Viral Video: చిన్న పిల్లలు చేసే పనులు చాలా నవ్వు తెప్పిస్తుంటాయి. వారి అల్లరి ముద్దుగా కూడా ఉంటుంది. అచ్చీరాని మాటలు, బుడి బుడి అడుగులు, వారి నవ్వు, ఆఖరికి ఏడుపు కూడా చాలా బాగుంటాయి. చిన్న పిల్లలు ఉన్న ఇంట్లో ఉండే ఆ సందడే వేరు. వారితో చాలా ఎంజాయ్ చేయవచ్చు. వారి అల్లరి పనులు చూస్తూ చాలా టైం పాస్ చేయొచ్చు. వారితో గడిపే సమయం క్షణాల్లా గడిచిపోతుంటాయి. అయితే పిల్లలు చేసే కొన్ని కొన్ని పనులు ఎలా నవ్వు తెప్పిస్తాయో.. కొన్ని సార్లు గుండెలు జారి గల్లంతు కూడా అవుతుంటాయి. డేంజర్ పనులను కూడా పిల్లలను చేస్తూ ఉంటారు. అందుకే వారితో ఎంత ఎంజాయ్ చేస్తుంటామో.. అంతకంటే రెట్టింపు జాగ్రత్తగా ఉండాలని పెద్దలు అంటారు.
సోషల్ మీడియాలో అప్పుడప్పుడు పిల్లలకు చెందిన వీడియోలు కనిపిస్తుంటాయి. అందులో వాళ్లు చేసే అల్లరి పనులు నవ్వు తెప్పిస్తుంటాయి. వారి ముద్దు ముద్దు మాటలు చెక్కిలిగింతలు పెడుతుంటాయి. బుడి బుడి అడుగులు చూస్తూ చాలా ఎంజాయ్ చేస్తుంటాం. అలాగే కొన్ని వీడియాల్లో పిల్లలు డేంజరస్ పనులు కూడా చేస్తుంటారు. వారికి తెలియకుండా చాలా క్యాజువల్ గా ఇతర పనుల్లాగే చేస్తుంటారు. వారికి భయం అంటే తెలియదు.. ప్రమాదం గురించి అవగాహన ఉండదు. మంచికి, చెడుకు, ప్రమాదానికి తేడా తెలియదు. అలాంటి పిల్లలకు సంబంధించిన ప్రమాదకర వీడియాలు కూడా సోషల్ మీడియాలో అప్పుడప్పుడు కనిపిస్తుంటాయి. కొన్ని వీడియాల్లో చిన్నారులు ప్రమాదకర జంతువులతో, ప్రాణులతో ఆడుకుంటూ ఉంటారు. అలాంటివి చూస్తున్నప్పుడు చూసే వారి గుండె వేగంగా కొట్టుకుంటుంది. అలాంటి వీడియో ఒకటి ఇప్పుడు సోషల్ మీడియాలో వైరల్ అవుతోంది.
తాజాగా వైరల్ అవుతున్న వీడియోను ఫస్ట్ లవ్ అడిక్షన్ అఫీషియల్ అనే ఇన్‌స్టా పేజి పోస్టు చేసింది. అందులో ఓ బుడ్డోడు ప్రమాదకరమైన పని చేస్తూ కనిపిస్తున్నాడు. ఓ భారీ పొడవైన పాము తోకను పట్టుకుని.. ఇంట్లో పెంచుకునే కుక్క పిల్లను లాక్కొచ్చినట్టు, తాడుతో ఆటాడుకుంటున్నట్లుగా బుడి బుడి అడుగులు వేస్తూ వెళ్తుంటాడు. అలా ఓ చిన్న దేవాలయంలోకి వెళ్తాడు. అందులో దేవుడిని ప్రార్థిస్తూ కొందరు మహిళలు కూర్చొని ఉంటారు. ఈ బుడ్డోడు చేతితో తీసుకువస్తున్న పామును చూసి వారు ఒక్కసారిగా జడుసుకుంటారు. దూరంగా జరుగుతారు. ఆ పామును బయటకు తీసుకెళ్లమని అరుస్తుంటారు.
వారి అరుపులకు ఆ బుడ్డోడు ఏమాత్రం తొణకడు బెణకడు. ఆ పాము ఏదో తన ఫ్రెండ్ అన్నట్లుగా, దానిని తాను పెంచుకుంటున్నట్లుగా ఏమాత్రం భయపడకుండా దానిని పట్టుకుని ఉంటాడు. అంతలోనే ఓ వ్యక్తి వచ్చి ఆ చిన్న పిల్లాడి చేయి పట్టుకుని బయటకు లాక్కొని వెళ్లిపోతాడు. ఈ వీడియోను ఇప్పటి వరకు 6.94 లక్షల మంది లైక్ చేశారు. వేలకొద్ది కామెంట్లు కూడా వచ్చాయి. చాలా మంది ఇన్ స్టా యూజర్లు ఈ వీడియోపై రకరకాలుగా స్పందిస్తున్నారు. 'యంగ్ మోగ్లీ తన ఇంటికి తిరిగొచ్చేశాడు అంటూ' ఓ యూజర్ కామెంట్ పెట్టాడు. 'స్నేక్ పెయిడ్ యాక్టర్' అని మరొకరు కామెంట్ చేశారు.