Viral Video: సోషల్ మీడియాలో ఎప్పుడూ ఏదో ఒకటి ట్రెండ్ అవుతూనే ఉంటుంది. ఒకదాని తర్వాత ఒకటి అన్నట్లుగా ఒక అంశం ట్రెండింగ్ లోకి వచ్చి అందరినీ ఎంటర్‌టైన్‌ చేసి క్రమంగా తగ్గిపోతున్న సమయంలోనే మరో అంశం ట్రెండ్ అవుతుంది. అది సోషల్ మీడియాలో చాలా కామన్. అయితే ఈ మధ్య 'ది బాయ్స్' అంటూ ఓ మ్యూజిక్ ట్రెండ్ అవుతోంది. ఇమాజిన్ డ్రాగన్స్ నుంచి ఓ ట్యూన్ బాయ్స్ అటిట్యూడ్‌ కు జతచేస్తూ సోషల్ మీడియాలో చాలానే వీడియోలు కనిపిస్తున్నాయి. అలాంటిదే ఓ వీడియో ఇప్పుడు సోషల్ మీడియాలో తెగ ట్రెండ్ అవుతోంది. ఆ వీడియోకు 'ది బాయ్స్' అంటూ క్యాప్షన్ ఇచ్చి, మ్యూజిక్ జోడించక పోయినా.. అలాంటి తరహాలోనే చాలా మందిని ఆకట్టుకుంటోంది.
క్రికెట్ పై పిచ్చి, వర్షం అంటే మోజు.. అందుకేనేమో ఇలా క్రేజీగా!
మన దేశంలో చాలా మంది యువకులకు.. మెజారిటీ యువతకు క్రికెట్ అంటే పిచ్చి ఉంటుంది. చాలా మంది యువకులు నడుస్తూ ఉన్నప్పుడు బౌలింగ్ చేస్తున్నట్లు యాక్ట్ చేయడమో, బ్యాటింగ్ షాట్స్ ఆడుతున్నట్లు చేయడమో చేస్తూ ఉంటారు. అందుకే క్రికెట్ అంటే బాయ్స్ థింగ్ గా చూస్తుంటారు చాలా మంది. బాయ్స్ కు క్రికెట్ పై ఉండే వ్యామోహాన్ని చూపించేలా సినిమాల్లో, షార్ట్స్ ఫిల్స్మ్ లో చాలానే సీన్లు ఉంటాయి. బాయ్స్, క్రికెట్ అలాగే వర్షం.. ఈ మూడింటి కలయికలో ఉన్న ఓ వీడియో ఒకటి ఇప్పుడు సోషల్ మీడియాలో తెగ ట్రెండ్ అవుతోంది. 20 సెకన్ల నిడివి ఉన్న ఈ వీడియోలో కొంత మంది యువకులు క్రికెట్ ఆడుతూ కనిపిస్తుంటారు. ఆ సమయంలో జోరుగా వర్షం కురుస్తున్నా.. ఏమాత్రం పట్టించుకోకుండా చాలా సీరియస్ గా, సిన్సియర్ గా క్రికెట్ ఆడుతుంటారు. అది పగటి సమయం కూడా కాదు, రాత్రి వేళ లైట్లు వేసుకుని జోరు వానలో క్రికెట్ ఆడుతూ ఎంజాయ్ చేస్తున్నారు కుర్రాళ్లు. అందులో ఓ బ్యాటింగ్ చేసే కుర్రాడు స్కేటింగ్ షూ ధరించి ఉండటం మరింత ఆకట్టుకుంది.
559.6కే వ్యూస్, వేలల్లో కామెంట్లు..!
ఈ వీడియోను పోస్టు చేస్తూ చాలా మంది రకరకాలుగా క్యాప్షన్లు ఇస్తున్నారు. స్వాతిక్ అనే యూజర్ ఈ వీడియోను తన ట్విట్టర్ ఖాతాలో పోస్టు చేశారు. దానిపై రాసిన క్యాప్షన్ నెటిజన్లను నవ్వులు పూయిస్తోంది. 'వర్షం పడుతూ వాతావరణం ఎంత రొమాంటిక్ గా ఉంది.. వాడు తప్పకుండా వేరే అమ్మాయిలతో మాట్లాడుతూ ఉంటాడు' అని అమ్మాయి అనుకుంటుంటే.. అబ్బాయిలు మాత్రం వర్షంలో ఫ్రెండ్స్ తో కలిసి క్రికెట్ ఆడుతుంటారనే అర్థం వచ్చేలా క్యాప్షన్ ఇచ్చి వీడియోను పోస్టు చేశారు. ఈ వీడియోను జూన్ 27వ తేదీన సాయంత్రం 4.13 గంటకు ట్వీట్ చేయగా.. ఇప్పటి వరకు ఏకంగా 559.6K వ్యూస్ వచ్చాయి. ఈ ట్వీట్ పై నెటిజన్లు రకరకాలుగా స్పందిస్తూ కామెంట్లు పెడుతున్నారు. మరి ఇంకెందుకు ఆలస్యం మీరూ ఓ లుక్కేయండి.