అంగన్‌వాడీలకు అందించే ఆహారంలో మునగాకును ప్రభుత్వం చేర్చింది. ఇప్పటి వరకు పైలెట్‌ ప్రాజెక్టుగా చేపట్టిన మెను విజయవంతం అవ్వడంతో రాష్ట్రవ్యాప్తంగా దీన్ని అమలు చేయాలని చూస్తోంది ప్రభుత్వం. పోషల విలువలు ఎక్కువ ఉండే మునగాకు వారానికి రెండు రోజులు అందివ్వనున్నారు. దీని వల్ల గర్భిణులు బాలింతలు, చిన్నారల ఆరోగ్య సమస్యలకు చెక్‌ చెప్పవచ్చని ఆలోచన.
మునగాకు చేసే మేలు మరే ఇతర ఆకు కూరలు చేయవని చాలా మంది నమ్ముతున్నారు. రోజువారి ఆహారంలో దీన్ని భాగంగా చేసుకోమని వైద్యులు కూడా చెబుతున్నారు. పసిబిడ్డలకు పాలిచ్చే తల్లులు మునగాకును తీసుకుంటే పిల్లల ఆరోగ్యం బాగుంటుంది. దీన్ని ఏ రూపంలోనైనా తీసుకోవచ్చు.
మునగాకులో పోషకాలు, ఖనిజాలు, ఫైబర్ ఉంటాయి. చర్మాన్ని హైడ్రేట్ చేస్తుంది. జుట్టు పెరుగుదలను మెరుగుపరుస్తుంది. మునగాకులో ఉంటే ఫ్లేవానాయిడ్లు కారణంగా రక్తపోటును తగ్గిస్తుంది. చక్కెర స్థాయిలను నియంత్రిస్తుంది. రోగనిరోధక శక్తిని పెంపొందించడంలో, రక్తంలో చక్కెర, కొవ్వులను నియంత్రించి.. గుండె పని తీరు మెరుగు పరచడంలో ఇది బాగా పని చేస్తుంది.
అందుకే దీన్ని అంగన్‌వాడీ మెనూలో చేర్చాలని ప్రభుత్వం ప్లాన్ చేసింది. ఇప్పటికే ఎన్టీఆర్ జిల్లాలో ప్రయోగాత్మకంగా ప్రవేశ పెట్టింది. ఓ గ్రామంలో మునగ చెట్లను పెంచి ఆ చెట్టు నుంచి వచ్చే ఆకులను గర్భిణులకు, బాలింతలకు అందజేసింది. మునగాకు పప్పు, మునగాకు కూర ఇలా ఏదో రూపంలో లబ్దిదారులకు అందజేసింది. వారానికి రెండు రోజులు దీన్ని ఇవ్వాలని ఇప్పుడు నిర్ణయించారు.
అంగన్‌వాడి కేంద్రాల ద్వారా గర్బణులు, బాలింతలు, చిన్నారులకు పోషకాహారాన్ని అందించేందుకు రాష్ట్రవ్యాప్తంగా మునగ చెట్ల పెంపకం చేపట్టారు. వారంలో రెండు రోజుల పాటు మునగ ఆకుతో చేసిన కూరను వడ్డిస్తారు. ప్రతి రోజు మొదటి ముద్ద మునగాకు పొడితో తీసుకునేలా ప్రయత్నిస్తున్నట్టు అధికారులు చెబుతున్నారు.
అంగన్‌వాడిలో ఇచ్చే మెనూ ఇదే
తల్లుల మెనూ
సోమవారం- అన్నం, దోసకాయ పప్పు, కోడిగుడ్డు కూర
మంగళవారం- అన్నం, టమోటా పప్పు, కోడిగుడ్డు కూర
బుధవారం-అన్నం, ఆకుకూర పప్పు, కోడిగుడ్డు కూర
గురువారం- ఎగ్‌ఫ్రైడ్‌రాస్‌, ఆకుకూర పప్పు, కూరగాయలతో సాంబారు
శుక్రవారం- అన్నం, బీరకాయ పప్పు, మునగాకు/పాలకూరతో గుడ్డుకూర
శనివారం- వెజిటబుల్‌ రైస్‌, ఆకుకూర, కూరగాయలతో సాంబారు, ఉడికించిన కోడి గుడ్డు
చిన్నారుల మెనూ
సోమవారం- అన్నం, దోసకాయ పప్పు, ఉడికించిన గుడ్డు
మంగళవారం- పులిహోర, టమోటా పప్పు, కోడిగుడ్డు కూర
బుధవారం-అన్నం, ఆకుకూర పప్పు, ఉడికించిన గుడ్డు
గురువారం- అన్నం, ఆకుకూర పప్పు, కూరగాయలతో సాంబారు, ఉడికించిన కోడిగుడ్డు
శుక్రవారం- అన్నం, బీరకాయ పప్పు, మునగాకు/పాలకూర, ఉడికించిన కోడి గుడ్డు
శనివారం- వెజిటబుల్‌ రైస్‌, ఆకుకూర, కూరగాయలతో సాంబారు, ఉడికించిన కోడి
వీటితోపాటు రోజూ తల్లులకు 200 మిల్లీ లీటర్ల పాలు, పిల్లలకు 100 మిల్లీ లీటర్ల పాలు అందిస్తున్నారు.
Also Read: మునగాకు ఔషధాల గని... ఆహారంలో భాగం చేసుకోండి... అద్భుత ప్రయోజనాలు పొందండి
Also Read: పోషకాల మునగాకు పరాటా... చపాతీకు బదులు ఇది తింటే ఎంతో మేలు
Also Read: మునగాకు మధుమేహాన్ని అదుపులో ఉంచుతుందా? ఎంత మోతాదులో తీసుకుంటే మేలు?