ప్రకాశం జిల్లాలో రెండు హత్యలు జరిగాయి. నమ్మించి ఓ మహిళను ఇంట్లోకి రప్పించి అత్యాచారయత్నం చేశాడు ఓ నాటు వైద్యుడు. అయితే ఆమె ప్రతిఘటించడంతో గొడ్డలితో నరికి చంపాడు. అయితే ఈ విషయం తెలిసిన గ్రామస్థులు నాటు వైద్యుడిని రాళ్లతో కొట్టి చంపారు. ఇంతకీ ఏం జరిగిందంటే..?
ప్రకాశం జిల్లా కామేపల్లికి చెందిన ఓ మహిళ కూలీ పనుల కోసం వెళ్తుంది. ఆమె ఒంటరిగా వెళ్తున్న విషయాన్ని గమనించాడు ఓబయ్య అనే వ్యక్తి. ఆమెతో మాటమాట కలిపాడు. ఈ క్రమంలోనే తనకున్న మోకాళ్ల నోప్పుల గురించి చెప్పింది ఆ మహిళ. ఇదే అదునుగా భావించిన ఓబయ్య. మోకాళ్ల నొప్పులకు మందులిస్తా రమ్మంటూ.. ఇంట్లోకి పిలిచాడు. నిజమే అని నమ్మి వెళ్లింది మహిళ. అనంతరం ఆమెపై అత్యాచారయత్నం చేశాడు. ఆమె ప్రతిఘటించింది. ఈ విషయం బయటకు వస్తుందనే భయంతో కాళ్లు, చేతులు కట్టేసి గొడ్డలితో నరికి చంపాడు. ఈ విషయాన్ని ఇంట్లో వాళ్లకి చెప్పాడు. కుటుంబ సభ్యులు పోలీసులకు సమాచారమిచ్చారు.
జరుగుమల్లి ఎస్సై రజియా సుల్తానా హుటాహుటిన సిబ్బందితో సంఘటనా స్థలానికి చేరుకుని పరిశీలించారు. మహిళ రక్తపు మడుగులో ఒంటిపై బట్టలు లేకుండా పడి ఉండటం గమనించారు. వెంటనే ఓబయ్యను అదుపులోకి తీసుకుని పోలీసు జీపులో ఎక్కించి పోలీస్ స్టేషన్‌కు తరలించేందుకు ప్రయత్నించారు. అప్పటికే విషయం తెలిసిన గ్రామస్థులు.. ఓబయ్యను వాహనం నుంచి బయటకు లాగి మరీ కొట్టారు. అడ్డుకోబోయిన ఎస్సై రజియాను పక్కకు తోసేశారు. గ్రామస్థులు చేసిన దాడిలో ఓబయ్య అక్కడికక్కడే మృతి చెందాడు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
Also Read: Kurnool Crime: భర్త గొంతుకు టవల్ చుట్టి చంపేసిన భార్య.. ఆ తర్వాత ప్రియుడితో కలిసి..
Also Read: 4 రోజుల్లో రూ.1331 కోట్లు లాభం.. ఆ రెండు టాటా కంపెనీలతో పెరిగిన ఝున్‌ఝున్‌వాలా సంపద
Also Read: Bank Charges: బ్యాంకు ఛార్జీలతో విసిగిపోయారా! ఇలా చేస్తే తక్కువ రుసుములే పడతాయి