Water Supply Disruption In Hyderabad: హైదరాబాద్ (Hyderabad) వాసులకు బిగ్ అలర్ట్. ఈ నెల 11న (సోమవారం) పలు ప్రాంతాలకు నీటి సరఫరా నిలిచిపోనుంది. మరమ్మతుల దృష్ట్యా 24 గంటలు నీటి సరఫరా ఉండబోదని అధికారులు తెలిపారు. నగరానికి తాగునీరు సరఫరా చేసే మంజీరా ఫేజ్ - 2లో పైపులకు భారీగా లీకులు ఏర్పడ్డాయి. కలబ్ గూర్ నుంచి పటాన్‌చెరు వరకు ఉన్న 1500 ఎంఎం డయా పీఎస్సీ పంపింగ్ మెయిన్‌కు భారీ లీకేజీలు ఏర్పడడంతో పెద్దఎత్తున నీరు వృథాగా పోతోంది. ఈ క్రమంలో లీకేజీలను అరికట్టేందుకు జల మండలి అధికారులు సిద్ధమయ్యారు. ఇందులో భాగంగానే సోమవారం ఉదయం 6 గంటల నుంచి మంగళవారం ఉదయం 6 గంటల వరకూ మరమ్మతుల వల్ల నీరు సరఫరాకు అంతరాయం కలుగుతుందని చెప్పారు. కొన్ని ప్రాంతాల్లో తక్కువ ప్రెజర్, మరికొన్ని ప్రాంతాల్లో అంతరాయం ఏర్పడే ఛాన్స్ ఉందని వెల్లడించారు.
ఈ ప్రాంతాల్లో అంతరాయం
- ఓ అండ్ ఎం డివిజన్ 15 - ఆర్సీపురం, అశోక్ నగర్, జ్యోతినగర్, లింగంపల్లి, చందానగర్, గంగారం, మదీనాగూడ, మియాపూర్
- ఓ అండ్ ఎం డివిజన్ 24 - బీరంగూడ, అమీన్‌పూర్
- ఓ అండ్ ఎం డివిజన్ 6 - ఎర్రగడ్డ, ఎస్ఆర్ నగర్, అమీర్‌పేట్
- ఓ అండ్ ఎం డివిజన్ 9 - కేపీహెచ్‌బీ కాలనీ, కూకట్పల్లి, మూసాపేట, జగద్గిరిగుట్ట
ఈ ప్రాంతాల్లోని ప్రజలు నీటిని పొదుపుగా వాడుకోవాలని.. మరమ్మతు పనులకు సహకరించాలని అధికారులు విజ్ఞప్తి చేశారు.
Also Read: Telangana Govt Holidays: 2025 ఏడాదికి సెలవులు ప్రకటించిన తెలంగాణ ప్రభుత్వం