SCR Special Trains: రైలు ప్రయాణికులకు శుభవార్త, సికింద్రాబాద్ - విశాఖపట్నం మధ్య ప్రత్యేక రైళ్లు ఇవే

SCR to run Special Trains between Secunderabad and Visakhapatnam: రైలు ప్రయాణికులకు దక్షిణ మధ్య రైల్వే శుభవార్త చెప్పింది. సికింద్రాబాద్ - విశాఖపట్నం మధ్య ప్రత్యేక రైళ్ల వివరాలను ప్రకటించింది.

SCR to run Special Trains between Secunderabad and Visakhapatnam | హైదరాబాద్: సంక్రాంతి పండుగ వస్తుందంటే టికెట్ రిజర్వేషన్ అనేది పెద్ద సమస్యగా మారుతోంది. ఇదివరకే శబరిమలకు ప్రత్యేక సర్వీసులు నడుపుతోంది. తాజాగా ప్రయాణికుల రద్దీ దృష్ట్యా దక్షిణ మధ్య రైల్వే పలు మార్గా్లోల ప్రత్యేక రైళ్లు నడపాలని నిర్ణయం తీసుకుంది. సికింద్రాబాద్ నుంచి విశాఖపట్నం, విశాఖ నుంచి సికింద్రాబాద్, సికింద్రాబాద్ నుంచి ఒడిశాలోని బ్రహ్మపురకు, బ్రహ్మపుర నుంచి సికింద్రాబాద్ మార్గాల్లో ప్రత్యేక రైళ్లు నడపనుంది. డిసెంబర్ 6 నుంచి 30వ తేదీ వరకు దక్షిణ మధ్య రైల్వే నడపనున్న రైళ్ల వివరాలు అధికారులు ప్రకటించారు.

రైలు నెం. 07097 సికింద్రాబాద్ నుంచి విశాఖపట్నం  డిసెంబర్ 8, 15, 22, 29 తేదీలలో సాయంత్రం 4.35 గంటలకు బయలుదేరి మరుసటి రోజు ఉదయం 6.30 గంటలకు విశాఖ చేరుకుంటుంది. 

అదే విధంగా రైలు నెం. 07098 విశాఖపట్నం నుంచి సికింద్రాబాద్ కు డిసెంబర్ 9, 16, 23, 30 తేదీలలో రాత్రి 7.50 గంటలకు బయలుదేరి మరుసటి రోజు ఉదయం 11.15 గంటలకు సికింద్రాబాద్ చేరుకుంటుంది. 

రైలు నెం. 07097/07098 సికింద్రాబాద్ - విశాఖపట్నం స్టేషన్ స్టాప్స్..
ఈ ప్రత్యేక రైళ్లు నల్గొండ, మిర్యాలగూడ, సత్తెనపల్లి, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, అన్నవరం, ఎలమంచిలి, అనకాపల్లి, దువ్వాడ స్టేషన్లలో రెండు మార్గాల్లోనూ ఆగుతాయని దక్షిణ మధ్య రైల్వే తెలిపింది. ఈ ప్రత్యేక రైళ్లలో 2AC, 3AC, స్లీపర్ క్లాస్, జనరల్ సెకండ్ క్లాస్ కోచ్‌లు ఉంటాయి.

సికింద్రాబాద్ నుంచి బ్రహ్మపుర మధ్య రైలు సర్వీసులు

రైలు నెం. 07027 సికింద్రాబాద్ నుంచి ఒడిశాలోని బ్రహ్మపురకు డిసెంబర్ 6, 13, 20, 27 తేదీలలో శుక్రవారం రాత్రి 8.15 గంటలకు బయలుదేరి మరుసటి రోజు మధ్యాహ్నం 2.45 గంటలకు బ్రహ్మపురకు రైలు చేరుకుంటుంది. 

రైలు నెం. 07028 ఒడిశాలోని బ్రహ్మపుర నుంచి డిసెంబర్ 7, 14, 21, 28 తేదీలలో శనివారం సాయంత్రం 4.45 గంటలకు బయలుదేరి మరుసటి రోజు ఉదయం 11.35 గంటలకు సికింద్రాబాద్ చేరుతుందని ద.మ రైల్వే తెలిపింది.

రైలు నెం. 07027/07028 సికింద్రాబాద్ - బ్రహ్మాపూర్ - సికింద్రాబాద్ స్పెషల్స్ ఈ ప్రత్యేక రైళ్లు నల్గొండ, మిర్యాలగూడ, సత్తెనపల్లి, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, అన్నవరం, ఎలమంచిలి, అనకాపల్లి, దువ్వాడ, పెందుర్తి, కొత్తవలస, విజయనగరం, చీపురుపల్లి, శ్రీకాకుళం రోడ్, నౌపడ, పలాస, సోంపేట, ఇచ్ఛాపురంలో రెండు మార్గాల్లో స్టేషన్లు ఉన్నాయి.