MMTS trains Cancelled: 13, 14 తేదీల్లో ఎంఎంటీఎస్ సర్వీసులు రద్దు - వివరాలు ఇవే!

MMTS trains Cancelled: ఈనెల 13, 14వ తేదీల్లో ఎంఎంటీఎస్ సర్వీసులను రద్దు చేస్తున్నట్లు సీపీఆర్ఓ రాకేష్ తెలిపారు. ట్రాక్ మెయింటనెన్స్, ఆపరేషనల్ పనుల నేపథ్యంలోనే ఇలా చేస్తున్నట్లు వివరించారు. 

MMTS trains Cancelled: హైదరాబాద్ పరిధిలోని ఎంఎంటీఎస్ సర్వీసులను ఈరోజు, రేపు రద్దు చేస్తున్నట్లు సీపీఆర్ఓ రాకేష్ వెల్లడించారు. జంటనగరాల పరిధిలోని ట్రాక్ మెయింటనెన్స్, ఆపరేషనల్ పనుల నేపథ్యంలోనే రైళ్లు రద్దు చేస్తున్నట్లు ఆయన వివరించారు. లింగంపల్లి - నాంపల్లి రూట్ లో రెండు, నాంపల్లి - లింగంపల్లిలో మూడు, ఫలక్ నుమా - లింగంపల్లి రూట్ లో ఐదు సర్వీసులను రద్దు చేసినట్లు చెప్పారు. లింగంపల్లి - ఫలక్ నుమా మార్గంలో ఆరు సర్వీసులు, రాంచంద్రాపురం - ఫలక్ నుమాలో ఒకటి, ఫలక్ నుమా - రాంచంద్రాపురం మార్గంలో ఒకటి, ఫలక్ నుమా -నాంపల్లి మార్గంలో ఒకటి... ఇలా మొత్తం 19 సర్వీసులను రద్దు చేసినట్లు పేర్కొన్నారు.