Breaking News Live: శ్రీకాకుళం జిల్లా రాజాం డిఏవి స్కూల్లో కరోనా కలకలం
ఏపీ, తెలంగాణ రాష్ట్రాలతో పాటు దేశ వ్యాప్తంగా, అంతర్జాతీయంగా నేడు జరిగే వార్తల అప్‌డేట్స్, వివరాలు మీకోసం
శ్రీకాకుళం జిల్లా రాజాం డిఏవి స్కూల్లో కరోనా కలకలం రేపింది. గురువారం ఇద్దరు ఉపాధ్యాయులకు కరోనా పాజిటివ్ గా నిర్దారించారు. ఉపాధ్యాయులకు, విద్యార్థులకు కరోనా నిర్ధారణ వైద్య పరీక్షలు చయగా... మరో 9 మంది విద్యార్థులకు కరోనా సోకినట్లు తేలింది. పిల్లలకు కరోనా సోకడంతో తల్లిదండ్రులు ఆందోళన చెందుతున్నారు. కరోనా నిర్ధారణ అయిన విద్యార్థులను ఐసోలేషన్ కు తరలించారు.
వింగ్ కమాండర్ పీఎస్ చౌహాన్ భౌతికకాయాన్ని ఆగ్రాలోని శరణ్ నగర్‌లోని ఆయన నివాసానికి తరలించారు. డిసెంబర్ 8న తమిళనాడులో కూలిన హెలికాప్టర్ ఘటనలో చౌహాన్ తో పాటు మొత్తం 13 మంది కన్నుమూయడం తెలిసిందే. ఒక్కొక్కరి భౌతికకాయాలు గుర్తించి వారి కుటుంబాలకు చేరవేస్తోంది ఆర్మీ.
హెలికాప్టర్ దుర్ఘటనలో ప్రాణాలు కోల్పోయిన చిత్తూరు జిల్లా వాసి లాన్స్ నాయక్ సాయితేజ కుటుంబానికి ఏపీ ప్రభుత్వం అండగా నిలిచింది. సాయితేజ కుటుంబానికి రూ.50 లక్షల ఆర్థికసాయం అందించాలని నిర్ణయం తీసుకుంది. ఈ మేరకు సీఎం కార్యాలయం ట్విట్టర్ ద్వారా వెల్లడించింది.
వ్యాక్సిన్ వేసుకున్న వ్యక్తికి ఒమిక్రాన్ సోకింది. జింబాబ్వే నుంచి వచ్చిన దిల్లీ వాసికి పరీక్షలు చేస్తే ఒమిక్రాన్ ఉన్నట్టు బయపడింది. దిల్లీలో వెలుగు చూసిన రెండో కేసు ఇది. ఆయన దక్షిణాఫ్రికా వెళ్లి వచ్చినట్టు అధికారులకు చెప్పాడు.
వ్యాక్సిన్ వేసుకున్న వ్యక్తికి ఒమిక్రాన్ సోకింది. జింబాబ్వే నుంచి వచ్చిన దిల్లీ వాసికి పరీక్షలు చేస్తే ఒమిక్రాన్ ఉన్నట్టు బయపడింది. దిల్లీలో వెలుగు చూసిన రెండో కేసు ఇది. ఆయన దక్షిణాఫ్రికా వెళ్లి వచ్చినట్టు అధికారులకు చెప్పాడు.
ఇటీవల తమిళనాడుతో ఆర్మీ హెలికాప్టర్ కూలిన ప్రమాదంలో సీడీఎస్ బిపిన్ రావత్ ఆయన సతీమణి సహా 13 మంది సిబ్బంది ప్రాణాలు కోల్పోయారు. ఈ ఘటనలో అమరుడైన చిత్తూరు జిల్లా ఎగువరేగడకు చెందిన లాన్స్ నాయక్ సాయితేజ పార్థీవదేహాన్ని ఎట్టకేలకు గుర్తించారు. అతడి కుటుంబసభ్యుల శాంపిల్స్ తీసుకెళ్లిన టీమ్ డీఎన్ఏ పరీక్షలు నిర్వహించి నేడు ఆరుగురు జవాన్ల భౌతికకాయాలను గుర్తించింది. మొదట లాన్స్ నాయక్ సాయితేజ, మరో లాన్స్ నాయక్ వివేక్ కుమార్ భౌతికకాయాలను గుర్తించినట్లు ప్రకటించారు.
