Balapur Ganesh Laddu Auction: బాలాపూర్‌ గణపతి లడ్డూ మరోసారి రికార్డు ధర పలికింది. ప్రతి సంవత్సరం కొత్త రికార్డులు సృష్టించుకొని పైపైకి వెళ్తోంది బాలాపూర్‌ గణేష్ లడ్డూ. ఈసారి కూడా అందరి అంచనాలకు తగ్గట్టుగానే పోటాపోటీగా సాగింది వేలం. 

కొత్త తీసుకొచ్చిన రూల్ ప్రకారం ముందుగా గతేడాది లడ్డూ అమ్ముడుపోయిన ధర డబ్బులు డిపాజిట్ చేస్తేనే ఈసారి వేలంలో పాల్గొనే అవకాశం ఇచ్చారు. అందుకే చాలా తక్కువ మంది ఈ డబ్బులు డిపాజిట్ చేసి వేలంలో పాల్గొన్నారు. గతేడాది 27 లక్షలకు లడ్డూ వేలంలో అమ్మడుపోయింది. దీంతో ఆ 27 లక్షలు డిపాజిట్ చేసిన కొద్ది మంది మాత్రమే ఈ వేలంలో పాల్గొన్నారు. 

గతేడాది ఆక్షన్‌లో పాల్గొన్న  దయానందరెడ్డి కూడా ఈసారి 27 లక్షలు చెల్లించి వేలంలో పాల్గొన్నారు. పోటీలో ఉన్నది తక్కువ మంది అయినప్పటికీ పోటీ మాత్రం ఏమాత్రం తగ్గలేదు. పోటీలో ఉన్న కొద్ది మంది లడ్డూ కోసం హోరాహోరీగా తలపడ్డారు. చివరకు 30 లక్షల ఒక వెయ్యి రూపాయలకు కొలను శంకర్‌రెడ్డి లడ్డూను సొంతం చేసుకున్నారు. 

గతేడాది కూడా ఈయనే

ఈసారి బాలాపూర్ లడ్డూను దక్కించుకున్న దాసరి దయానంద రెడ్డి మరోసారి ఆ లడ్డూను సొంతం చేసుకున్నారు. గతేడాది ఈ లడ్డూను 27 లక్షల రూపాయలకు ఈయన దక్కించుకున్నారు. ఇసారి కూడా 27 లక్షలు డిపాజిట్ చేసి వేలంలో పోటీ పడి మరీ భారీ ధర చెల్లించి లడ్డూను ఇంటికి తీసుకెళ్లారు. గతేడాది లడ్డూ దక్కించుకున్న తర్వాత బాగా కలిసి వచ్చిందని అందుకే ఈసారి పోటీ పడి మరీ సొంత చేసుకున్నట్టు చెప్పుకొచ్చారు.  

ఇప్పటివరకు లడ్డూ దక్కించుకున్న వ్యక్తులు 

సంవత్సరం  దక్కించుకున్న భక్తులు వేలంలో లడ్డూ ధర 
1994  కొలను మోహన్ రెడ్డి రూ. 450 
1995 కొలనుమోహాన్ రెడ్డి   రూ.4500 
1996 కొలను కృష్ణారెడ్డి  రూ.18 వేలు
1997  కొలను కృష్ణారెడ్డి  రూ.28వేలు
1998  కొలను మోహన్ రెడ్డి  రూ. 51వేలు
1998 కళ్లెం ప్రతాప్ రెడ్డి  రూ.65వేలు
1999  కళ్లెం అంజిరెడ్డి  రూ.66వేలు
2000  జి. రఘునందన్ చారి  రూ.85వేలు
2001 కందాడ మాధవరెడ్డి  రూ.1.05లక్షలు
2002 చిగురంత తిరుపతిరెడ్డి  రూ.1.55లక్షలు
2003 కొలను మోహన్ రెడ్డి  రూ.2.01లక్షలు
2004 ఇబ్రహీం శేఖర్  రూ.2.08లక్షలు
2005 చిగురంత తిరుపతి రెడ్డి  రూ.3 లక్షలు
2006 జి.రఘునందన్ చారి  రూ.4.15లక్షలు
2007  కొలను మోహన్ రెడ్డి  రూ. 5.07 లక్షలు
2008 సరిత రూ.5.10లక్షలు
2009 కొడలి శ్రీధర్ బాబు  రూ. 5.35లక్షలు
2010 కొలను బ్రదర్స్   రూ. 5.45లక్షలు
2011  పన్నాల గోవర్థన్  రూ. 7.50లక్షలు
2012 తీగల కృష్ణారెడ్డి  రూ.9.26లక్షలు
2013 సింగిరెడ్డి జైహింద్ రెడ్డి  రూ. 9.50లక్షలు
2014 కళ్లెం మదన్ మోహాన్ రెడ్డి  రూ. 10.32 లక్షలు
2015 స్కైలాబ్ రెడ్డి  రూ. 14.65లక్షలు
2016 నాగం తిరుపతి రెడ్డి  రూ.15.60 లక్షలు
2017   నాగం తిరుపతి రెడ్డి రూ. 15 లక్షల 60 వేలు
2018   శ్రీనివాస్‌ గుప్తా  రూ. 16 లక్షల 60 వేలు 
2019 కొలను రాంరెడ్డి రూ.17.60 లక్షలు
2021 మర్రి శశాంక్‌రెడ్డి, రమేశ్ యాదవ్ రూ. 18.90 లక్షలు

2022		  వంగేటి లక్ష్మారెడ్డి రూ. 24 లక్షల 60 వేలు
2023 దాసరి దయానంద్‌ రెడ్డి రూ. 27 లక్షలు
2024 కొలను శంకర్‌రెడ్డి  రూ. 30 లక్షల వెయ్యి

Also Read: కోటి 87లక్షల గణపయ్య లడ్డూ - కీర్తి రిచ్ మండ్ విల్లాస్‌లో రికార్డు ధర