సతీష్ ధావన్ స్పేస్ సెంటర్‌ షార్ నుంచి ఈ ఏడాది మొదటి రాకెట్‌ ప్రయోగించేందుకు శాస్త్రవేత్తలు సిద్ధమవుతున్నారు. వాతావరణ పరిస్థితులు అనుకూలిస్తే ఈ నెల 14వ తేదీ ఉదయం 5.59 గంటలకు షార్ లోని మొదటి ప్రయోగ వేదిక నుంచి ఈ ప్రయోగం జరుగుతుంది. పోలార్‌ శాటిలైట్ లాంచ్ వెహికల్‌- సి 52(పీఎస్ఎల్వీ) వాహక నౌక ప్రయోగానికి ఇప్పటికే ఏర్పాట్లు ముమ్మరంగా జరుగుతున్నాయి.
ఇప్పటికే వాహక నౌక అనుసంధానం పూర్తి కావచ్చింది. నాలుగు దశల అనుసంధానం పూర్తి చేసి ఆ తర్వాత ఉష్ణకవచం అమర్చారు. అనంతరం వివిధ పరీక్షలు జరిపి రిహార్సల్స్, ప్రీ కౌంట్ డౌన్ నిర్వహించబోతున్నారు. ప్రయోగానికి ముందుగా నిర్వహించే కౌంట్ డౌన్ ప్రక్రియ ఈ నెల 13వ తేదీ వేకువజామున 4.29 గంటలకు ప్రారంభం అవుతుంది. నిరంతరాయంగా 25 గంటల 30నిముషాలపాటు కౌంట్ డౌన్ సాగుతుంది. ఆ తర్వాత పీఎస్ఎల్వీ ప్రయోగిస్తారు.
రాకెట్‌ సన్నద్ధత, లాంచ్ ఆథరైజేషన్ సమావేశాలు ఈ నెల 12న జరుగుతాయి. పీఎస్ఎల్వీ సి-52 ద్వారా ఆర్‌ఐశాట్‌-1ఎ (ఈవోఎస్‌-04)తోపాటు ఐఎన్ఎస్-2టీడీ, విద్యార్థులు రూపకల్పన చేసిన ఇన్ స్పైర్ శాట్ -1 ఉపగ్రహాలను కక్ష్యలో ప్రవేశపెడతారు.
1,710 కిలోగ్రాముల బరువున్న ఈఓఎస్-04 శాటిలైట్ బరువు 1710 గ్రాములు. ఇదో రేడార్ ఇమేజింగ్ శాటిలైట్. ఎటువంటి వాతావ‌ర‌ణంలోనైనా ఇది హైక్వాలిటీ ఇమేజ్‌ ల‌ను తీసి పంపిస్తుంది. వ్య‌వ‌సాయం, అట‌వీ, మొక్క‌ల పెంప‌కం, నేల సాంద్ర‌త, హైడ్రాల‌జీ, ఫ్ల‌డ్ మ్యాపింగ్ లాంటి అప్లికేష‌న్ల‌కు ఈ శాటిలైట్ ను వాడ‌తారు. ఈఓఎస్-04 శాటిలైట్ ను 529 కిలోమీటర్ల ఎత్తులో
మిగిలిన రెండు చిన్న శాటిలైట్లలో ఒకటైన ఇన్స్పైర్ శాట్-1ను యూనివర్శిటీ ఆఫ్ కొలరాడోకు చెందిన లేబొరేటరీ ఆఫ్ అట్మాస్పియరిక్ అండ్ స్పేస్ ఫిజిక్స్ తో కలిసి ఇండియన్ ఇన్స్టిట్యూట్ ఆఫ్ స్పేస్ సైన్స్ అండ్ టెక్నాలజీ తయారు చేసింది.
ఇండియా భూటాన్ జాయింట్ శాటిలైట్..
రెండో చిన్న శాటిలైట్ ఐఎన్ఎస్-2టీడీ ఇండియా-భూటాన్ జాయింట్ శాటిలైట్. పీఎస్ఎల్వీ ప్రయోగానికి లాంచ్ ఆథరైజేషన్ బోర్డ్ అనుమతి లభించిన తర్వాత 25 గంటల కౌంట్ డౌన్ ప్రారంభం అవుతుంది.