Telangana CM Revanth Reddy- హైదరాబాద్: తెలంగాణ సీఎం రేవంత్ రెడ్డి కరీంనగర్ టూర్ రద్దు అయింది. వర్షం కారణంగా రేవంత్ కరీంనగర్ పర్యటన రద్దు చేసుకున్నట్లు అధికారులు తెలిపారు. హైదరాబాద్ నుంచి రోడ్డు మార్గంలో రేవంత్ రెడ్డి వరంగల్ పర్యటనకు బయలుదేరారు. వర్షం వల్ల కరీంనగర్ పర్యటన రద్దు చేసుకున్నా వరంగల్ ఈస్ట్, వరంగల్ వెస్ట్ రోడ్ షోలకు సీఎం రేవంత్ యథావిథిగా హాజరుకానున్నారు.
రాష్ట్ర వ్యాప్తంగా పలు జిల్లాల్లో వర్షాలు కురుస్తున్నాయి. చాలా రోజుల తరువాత ఎండల నుంచి ప్రజలకు ఉపశమనం కలిగింది. హైదరాబాద్ తో పాటు పలు జిల్లాల్లో మోస్తరు నుంచి భారీ వర్షాలు కురుస్తున్నాయి. ఆదిలాబాద్, కరీంనగర్, సిద్దిపేట జిల్లాల్లో భారీ వర్షాలు కురుస్తున్నాయని అధికారులు తెలిపారు.