ఈ వారం (ఏప్రిల్ 17 నుంచి 23) ఈ రాశులవారి సమస్యలు పరిష్కారం అవుతాయి

మేష రాశివారు ఈ వారం ఆరోగ్యం పై శ్రద్ధ చూపించాలి. పనుల్లో ఆంటకాలున్నా ఎట్టకేలకు పూర్తిచేస్తారు. ఉద్యోగులకు పని ఒత్తిడి పెరుగుతుంది. ఆర్థిక పరిస్థితి సాధారణంగా ఉంటుంది. వ్యాపారాలు బాగా సాగవు.

వృషభ రాశివారి ఆర్థిక పరిస్థితి బావుంటుంది. సేవా కార్యక్రమాలపై ఆసక్తి చూపిస్తారు. ఆధ్యాత్మిక విషయాలపై ఆసక్తి పెరుగుతుంది. అనారోగ్య సూచనలున్నాయి జాగ్రత్త. నిరుద్యోగులు ఉద్యోగంలో స్థిరపడతారు. ఉద్యోగులు, వ్యాపారులకు ఈ వారం బాగా కలిసొస్తుంది.

మిథున రాశి వారు ఈ వారం ఓ శుభవార్త వినే అవకాశం ఉంది. ఆర్థిక పరిస్థితి గతంలో కన్నా మెరుగ్గా ఉంటుంది. ప్రత్యర్థులు కూడా మీకు మిత్రులవుతార. కొన్నేళ్లుగా పడిన కష్టానికి ప్రతిఫలం అందుకుంటారు. వ్యాపారంలో లాభలొస్తాయి. ఉద్యోగులు ఉన్నతాధికారుల ప్రశంసలు అందుకుంటారు.

కర్కాటక రాశివారు ఈ వారం తీసుకునే కొన్ని నిర్ణయాలు అందర్నీ ఆశ్చర్యపరుస్తాయి. మీ ఆలోచనలు కార్యరూపం దాల్చుతాయి. ఆరోగ్యంపై కొంత శ్రద్ధ అవసరం. నిరుద్యోగుల అన్వేషణ ఫలిస్తుంది. ఉద్యోగులకు పనిభారం తగ్గుతుంది. ఆదాయం బాగానే ఉంటుంది

సింహ రాశివారు ఈ వారం శ్రమకు తగ్గ ఫలితం పొందుతారు. కొన్ని పనులలో అవరోధాలు ఎదురైనా పట్టుదలతో పూర్తి చేస్తారు. తెలివిగా వ్యవహరించి సమస్యల నుంచి ఒడ్డునపడతారు. వ్యాపారంలో పెట్టుబడులు కలిసొస్తాయి. ఉద్యోగులకు పని విషయంలో మంచి పేరు సంపాదించుకుంటారు.

కన్యా రాశికి ఈ వారం అద్భుతంగా ఉంది. మీ మాటకు తిరుగుండదు. మీ అభిప్రాయాలను అందరూ గౌరవిస్తారు. శుభకార్యాల్లో పాల్గొంటారు. సన్నిహితుల నుంచి సహాయ సహకారాలు అందుతాయి. నిరుద్యోగులకు ఉద్యోగ అవకాశాలు లభిస్తాయి. ఉద్యోగులు ఉన్నత హోదా పొందుతారు. ఆరోగ్యం జాగ్రత్త.

గతం వారం కన్నా ఈ వారం తులారాశివారికి ఉపశమనంగా ఉంటుంది. సమస్యలు పరిష్కారం అవుతాయి. ఆర్థిక పరిస్థితి మెరుగ్గా ఉంటుంది. అప్పుల బాధలు తీరుతాయి. మీ గౌరవం పెరుగుతంది. నిరుద్యోగులకు ఉద్యోగం, ఉద్యోగులకు పదోన్నతి ఉంటుంది.

ఈ వారం వృశ్చిక రాశివారికి బాగానే ఉంది. ఆదాయం పెరుగుతుంది..ఆరోగ్యం బావుంటుంది. సమస్యలను పరిష్కరించకోగలుగుతారు. పని ఒత్తిడి ఉన్నా అధిగమించగలుగుతారు. పుణ్యక్షేత్రాలు సందర్శిస్తారు. ముఖ్య నిర్ణయాల విషయంలో కుటుంబసభ్యుల సలహాలు పాటిస్తారు.

ధనుస్సు రాశివారికి కొన్ని సమస్యలు ఉన్నప్పటికీ పట్టుదలతో అనుకున్నది సాధిస్తారు. మీ ప్రతిభాపాటవాలు అందరూ గుర్తిస్తారు.మీకంటూ ప్రత్యేక గౌరవం లభిస్తుంది. మీ ఆశయాల సాధనలో బంధువర్గం సహకరిస్తుంది. ఆదాయం బావుంటుంది. ప్రణాళికలు అమలుచేయగలుగుతారు.

ఈ వారం మకరరాశివారికి ఆదాయం బావుంటుంది. ఆర్థిక వ్యవహారాలు ముందుకు సాగుతాయి. పనులు పూర్తవుతాయి. కుటుంబంలో వివాదాలు తొలగి పోతాయి. విద్యార్థులు పోటీ పరీక్షల్లో మంచి ఫలితాలు సాధిస్తారు. ఉద్యోగులు పదోన్నతికి సంబంధించిన సమాచారం వింటారు.

కుంభ రాశికి ఈ వారం శుభఫలితాలున్నాయి. మాటతీరుతో ఎంతటివారినైనా కట్టిపడేస్తారు. ముఖ్యమైన వ్యక్తులను కలుస్తారు..వారిద్వారా భవిష్యత్ ప్రయోజనాల గురించి చర్చిస్తారు. ప్రారంభించిన పనులు సమయానికి పూర్తిచేస్తారు. ఆధ్యాత్మిక విషయాలపై ఆసక్తి పెరుగుతుంది.

మీన రాశివారికి గడిచిన వారం కన్నా ఈ వారం ఆర్థిక పరిస్థితి మెరుగ్గా ఉంటుంది. పాత స్నేహితులను కలుస్తారు. ప్రముఖులతో సమావేశాలు ఉండొచ్చు. ఆస్తి వివాదాలు తీరి ప్రశాంతత పొందుతారు. వ్యాపార లావాదేవీలు బాగానే సాగుతాయి. ఉద్యోగులకు అనుకూల ఫలితాలున్నాయి.