ఆంధ్రప్రదేశ్ మంత్రి కొడాలి నానిపై సినిమా టిక్కెట్ల వివాదంలో రామ్ గోపాల్ వర్మ చేసిన ట్వీట్ ఒకటి వైరల్ అయింది. తనకు నేచురల్ స్టార్ నాని మాత్రమే తెలుసని.. ఇంకే నాని తెలియదని ఆయన ట్వీట్ చేశారు. ఆర్జీవీకి తెలియకపోతే తనకేం నష్టం లేదని అనుకున్నారేమో కానీ కొడాలి నాని కూడా ఈ అంశంలో తర్వాత రెస్పాండ్ కాలేదు. అయితే ఇప్పుడు ఆర్జీవీనే తనకు కొడాలి నాని తెలుసనేలా వరుసగా ట్వీట్లు చేశారు.
Also Read: మంత్రి కొడాలి నాని పై పిఠాపురం మాజీ ఎమ్మెల్యే వర్మ సంచలన ఆరోపణలు
సంక్రాంతి వేడుకల సందర్భంగా గుడివాడలో కొడాలి నానికి చెందిన కన్వెన్షన్ సెంటర్‌లో గోవా తరహా కేసినో ఏర్పాటయింది. దీనికి సంబంధించిన దృశ్యాలు సోషల్ మీడియాలో వైరల్ అయ్యాయి. వీటిపై విపక్ష పార్టీలు తీవ్రంగా విమర్శలు చేస్తున్నాయి. ఎందరో మహామహులు పుట్టిన గుడివాడను జూద కేంద్రంగా మార్చారని విమర్శలు చేస్తున్నారు. వారందరికీ కౌంటర్ ఇస్తూ రామ్ గోపాల్ వర్మ .. కొడాలి నానిని పొగుడుతూ ట్వీట్లు పెట్టారు.
గుడివాడను అంతర్జాతీయ స్థాయిలో నిలబెట్టారని... లండన్ , పారిస్, వేగాస్ స్థాయిలో ఉంచారని అభినందించారు. అంతేనా... గుడివాడలో గోవా కల్చర్‌ను వ్యతిరేకిచే వారినందర్నీ డంబోస్‌గా తిట్టిపోశారు. గుడివాడ ప్రజలు గోవా స్టైల్ కాసినోలను చూస్తారు కానీ.. గోవా వాళ్లు గుడివాడ రారని తెలుసుకోవాలని హితబోధ చేశారు. క్రిడిట్ మొత్తాన్ని కొడాలి నానికి కేసినో క్రెడిట్ మొత్తం కట్టబెట్టేశారు ఆర్జీవీ.