ఊచకోతకు ఏడాది - కాలు కదపకుండా 201 కొట్టిన మ్యాక్స్‌వెల్!

2023 నవంబర్ 7వ తేదీన వన్డే ప్రపంచ కప్ చరిత్రలో ఒక అద్భుతం జరిగింది.

292 పరుగుల లక్ష్య ఛేదనలో 91/7 నుంచి మ్యాచ్‌ను గ్లెన్ మ్యాక్స్‌వెల్ గెలిపించాడు.

ఈ మ్యాచ్‌లో అతను కేవలం 128 బంతుల్లోనే 201 పరుగులు చేశాడు.

అజేయమైన ఎనిమిదో వికెట్‌కు ప్యాట్ కమిన్స్‌తో కలిసి 202 పరుగులు జోడించాడు.

ఈ భాగస్వామ్యంలో కమిన్స్ చేసింది 12 పరుగులు మాత్రమే.

దీన్ని బట్టి మ్యాక్స్‌వెల్ విధ్వంసం ఏ రేంజ్‌లో సాగిందో అర్థం చేసుకోవచ్చు.

మ్యాక్స్‌వెల్ ఇన్నింగ్స్‌లో 21 ఫోర్లు, 10 సిక్సర్లు ఉన్నాయి.

అంటే కేవలం బౌండరీలతోనే 144 పరుగులు వచ్చాయన్న మాట.

ఈ మ్యాచ్‌లో మ్యాక్స్‌వెల్ కాలికి గాయంతోనే ఆడాడు.

కొన్ని షాట్లు అయితే క్రీజులో నుంచి కాలు కదపకుండా కొట్టాడు.