మగవారిలో విటమిన్ B12 లోపిస్తే కలిగే సమస్యలు ఇవే

విటమిన్ B12 లోపం వల్ల శరీరంలో ఎర్ర రక్త కణాల ఉత్పత్తి తగ్గుతుంది. దీంతో ఎప్పుడూ అలసటగా, నీరసంగా అనిపించవచ్చు.

సాధారణ పనులు చేసినా శక్తి లేనట్లుగా అనిపించవచ్చు. వ్యాయామం చేసే సామర్థ్యం కూడా తగ్గొచ్చు.

B12 నరాల ఆరోగ్యానికి చాలా ముఖ్యమైనది. దీని లోపం వల్ల చేతులు, కాళ్లలో తిమ్మిర్లు, మొద్దుబారినట్లు అనిపించడం జరగొచ్చు.

విటమిన్ B12 లోపం మెదడు పనితీరుపై ప్రభావం చూపి జ్ఞాపకశక్తి, ఏకాగ్రత తగ్గడానికి కారణం కావచ్చు.

చిరాకు, ఆందోళన, డిప్రెషన్ వంటి మానసిక సమస్యలతో B12 లోపానికి సంబంధం ఉండొచ్చని కొన్ని అధ్యయనాలు సూచిస్తున్నాయి.

రక్తహీనత కారణంగా కొందరిలో తల తిరగడం, బలహీనంగా అనిపించడం వంటి లక్షణాలు కనిపించవచ్చు.

తీవ్రమైన B12 లోపం వల్ల మెట్లు ఎక్కినప్పుడు లేదా శారీరక శ్రమ చేసినప్పుడు ఊపిరి ఆడకపోవచ్చు.

ఎర్ర రక్త కణాల ఉత్పత్తి తగ్గడం వల్ల ముఖం, చర్మం వెలిసిపోయినట్లు కనిపించవచ్చు.

కొన్ని సందర్భాల్లో విటమిన్ B12 లోపం వల్ల అలసట, బలహీనత పెరిగి లైంగిక ఆరోగ్యంపై కూడా ప్రభావం పడవచ్చు.

దీర్ఘకాలం B12 లోపాన్ని నిర్లక్ష్యం చేస్తే నరాల పనితీరు దెబ్బతినే ప్రమాదం ఉంటుంది. కొన్నిసార్లు ఈ నష్టం పూర్తిగా తిరిగి సరిచేయడం కష్టమవుతుంది.