Sircilla Constable Misbehaves with Woman: రాజన్న సిరిసిల్ల జిల్లా సిరిసిల్లలో ఓ కానిస్టేబుల్ చేసిన పనికి స్థానికులు దేహశుద్ది చేశారు. బాధ్యత గల ఉద్యోగంలో ఉంటూ ఆ కానిస్టేబుల్ పరువు తక్కువ పని చేశాడు. మహిళలకు భద్రత కల్పించాల్సిన వ్యక్తే వారి పట్ల అసభ్యంగా ప్రవర్తించాడు. బస్సు ఎక్కిన కానిస్టేబుల్ ఓ మహిళతో అసభ్యంగా ప్రవర్తించడం స్థానికంగా చర్చనీయాంశం అయింది. ఇది గమనించిన స్థానికులు ఆ కానిస్టేబుల్‌ను అక్కడికక్కడే చావబాదారు.
సిరిసిల్ల - కరీంనగర్ బస్సులోకి రాజేందర్ అనే కానిస్టేబుల్ ఎక్కాడు. ఈయన విజిలెన్స్ విభాగంలో పని చేస్తున్నారు. పట్టణంలోని పాత బస్టాండ్ వద్ద కరీంనగర్ నుండి సిరిసిల్లకు వచ్చిన నాన్ స్టాప్ బస్సులో ప్రయాణిస్తున్న ఓ మహిళ పట్ల రాజేందర్ అసభ్యంగా ప్రవర్తించాడు. దీంతో కానిస్టేబుల్ రాజేందర్ ను ప్రయాణికులు చితకబాదారు. అతడికి దేహశుద్ధి చేసి, చొక్కా పట్టుకొని లాక్కొని వెళ్లి పోలీసులకు అప్పగించారు. మహిళ పట్ల అసభ్యంగా ప్రవర్తించినట్లుగా ఫిర్యాదు చేశారు. ఈ ఘటనపై పోలీసులు విచారణ చేస్తున్నారు.