బెజ‌వాడ దుర్గ‌మ్మ స‌న్నిదిలో భ‌వానీ దీక్ష‌ల సందడి మెద‌లైంది. విర‌మ‌ణ మ‌హోత్స‌వం ఈనెల 25 నుంచి 29 వ‌ర‌కు వైభ‌వంగా నిర్వ‌హించేందుకు అధికారులు ఏర్పాట్లు చేస్తున్నారు. ఇందులో భాగంగా భ‌క్తుల కోసం క్యూ లైన్ల ఏర్పాటు ప‌నుల‌కు ఆల‌య స్థానాచార్యులు విష్ణుభొట్ల శివ‌ప్ర‌సాద్ శ‌ర్మ ఆధ్వర్యంలో ఆల‌య ఈవో డి.భ్ర‌మ‌రాంబ శాస్త్రోక్తంగా పూజ‌లు నిర్వహించి ప‌నులు ప్రారంభించారు. లక్షల సంఖ్య‌లో భ‌వానీ దీక్షా ప‌రులు అమ్మ‌వారి స‌న్నిద‌లో మాల విర‌మ‌ణ చేయ‌నున్నారు. గత రెండు సంవ‌త్స‌రాలుగా కరోనా నేప‌థ్యంలో భ‌వానీల ర‌ద్దీ తగ్గింది.
తమిళనాడు కూనూరు చాపర్ క్రాష్ ఘటనలో అమరులైన మరో నలుగురు ఐఏఎఫ్ సిబ్బంది మృతదేహాలను డీఎన్ఏ టెస్టుల ద్వారా గుర్తించారు. జేడబ్ల్యూఓ ప్రదీప్, వింగ్ కమాండర్ పీఎస్ చౌహాన్, జేడబ్ల్యూఓ ప్రతాప్ దాస్, స్క్వాడ్రన్ లీడర్ కుల్దీప్ సింగ్ మృతదేహాలను గుర్తించినట్లు అధికారులు శనివారం ఉదయం ప్రకటించారు. కుటుంబసభ్యులను మృతదేహాలను నేడు అప్పగించనున్నట్లు తెలుస్తోంది.
తిరుమలలో ఇవాళ పాలక మండలి సమావేశం సమావేశం జరుగనుంది..అన్నమయ్య భవన్ లో టిటిడి ఛైర్మన్ వైవీ సుబ్బారెడ్డి అధ్యక్షన ప్రారంభంమయ్యే ఈ పాలక మండలి సమావేశంలో దాదాపుగా 57 అంశాలపై ఈ చర్చ జరుగనుంది..ఇందులో ప్రధానంగా టిటిడి కార్పోరేషన్ లో కలపాలని ఎఫ్.ఎం.ఎస్ కార్మికులు గత కొద్ది రోజులుగా చేస్తున్న సమ్మె కారణంగా చర్చ జరుగనుంది..కళ్యాణకట్టలో పని చేసే పీస్ రేట్ తో చేసే అంశంతో పాటుగా, ఆభరణాల్లో స్టోన్స్ రీ ప్లేస్మెంట్ అంశంపై చర్చ జరుగనుంది.. అంతే కాకుండా తిరుమలలో సామాన్య భక్తులు బస చేసే వసతి గదులు మరమ్మత్తులు, గీజర్లు ఏర్పాటు చర్చ జరుగనుంది..మరో మూడేళ్ళ పాటు తిరుమలలోని ఏపి టూరిజంకు సందీప్ హోటల్ లీజిక్ పెంచేం అంశంపై చర్చ జరుగనుంది.. టిటిడి ఆధ్వర్యంలో జరిగే అభివృద్ధి కార్యక్రమాలపై చర్చించి ఆమోదం తెలపనున్నారు.. వైకుంఠ ఏర్పాట్లపై పాలక మండలిలో కీలక చర్చలు కొనసాగే అవకాశం ఉంది..
Background
పశ్చిమ మధ్య బంగాళాఖాతంలో ఏర్పడిన అల్పపీడన ద్రోణి ఇంకా కొనసాగుతోంది. దీని ప్రభావం ఆంధ్రప్రదేశ్‌పై ఎక్కువగా ఉంటుంది. అందుకే మూడు రోజుల పాటు తేలిక పాటి వర్షాలు కురవనున్నాయని వాతావరణ కేంద్రం తెలిపింది. దీని ప్రభావంతో కోస్తాంధ్రలో వర్షాలు పడే అవకాశం ఉంది. ఓ మోస్తరు నుంచి భారీ వర్షాలు పడొచ్చని వాతావరణ శాఖ అంచనా వేస్తోంది.
