నవంబర్ 10న సోమవారం సాయంత్రం ఢిల్లీలోని ఎర్రకోట మెట్రో స్టేషన్ సమీపంలో ఐ20 కారులో భారీ పేలుడు సంభవించింది

ఈ భారీ పేలుడుతో మరికొన్ని కార్లు, బైక్స్ ధ్వంసమయ్యాయి. ఈ ఘటనలో నవంబర్ 11 మధ్యాహ్నం వరకు 12 మంది చనిపోయారు.

ఇది ముందస్తు ప్రణాళికతో చేసిన ఉగ్రవాద దాడి అని, సంఘటనా స్థలంలో ఐఈడీ అవశేషాలు లభించాయని పోలీసులు తెలిపారు.

ఢిల్లీ పోలీసులు యుఏపీఏ, విస్ఫోటక చట్టం కింద కేసు నమోదు చేశారు

పేలుడుకు ఉపయోగించిన కారు హర్యానాలోని గుర్గావ్ నార్త్ ఆర్టీఓలో రిజిస్ట్రేషన్ అయింది. ఇప్పటికే అది చాలాసార్లు చేతులు మారింది.

ఐ20 కారు పేలుడుకు మూడు గంటల ముందు ఎర్రకోట మెట్రో స్టేషన్ సమీపంలో పార్కింగ్ చేసినట్లు గుర్తించారు.

కారును పార్క్ చేసింది మొహమ్మద్ ఉమర్ గా గుర్తించారు. ఫరీదాబాద్ టెర్రర్ మాడ్యూల్ తో సంబంధం కలిగి ఉన్నాడు.

తమ టీమ్ దొరికిపోవడంతో ఉమర్ కారులోనే ప్రమాదకర వస్తువులు పేల్చి ఆత్మాహుతి దాడికి పాల్పడ్డాడని పోలీసులు ప్రాథమికంగా భావిస్తున్నారు.

ఎర్ర కోట మెట్రో స్టేషన్ గేట్ 1, 4 మూసివేశారు. ఈ ప్రాంతంలో హైఅలర్ట్ ప్రకటించారు

ఈ దాడికి బాధ్యులను వదిలిపెట్టే ప్రసక్తే లేదని ప్రధాని మోదీ, హోం మంత్రి అమిత్ షా స్పష్టం చేశారు. అన్ని కోణాల్లో దర్యాప్తు చేస్తున్నట్లు తెలిపారు.