ఇన్స్టాగ్రామ్లో ఫాలోయర్లను పెంచుకోవడం కోసం ఇన్ఫ్లూయెన్సర్లు, కంటెంట్ క్రియేటర్లు ఎన్ని కష్టాలు పడతారో ప్రత్యేకంగా చెప్పాల్సిన అవసరం లేదు. ప్రతి రోజూ డిఫరెంట్ రీల్స్, వీడియోలు చేస్తుంటారు. అయితే కొందరు జస్ట్ ఒక స్పూన్ పట్టుకుని నీళ్లు తోడుతూ, మట్టి తవ్వుతూ, ఫోర్క్ పట్టుకుని గోడ గీకుతూ, కాయిన్స్ పట్టుకుని నీళ్ల ట్యాంకులో వేస్తూ వేలకు వేల ఫాలోయర్లను పెంచుకుంటున్నారు. ఇన్స్టాగ్రామ్లో నయా ట్రెండ్స్ మీద ఒక లుక్ వేయండి.
నదిలో నీళ్ళు తోడుతున్నాడు భయ్యా...ఒక్కో ఫాలోయర్కు ఒక్కో స్పూన్ వాటర్!స్పూన్ రివర్ పేరుతో ఓ అకౌంట్ ఉంది. అందులో జస్ట్ నాలుగు వీడియోలు ఉన్నాయ్. దీని స్పెషాలిటీ ఏమిటంటే... ప్రతి రోజూ ఎంత మంది ఫాలోయర్లు పెరిగితే అన్ని స్పూన్స్ నీళ్లు నదిలో నుంచి తీసి బయట గట్టు మీద వేస్తాడు. మూడు రోజుల క్రితం పోస్ట్ చేసిన వీడియోకి 50 ప్లస్ మిలియన్ వ్యూస్ ఉన్నాయి. ఫిబ్రవరి 17వ తేదీకి 27కే ఫాలోయర్లు ఉన్నారు.
ఫోర్క్ పట్టుకుని గోడను గీకుతున్నాడు...ఇన్స్టాగ్రామ్లో ఒక్కొక్కరికి ఒక్కో గీత!ఫోర్క్ వర్సెస్ వాల్ పేరుతో మరొక ఇన్స్టాగ్రామ్ అకౌంట్ ఉంది. ఆ వీడియోలు చూస్తే... ఒక్కో ఫాలోయర్కు ఫోర్క్ పట్టుకుని గోడ మీద ఒక్కో గీత గీస్తాడు. ఓ విధంగా గోడను గీకుతున్నాడు. ఫిబ్రవరి 5న ఆ అకౌంట్లో ఫస్ట్ వీడియో పోస్ట్ చేశారు. అందులో 13 వీడియోలు ఉన్నాయి. ఇప్పటి వరకు 477కే ఫాలోయర్స్ ఉన్నారు.
స్పూన్ వర్సెస్ గ్రౌండ్ పేరుతో మరొక అకౌంట్ ఉంది. అందులో స్పెషాలిటీ ఏమిటంటే... స్పూన్ పట్టుకుని మట్టిని తవ్వుతున్నారు. ఎనిమిది వీడియోలు పోస్ట్ చేయగా... 159కే ఫాలోయర్లు వచ్చారు. మరొక అకౌంట్లో స్పూన్ పట్టుకుని గోడను గీకుతున్నారు.
చాకు పట్టుకుని కారు మీద గీతలు!ఇంకోర.ఇంక్ పేరుతో ఒక అకౌంట్ ఉంది. అందులో ఫస్ట్ డిఫరెంట్ వీడియోలు పోస్ట్ చేశారు. అయితే ఫాలోయర్ల కోసం కొత్త ట్రిప్ ప్లే చేయడం స్టార్ట్ చేశారు. చాకు తీసుకుని ఒక్కో ఫాలోయర్కు కారు మీద ఒక్కో గీత గీయడం స్టార్ట్ చేశారు. ప్రజెంట్ ఆ అకౌంట్ను ఫాలో అయ్యే వాళ్ళ సంఖ్య 9000 ఉన్నారు.
వాటర్ ట్యాంకులో కాయిన్స్ వేస్తున్నారువన్ ఫాలో వన్ కాయిన్ పేరుతో మరొక అకౌంట్ స్టార్ట్ చేశారు. నాలుగు రోజుల క్రితం అందులో ఒక వీడియో పోస్ట్ చేశారు. ఈ అకౌంట్ కాన్సెప్ట్ ఏమిటంటే... ఒక్కో ఫాలోయర్ పెరిగితే ఒక్కో కాయిన్ వాటర్ ట్యాంకులో వేస్తారు. రెండో వీడియోకు 10 మిలియన్ వ్యూస్ వచ్చాయి. జస్ట్ రెండు వీడియోలు పోస్ట్ చేస్తే... 15కే ఫాలోయర్లు వచ్చారు.
Also Read: ఎవరీ గీతూ మోహన్దాస్? 'టాక్సిక్' టీజర్తో హాట్ టాపిక్... డైరెక్టరే కాదు, నటిగా అవార్డు విన్నర్