Governor Tamilisai Soundararajan:
వృత్తి రీత్యా వైద్యురాలైన తెలంగాణ గవర్నర్ తమిళిసై సౌందరరాజన్ ఒకరి ప్రాణాలు కాపాడారు. శుక్రవారం అర్ధరాత్రి ఢిల్లీ- హైదరాబాద్ విమానంలో ప్రయాణిస్తున్న ఓ వ్యక్తి అస్వస్థతకు గురి అయ్యాడు. వారణాసి నుంచి తిరుగు ప్రయాణంలో ఉన్న తమిళిసై సౌందరరాజన్ అదే ఫ్లైట్‌లో ఉన్నారు. వెంటనే డాక్టర్ అవతారమెత్తారు. ఆ ప్రయాణికుడికి ప్రాథమిక చికిత్స చేశారు. విమానం గాల్లో ఉన్నప్పుడు ప్రయాణికుడు ఛాతినొప్పి, ఇతర సమస్యలతో తీవ్ర అస్వస్థతకు గురికావడంతో...విమాన సిబ్బంది ఆ విమానంలో ఎవరైనా డాక్టర్ లు ఉన్నారా అని అడిగారు. విషయం తెలుసుకున్న తమిళిసై సౌందరరాజన్ వెంటనే స్పందించారు. ఆ ప్రయాణికుడికి ప్రాథమిక చికిత్స అందించారు. భరోసా ఇచ్చి ఉపశమనం కలిగించారు. కోలుకున్న ప్రయాణికుడు గవర్నర్ కు కృతజ్ఞతలు తెలిపాడు. ఆ విమానంలో ఉన్న వారంతా గవర్నర్‌కు కృతజ్ఞతలు తెలిపారు. అదే విమానంలో ఉన్న మరో ప్రయాణికుడు ఇందుకు సంబంధించిన ఫోటోలు తీసి సోషల్ మీడియాలో షేర్ చేశాడు. అప్పుడే ఈ ఘటన వెలుగులోకి వచ్చింది. గవర్నర్ తమిళిసై సౌందరరాజన్ ఎం బి బి ఎస్, ఎండీ, డీజీఓ లాంటి వైద్య విద్య కోర్సులు చేశారు.