Viral Video: పానీ పూరీ అంటే కేవలం ఫుడ్ మాత్రమే కాదు.. చాలా మందికి అదో ఎమోషన్. రోజూ సాయంత్రం అలా బయటకు వెళ్లి పానీ పూరీ భయ్యా దగ్గర ప్యాస్ వేసుకుని గప్‌చుప్‌ తింటే గానీ రోజు గడవదు చాలా మందికి. అందుకే పానీ పూరీ అంటే ఎమోషన్ అన్నది. గోల్ గప్పాను చిన్న పిల్లల నుంచి పెద్ద వారి వరకు ఎలాంటి తేడా లేకుండా అందరూ ఆస్వాదిస్తూ లాగించేస్తుంటారు. కానీ అమ్మాయిలకు మాత్రం పానీ పూరీతో ఉండే అనుబంధం ప్రత్యేకం. వారికి గప్ చుప్‌కు ఉన్న బంధం మాటలకు అందనిది. చాట్ స్టాల్ వద్ద రకరకాల వెరైటీలు ఉన్నప్పటికీ చాలా మంది ఇష్టంగా తినేది పానీ పూరిని మాత్రమే.
అసలు ఈ గోల్ గప్పాలను ఇంతగా ఇష్టపడి తినడానికి కారణాలు ప్రత్యేకంగా చెప్పాల్సిన అవసరం లేదు. అయితే కొందరు వెరైటీగా, క్రేజీ కాంబోలతో వచ్చే ఫుడ్ ఐటెమ్స్ ను తెగ ఇష్టపడుతుంటారు. అలాంటి వారి కోసమే గుజరాత్ కు చెందిన ఓ వీధి వ్యాపారి కొత్తగా బనానా పానీ పూరి ట్రై చేశాడు. అలాగే తన వద్దకు వచ్చే వారికి దానిని రుచి కూడా చూపిస్తున్నాడు. ఆ బనానా పానీ పూరికి చెందిన వీడియోను మహ్మద్ ఫ్యూచర్‌వాలా అనే ట్విట్టర్ యూజర్ పోస్టు చేయగా అదిప్పుడు సోషల్ మీడియాలో వైరల్ అవుతోంది. అంతేకాదు నెటిజన్లను రెండుగా చీల్చేసింది కూడా.
ఆలూ స్థానంలో బనానాతో పానీపూరీ
ఈ వీడియోలో ఆ స్ట్రీట్ ఫుడ్ వెండర్ కొత్తిమీర, స్పెసెస్, పచ్చిమిర్చి, శనగలు వేసి ఆఖర్లో బాగా పండిన అరటి పండ్లను వేసి చేతితో బాగా మిక్స్ చేయడం చూడవచ్చు. ఆలూ స్థానంలో బనానా వేసినట్లు తెలుస్తోంది. ఆ మిశ్రమంతోనే పానీ పూరీలు వడ్డిస్తూ కనిపించింది ఆ వీడియోలో. ఈయన వద్దకు వచ్చిన ఓ అమ్మాయికి ఈ బనానా పానీ పూరీ ఇవ్వడం, ఆమె దానిని తింటూ ఆస్వాదించడం కూడా వీడియోలో చూడవచ్చు. 27 సెకన్ల పాటు ఉన్న ఈ వీడియోను మహ్మద్ ఫ్యూచర్‌వాలా జూన్ 22వ తేదీ సాయంత్రం 4.59 గంటలకు పోస్టు చేయగా.. ఇప్పటి వరకు 45.8K వ్యూస్ వచ్చింది. చాలా మంది కామెంట్లు కూడా చేస్తున్నారు.
రెండుగా విడిపోయిన నెటిజన్లు
మహ్మద్ ఫ్యూచర్‌వాలా షేర్ చేసిన ఈ వీడియోపై స్పందిస్తూ నెటిజన్లు రెండుగా విడిపోయారు. కొందరు 'వావ్.. వాటే కాంబో.. టేస్టీ' అంటూ కామెంట్ చేయగా.. మరొకరు మాత్రం 'ఇదేం ఫుడ్ కాంబినేషన్ అంటూ' పెదవి విరిస్తున్నారు. 'ఈ దారుణమైన ఘటన ఎక్కడ జరుగుతోంది' అంటూ ఓ యూజర్ ప్రశ్నించారు. 'చాలా మందికి ఫేవరెట్ ఫుడ్ అయిన పానీ పూరీని అలా బనానాతో చేస్తూ చెడగొడుతున్నారు' అని ఓ నెటిజన్ కామెంట్ పెట్టారు. మరొకరు 'యాక్...' అంటూ కామెంట్ చేస్తూ తన ఫీలింగ్ ను చెప్పేశారు.
Join Us on Telegram: https://t.me/abpdesamofficial