Breaking News Live: రేపు హైదరాబాద్ కు ప్రియాంక గాంధీ...
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ పేజీ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
కాంగ్రెస్ పార్టీ జాతీయ ప్రధాన కార్యదర్శి ప్రియాంక గాంధీ బుధవారం తన కుమారుడు రైహాన్ తో సహా హైదరాబాద్ వస్తున్నారు. రైహాన్ కంటి గాయానికి హైదరాబాద్ ఎల్వీ ప్రసాద్ కంటి ఆసుపత్రిలో చికిత్స చేయించనున్నారు. నాలుగున్నరేళ్ల కిందట రైహాన్ క్రికెట్ ఆడుతుండగా కంటికి దెబ్బ తగిలింది. దిల్లీ ఎయిమ్స్ వైద్యులు హైదరాబాదులోని ఎల్వీ ప్రసాద్ కంటి ఆసుపత్రికి తీసువెళ్లాలని సూచించారు. అప్పట్లో హైదరాబాద్ లో చికిత్స పొందిన రైహాన్ ను మరోసారి తీసుకువస్తున్నారు. చికిత్స అనంతరం రేపు సాయంత్రం దిల్లీ తిరుగు పయనం కానున్నారు. ప్రియాంక గాంధీ, రాబర్ట్ వాద్రా దంపతులకు కమారుడు రైహాన్, కుమార్తె మిరాయా ఉన్నారు. రైహాన్ పూర్తిపేరు రైహాన్ రాజీవ్ వాద్రా. రైహాన్ వైల్డ్ లైఫ్ ఫొటోగ్రాఫర్ గా చిన్న వయసులోనే ఎంతో గుర్తింపు తెచ్చుకున్నారు
టీఆర్ఎస్ ఎమ్మెల్సీ వెంకట్రామిరెడ్డికి తెలంగాణ హైకోర్టు ధిక్కరణ నోటీసులు ఇచ్చింది. సిద్దిపేట కలెక్టర్‌గా ఉన్నప్పుడు కోర్టు ధిక్కరణ వ్యాఖ్యలు చేశారని ఆరోపణలు వచ్చాయి. వరి విత్తనాలు వేయొద్దని వెంకట్రామిరెడ్డి గతంలో వ్యాఖ్యానించారు. కోర్టు ఆదేశాలు ఇచ్చినా పట్టించుకోమన్నారని వెంకట్రామిరెడ్డి అన్నారని పిటిషనర్ ఆరోపించారు. సింగిల్‌ జడ్జి సిఫార్సు చేసిన పిటిషన్‌పై సీజే ధర్మాసనం విచారణ చేపట్టింది. వివరణ ఇవ్వాలని వెంకట్రామిరెడ్డిని హైకోర్టు ఆదేశించగా.. వెంకట్రామిరెడ్డితో క్షమాపణ చెప్పిస్తామని ఏజీ తెలిపారు. విచారణను హైకోర్టు నాలుగు వారాలు వాయిదా వేసింది.
నిజామాబాద్ స్థానిక సంస్థల ఎమ్మెల్సీ కోటా ఎన్నిక బరిలో దిగారు సిట్టింగ్ ఎమ్మెల్సీ కవిత. సీఎం కేసీఆర్ గారి ఆదేశాలతో ఎమ్మెల్సీ గా పోటీ చేస్తున్నానని చెప్పారు. స్థానిక సంస్థల ప్రజా ప్రతినిధులు సహకరించాలని కోరారు. 90 శాతం ప్రతినిధులు మా పార్టీలోనే ఉన్నారు. వారంతా సహకరించి గెలిపిస్తారని ఆశిస్తున్నానని అన్నారు కవిత. కవిత వెంట మంత్రి ప్రశాంత్ రెడ్డి, ఆర్టీసీ చైర్మన్ బాజి రెడ్డి గోవర్దన్, ఉమ్మడి జిల్లా ఎమ్మేల్యేలు ఉన్నారు. మరోవైపు ఎంపిటిసిల ఫోరం నుంచి శ్రీనివాస్ నామినేషన్ దాఖలు చేశారు.
