Corona Update: ఏపీలో కొత్తగా 184 కరోనా కేసులు.. వైరస్ కారణంగా ఇద్దరు మృతి

ఏపీలో కరోనా కేసులు స్థిరంగా నమోదవుతున్నాయి. కొత్తగా 184 కరోనా కేసులు నమోదయ్యాయి.

ఏపీలో కొత్తగా 184 కరోనా కేసులు నమోదయ్యాయి. 24 గంటల వ్యవధిలో 30,747 శాంపిల్స్ ని పరీక్షించారు. కరోనా కారణంగా కృష్ణా, చిత్తూరు జిల్లాల్లో ఒక్కొక్కరు చొప్పున చనిపోయారు. గడచిన 24 గంటల వ్యవధిలో 204 మంది కొవిడ్ నుంచి పూర్తిగా కోలుకున్నారు.  ఇప్పటి వరకు రాష్ట్రంలో మొత్తం 20,71,141 పాజిటివ్ కేసులు నమోదయ్యాయి. 20,54,678 మంది డిశ్ఛార్జ్ అయ్యారు. మెుత్తం 14,455 మంది కరోనా కారణంగా మరణించారు. ప్రస్తుతం 2,008 మంది చికిత్స పొందుతున్నారు.

దేశంలో...

దేశంలో రోజువారి కరోనా కేసులు 558 రోజుల కనిష్ఠానికి చేరాయి. కొత్తగా 6,822 కేసులు నమోదయ్యాయి. 220 మంది మృతి చెందారు. 10,004 మంది కరోనా నుంచి కోలుకున్నారు. యాక్టివ్ కేసుల సంఖ్య 95,014కు చేరింది. 554 రోజుల్లో ఇదే కనిష్ఠం. ఈ మేరకు కేంద్ర ఆరోగ్య శాఖ వెల్లడించింది.

• మొత్తం కేసులు: 3,46,48,383


• ‬మరణాలు: 4,73,757


• యాక్టివ్ కేసులు: 95,014


• కోలుకున్నవారు: 3,40,79,612

మొత్తం కేసుల సంఖ్య 4,73,757కు పెరిగింది. రికవరీ రేటు 98.36%గా ఉంది. 2020 మార్చి నుంచి ఇదే అత్యధికం. గత 11 రోజులుగా కరోనా కేసులు 10 వేల కంటే తక్కువే నమోదవుతున్నాయి. గత 163 రోజులుగా 50 వేల కంటే తక్కువే ఉన్నాయి.

మొత్తం కేసుల్లో యాక్టివ్ కేసుల శాతం 0.27గా ఉంది. 2020 మార్చి నుంచి ఇదే అత్యల్పం. 

దేశంలో టీకాల పంపిణీ వేగంగా కొనసాగుతోంది. మరో 79,39,038 మంది లబ్ధిదారులకు వ్యాక్సిన్ అందించినట్లు కేంద్ర వైద్య శాఖ వెల్లడించింది. ఇప్పటివరకు 128.76 కోట్ల వ్యాక్సిన్ డోసులను పంపిణీ చేశారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి