలితాలే!


ధనుస్సు రాశి (Scorpio )


ధనుస్సు రాశివారికి వృశ్చిక రాశిలో శుక్రుని సంచారం వల్ల ఆర్థిక సంక్షోభం  ఎదుర్కోవలసి ఉంటుంది. మీ లెక్కలోకి రాని ఖర్చులు ఇబ్బంది కలిగించవచ్చు.విలాసాలు ,  సౌకర్యాల కోసం డబ్బు ఖర్చు చేయడం మీ పొదుపుపై ​​ప్రభావం చూపుతుంది. భవిష్యత్తును దృష్టిలో ఉంచుకుని పెట్టుబడులు పెట్టడం మంచిది. అనుకోని ప్రయాణాలు చేయాల్సి రావొచ్చు. పని ఒత్తిడి పెరుగుతుంది..తొందరగా అలసిపోయినట్టు అనిపిస్తుంది. ఆశించిన ఫలితాలు రాకపోవడంతో నిరాశ చెందుతారు. అనారోగ్య సమస్యలున్నాయి..ముఖ్యంగా కళ్లు, పొట్టకు సంబంధించిన సమస్యలతో ఇబ్బందిపడతారు.  


Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.


Also Read: అక్టోబరు 14 to 20.. ఈ రాశులవారికి శుభం-అశుభం మిశ్రమంగా ఉంటుంది - ఈ 3 రంగాలవారికి విశేష జయం!