Hyderabad Rains Warning : హైదరాబాద్ వాసులకు బిగ్ అలర్ట్. పనుల మీద బయటకు వెళ్లిన వారు సాయంత్రం నాలుగున్నరలోపు ఇంటికి చేరుకుంటే.. వర్షం..దాని వల్ల కలిగే ట్రాఫిక్ జాముల నుంచి బయటపడవట్టు. సోమవారం సాయంత్రం నాలుగున్నర దాటిన తర్వాత ఎనిమిదిన్నర వరకూ సిటీ అంతటా భారీ వర్షాలు పడతాయి. ఉరుములు, మెరుపులతో కూడిన భారీ వర్షాలు పడతాయి. గత మూడు రోజులుగా సిటీలో విస్తృతంగా వర్షాలు పడుతున్నాయి. ఆదివారం ఒక్క హైదరాబాద్ వెస్ట్ లో తప్ప.. మిగిలిన మూడు జోన్లలో జోరుగా వర్షాలు పడ్డాయి. సోమవారం వెస్ట్ లో కూడా భారీ వర్షాలు ఉంటాయి. ట్రాఫిక్ కారిడార్ గా పేరున్న ఐటీ కారిడార్ కూడా వెస్ట్ పరిధిలోకే వస్తుంది.
ఒక్క హైదరాబాద్ మాత్రమే కాదని మొత్తం తెలంగాణ వ్యాప్తంగా వర్షాలు పడుతాయని వాతావరణ నిపుణులు చెబుతున్నారు. దానికి సంబంధించన మ్యాపులను కూడా పోస్టు చేస్తున్నారు.
రుతుపవనాలు ముందే వచ్చినప్పటికీ.. జూలై మధ్య నాటికి హైదరాబాద్లలో వర్షపాతం సాధారణంలో సగం మాత్రమే నమోదు అయింది. అయితే గత రెండు మూడు రోజుల నుంచి భారీ వర్షాలు కురుస్తున్నాయి. జులై నెలలో సగటున 174-243 మి.మీ. వర్షపాతం నమోదవుతుందని సుమారు 11-15 రోజులు వర్షం కురిసే అవకాశం ఉందని వాతావరమమ నిపుణులుచెబుతున్నారు. హైదరాబాద్తో సహా తెలంగాణాలోని 33 జిల్లాల్లో జులై 17 నుండి 22 వరకు తేలికపాటి నుండి మోస్తరు వర్షాలు, ఉరుములతో కూడిన వర్షాలు పడతాయని ఇంతకు ముందే ప్రకటించారు. ఆ ప్రకాంర వర్షాలు పడుతున్నాయి. మూడు రోజులకిందట హైదరాబాద్లోని కూకట్పల్లి 93.0 మి.మీ వర్షం పడింది.