నెల్లూరు జిల్లా కోస్తా భాగాల్లో భారీ వర్షాలు పడనున్నాయి. ప్రకాశం జిల్లా దక్షిణ భాగాలు, చిత్తూరు జిల్లా తూర్పు భాగాల్లో కూడా మోస్తరు వర్షాలు పడతాయి. కడప జిల్లా తూర్పు భాగాల్లోకి కూడా వర్షాలు విస్తరిస్తాయి. ఒకట్రెండు చోట్ల ఉరుములు, మెరుపులతో భారీ వర్షాలు పడే అవకాశం ఉందని పేర్కొంది వాతావరణ శాఖ.
తెలుగు రాష్ట్రాల్లో బంగారం ధర నేడు వరుసగా రెండోరోజు నిలకడగా ఉంది. వెండి ధరలో భారీ తగ్గుదల కనిపించింది. తాజాగా 22 క్యారెట్ల 10 గ్రాముల (తులం) బంగారం ధర హైదరాబాద్ మార్కెట్‌లో రూ.44,960 గా ఉంది. 24 క్యారెట్ల స్వచ్ఛమైన బంగారం ధర ప్రస్తుతం రూ.49,050 గా ఉంది. ఇక స్వచ్ఛమైన వెండి ధర రూ.700 మేర భారీగా పతనం కావడంతో హైదరాబాద్ మార్కెట్‌లో కిలో రూ.64,800గా ఉంది.
ఏపీ మార్కెట్లోనూ బంగారం, వెండి ధరలు దాదాపు ఇదే రేట్లలో విక్రయాలు జరుగుతున్నాయి. విశాఖపట్నం మార్కెట్లోనూ 22 క్యారెట్ల బంగారం ధర రూ.44,960 గా ఉండగా.. 24 క్యారెట్ల బంగారం ధర రూ.49,050 అయింది. ఇక్కడ వెండి ధర కేజీ రూ.64,800 గా ఉంది. విజయవాడలోనూ పసిడి ధర నిలకడగా ఉంది. 22 క్యారెట్ల ఆర్నమెంటు బంగారం ధర నేడు రూ.44,960 గా ఉంది. 24 క్యారెట్ల బిస్కెట్ బంగారం ధర రూ.49,050 అయింది.
హైదరాబాద్‌లో గత కొన్ని రోజుల నుంచి ఇంధన ధరలు స్థిరంగా ఉన్నాయి. నేడు పెట్రోల్ ధర లీటరుకు రూ.108.20 వద్ద ఉండగా.. డీజిల్ ధర లీటరుకు రూ.94.62 గా నిలకడగానే ఉంది. ఇక వరంగల్‌లోనూ పెట్రోల్ ధర 0.27 పైసలు పెరగగా.. డీజిల్‌పై 0.25 పైసలు పెరిగింది. వరంగల్‌లో లీటర్ పెట్రోల్ ధర రూ.107.96... డీజిల్ ధర రూ.94.39 గా విక్రయాలు జరుగుతున్నాయి. వరంగల్ రూరల్ జిల్లాలో సైతం దాదాపు ఇవే ఇంధన ధరలు కొనసాగుతున్నాయి.
ఆంధ్రప్రదేశ్‌లో ఇంధన ధరలు ఇలా..
ఇక విజయవాడ మార్కెట్‌లో పెట్రోల్ ధర నేడు తగ్గింది. లీటరుకు రూ.0.16 పైసలు తగ్గడంతో ప్రస్తుతం రూ.110.35 అయింది. డీజిల్ ధర కూడా రూ.0.15 పైసలు తగ్గడంతో రూ.96.44గా ఉంది. అయితే, అమరావతి ప్రాంతంలో కొద్ది రోజుల ఇంధన ధరలు గమనిస్తే స్వల్పంగా హెచ్చుతగ్గులు ఉన్నాయి. విశాఖపట్నం మార్కెట్‌లో పెట్రోల్ ధర 0.17 పైసలు తగ్గడంతో నేడు లీటర్ పెట్రోల్ ధర రూ.109.05గా ఉంది. డీజిల్ ధర 0.16 పైసల మేర తగ్గడంతో విశాఖపట్నంలో డీజిల్ ధర లీటర్ రూ.95.18కి దిగొచ్చింది.
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
- - - - - - - - - Advertisement - - - - - - - - -