గ్రహాలు నెలకోసారి రాశి మారుతుంటాయి. ఆ ప్రభావం అన్ని రాశులపైనా ఉంటుంది. కొందరికి అనుకూల ఫలితాలుంటే మరికొన్ని రాశులవారికి ప్రతికూల ఫలితాలుంటాయి.
కొన్ని గ్రహాల ప్రభావం ఏడాదంతా వెంటాడుతాయి. అలా 2023లో కొన్ని రాశులవారికి అంతగా బాలేదని చెబుతున్నారు జ్యోతిష్య శాస్త్ర పండితులు
మేష రాశి మేష రాశివారికి 2023 అంతగా అనుకూల ఫలితాలనివ్వదు. పూర్తిగా ప్రతికూల ఫలితాలనే ఇస్తుందనే భయం అవసరం లేదు కానీ 2022తో పోలిస్తే ఈ ఏడాది కొన్ని సమస్యలు ఎదుర్కోకతప్పదు. పనిపట్ల ఉండే అజాగ్రత్త వీళ్లకి సమస్యలు తెచ్చిపెడుతుంది. ఉద్యోగులకు సమస్యలు తప్పవు..
వ్యాపారులు నూతన పెట్టుబడుల గురించి ఆలోచించకపోవడమే మంచిది. ఆర్థిక సమస్యలు కొంత ఇబ్బంది పెడతాయి. అనవసర ఖర్చులు పెరుగుతాయి. అవివాహితులకు ఈ ఏడాది కూడా వివాహం జరగదు. మీ వ్యక్తిగత జాతకంలో గ్రహస్థితిని బట్టి ఫలితాలు కొంత మారొచ్చు....
మకరరాశి మకరరాశి వారికి కూడా 2023 అంతగా కలసిరాదు. ఈ రాశివారు వైవాహిక జీవితంలో కొన్ని ఇబ్బందులు ఎదుర్కొంటారు. వివాదాల్లో చిక్కకుంటారు. రిలేషన్ షిప్ లో ఉన్నవారు జాగ్రత్తగా ఉండాలి. ఈ రాశులవారి గురించి వారి వారి కుటుంబ సభ్యులు ఆవేదన చెందుతారు...
ఏ పని చేసినా సానుకూల ఫలితాలు పొందలేరు. నిజమైన ప్రేమను చూపించినా అది ఎవ్వరికీ అర్థంకాదు. అవివాహితులు ఎలాగోలా పెళ్లైతే చాలు అనే ఆలోచనకు వచ్చేస్తారు. మనోధైర్యంతో ముందుకు వెళ్లడమే కానీ గ్రహబలం మీకు అంతగా కలసిరాదు..
కుంభ రాశి 2023లో దురదృష్టవంతుల జాబితాలో కుంభరాశి వారుకూడా ఉన్నారు. ఈ ఏడాది ఆర్థిక ఇబ్బందులు ఎదుర్కోవడం తప్పదు. ఖర్చులు తగ్గించాలి. ఉద్యోగులు పని విషయంలో జాగ్రత్తగా ఉండాలి. ఏదీ ప్లాన్ చేసుకోలేరు..ఏం చేయాలి అనుకున్నా కొన్ని అడ్డంకులు తప్పవు...
ఒంటరిగా ఉండలేరు..కుటుంబంతో సంతోషంగా ఉండలేరు అనే పరిస్థితిలో ఉంటారు. అప్పులు చేయాల్సిన పరిస్థితులు వస్తాయి...దీంతో సమస్యలు మరింత పెరుగుతాయి.
నోట్: ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు Image Credit: Freepik