Woman Easily Catched Snake: సాధారణంగా మనకు పామును చూస్తేనే భయం. అలాంటిది ఆ మహిళ ఓ కంప్యూటర్ ఆఫీసులో దూరిన పామును అమాంతం పట్టేసుకుని చాలా సునాయాసంగా బ్యాగులో పెట్టేశారు. దీన్ని చూసిన అక్కడి వారు ఆశ్చర్యంతో పాటు ఆమె ధైర్యాన్ని ప్రసంసించారు. దీనికి సంబంధించిన వీడియో తాజాగా నెట్టింట వైరల్‌గా మారింది. ఛత్తీస్‌గడ్‌లోని (Chattishgarh) బిలాస్‌పూర్‌కు (Bilaspur) చెందిన యువతి అజిత స్నేక్ క్యాచర్ (Snake Catcher). ఆమె జనావాసాల్లోకి వచ్చిన పాములను పడుతూ బాధితులకు సాయం చేస్తుంటారు. పట్టుకున్న పాములను సురక్షిత ప్రాంతాల్లో వదిలేస్తారు. తాజాగా, ఓ ఆఫీసులో కంప్యూటర్ వెనుక నక్కి ఉన్న విషపూరిత పామును ఆమె చాకచక్యంగా పట్టేసి సంచిలో వేశారు. దీంతో అక్కడున్న వారు పిల్లలు ఆడుకునే తాడులా పామును పట్టేశారని ఆశ్చర్యపోయారు. దీనికి సంబంధించిన వీడియోను నెట్టింట షేర్ చేయగా వైరల్ అవుతోంది. దీన్ని చూసిన నెటిజన్లు 'ఆమె ధైర్యానికి హ్యాట్సాప్' అంటూ ప్రశంసిస్తూ కామెంట్స్ చేస్తున్నారు.
Also Read: Smartphone Usage: స్మార్ట్‌ఫోన్ వినియోగంలో చైనా టాప్‌, ఇండియా ఎక్క‌డుందో తెలుసా!