కొరియా క్వీన్ హేఓ హ్వాంగ్-ఓక్ విగ్రహాన్ని మోదీ అయోధ్యలో ఆవిష్కరించారు. ఆ రాణికి భారతీయ మూలాలు

దక్షిణ కొరియా పురాతన గ్రంథం 'సామ్ గుక్ యూసా' ప్రకారం, ఆమె అయోధ్య రాజ్యానికి చెందిన రాజకుమారి. ఆమె అసలు పేరు సూరిరత్న.

క్రీస్తుశకం 48లో, తన 16వ ఏట ఆమె సముద్ర మార్గం ద్వారా సుదీర్ఘ ప్రయాణం చేసి కొరియాలోని గయా రాజ్యానికి చేరుకున్నారు.

ఆమె తల్లిదండ్రులకు వచ్చిన ఒక కల కారణంగా, ఆమెను సుదూర ప్రాంతంలో ఉన్న రాజును వివాహం చేసుకోవాలని పంపించారు.

కొరియా చేరుకున్నాక ఆమె అక్కడి 'గెయుమ్‌గ్వాన్ గయా' రాజ్య స్థాపకుడైన రాజు కిమ్ సురోను వివాహం చేసుకుని, ఆ రాజ్యానికి తొలి రాణి అయ్యారు.

తర్వాత ఆమెకు హేఓ హ్వాంగ్-ఓక్అ నే పేరు వచ్చింది. హ్వాంగ్-ఓక్ అంటే కొరియన్ భాషలో పసుపు రంగు రత్నం

దక్షిణ కొరియా జనాభాలో దాదాపు 60 లక్షల మంది ఆమె వంశానికి చెందినవారుగా భావిస్తారు.

'కిమ్', 'హేఓ' అనే ఇంటిపేర్లు ఉన్నవారు ఆమె వారసులమని చెప్పుకుంటారు.

ఈ చారిత్రక సంబంధాన్ని పురస్కరించుకుని అయోధ్య , కొరియాలోని గిమ్హే పట్టణాలను 'సిస్టర్ సిటీస్ 'గా ప్రకటించారు.

సరయూ నది తీరాన ఆమె గుర్తుగా 'క్వీన్ హేఓ మెమోరియల్ పార్క్' ఉంది. కొరియన్లు పెద్ద ఎత్తున వస్తూంటారు.