స్టార్ బాయ్ సిద్ధు జొన్నలగడ్డ ‘టిల్లు స్క్వేర్’ మొదటి రోజు రూ.23.7 కోట్ల వసూళ్లను సాధించింది.

ఈ విషయాన్ని నిర్మాతలు అధికారిక పోస్టర్ ద్వారా ప్రకటించారు.

కేవలం ఓవర్సీస్‌లోనే రూ.4.6 కోట్ల షేర్‌ను ‘టిల్లు స్క్వేర్’ వసూలు చేసింది.

అంటే గ్రాస్ రూ.10 కోట్లకు పైనే ఉంటుంది.

రెండు తెలుగు రాష్ట్రాల్లో రూ.13.45 కోట్ల గ్రాస్ వసూలు చేసింది.

ఇందులో డిస్ట్రిబ్యూటర్ షేర్ రూ.9.25 కోట్ల వరకు ఉంది.

కర్ణాటక, మిగతా భారతదేశం అంతా కలిపి రూ.45 లక్షల గ్రాస్ సాధించింది.

ఈ సినిమా మొదటి రోజు రూ.23.7 కోట్ల గ్రాస్ (రూ.14.3 కోట్ల షేర్) వసూలు చేసింది.

ఈ సినిమా బిజినెస్ రూ.28 కోట్ల వరకు జరగ్గా... సగానికి పైగా టార్గెట్ మొదటి రోజే ఫినిష్ చేసింది.

ఫుల్ రన్‌లో రూ.100 కోట్ల గ్రాస్‌ను సాధించే అవకాశం ఉందని నిర్మాతలు అంటున్నారు.