కరీంనగర్ జిల్లా: టీఆర్ఎస్ పార్టీకి కరీంనగర్ కార్పొరేటర్, మాజీ మేయర్ రవీందర్ సింగ్ ఝలక్ ఇచ్చారు. కరీంనగర్ ఎమ్మెల్సీ స్థానానికి అధికార పార్టీ కార్పొరేటర్ మాజీ మేయర్ రవీందర్ సింగ్ నామినేషన్ దాఖలుచేశారు. దాంతో జిల్లా ఎమ్మెల్సీ రాజకీయాల్లో పోరు ఆసక్తికరంగా మారింది.
హైదరాబాద్‌లోని జీహెచ్ఎంసీ ప్రధాన కార్యాలయం ఎదుట బీజేపీ కార్యకర్తలు ధర్నా చేపట్టారు. మేయర్ కార్యాలయంలోకి బీజేపీ కార్పొరేటర్లు చొచ్చుకొని వెళ్లారు. జీహెచ్ఎంసీ ఆఫీసుకు పెద్ద ఎత్తున బీజేపీ కార్యకర్తలు తరలి వచ్చి.. బల్దియాకు ప్రభుత్వం నిధులు ఇవ్వడం లేదని ఆందోళనకు దిగారు. మేయర్ హఠావో అంటూ బీజేపీ కార్పొరేటర్లు నినాదాలు చేశారు. ఈ క్రమంలో పోలీసులు, బీజేపీ కార్పొరేటర్ల మధ్య తోపులాట జరిగింది. అటు మేయర్ ఛాంబర్‌లో ఫర్నీచర్‌ను బీజేపీ నేతలు ధ్వంసం చేశారు. ఆందోళన చేస్తున్న బీజేపీ కార్పొరేటర్లను పోలీసులు అదుపులోకి తీసుకున్నారు.
ప్రత్యేక విమానంలో టీడీపీ అధినేత చంద్రబాబు కడపకు చేరుకున్నారు. విమానాశ్రయంలో చంద్రబాబుకు పార్టీ శ్రేణులు ఘన స్వాగతం పలికాయి. ఎయిర్ పోర్టు నుంచి రోడ్డు మార్గాన వరద ప్రభావిత ప్రాంతాలకు చంద్రబాబు బయలుదేరారు. ఓపెన్ టాప్ ఎక్కి పార్టీ శ్రేణులకు అభివాదం చేస్తూ వెళ్తున్నారు. అదే వాహనంపై శివార్ల వరకూ చంద్రబాబు రోడ్ షోలో పాల్గొననున్నారు.
మూడు రాజధానుల ఉప సంహరణ బిల్లును ఏపీ ఆర్థిక మంత్రి బుగ్గన మండలిలో ప్రవేశపెట్టారు. మూడు రాజధానులు, సీఆర్డీఏ రద్దు చట్టాలకు శాసనసభ సోమవారం ఉప సంహరించుకున్న సంగతి తెలిసిందే. ఈ క్రమంలో బిల్లు ఆమోదానికి నేడు మండలిలో ప్రవేశపెట్టారు. ఈ సందర్భంగా బుగ్గన రాజేంద్రనాథ్ మాట్లాడుతూ.. రాష్ట్రానికి 3 రాజధానుల అవసరం ఉందని, ఎప్పటికైనా కశ్మీర్ తరహాలో వేర్పాటువాదం వచ్చే అవకాశం ఉందని అన్నారు.
టీడీపీ అధినేత చంద్రబాబు నాయుడు మరికాసేపట్లో కడప జిల్లాలో పర్యటించనున్నారు. చెయ్యేరు నది వరద ప్రభావిత గ్రామాల్లో పర్యటించనున్నారు. నందలూరు, రాజంపేట మండలాల్లోని తొగురుపేట, మందపల్లి, పులపత్తురు, గుండ్లూరు గ్రామాల్లో పర్యటించనున్నారు. 2019 ఎన్నికల్లో ఓటమి అనంతరం తొలిసారి ఏపీ సీఎం వైఎస్ జగన్ సొంత జిల్లాకు రానుండటం, తొలిసారి అధినేత జిల్లాకు వస్తుండటంతో పార్టీ శ్రేణులు ఘనస్వాగతం పలికేందుకు కడప ఎయిర్ పోర్టుకు పెద్ద ఎత్తున చేరుకున్నాయి. అయితే ఎయిర్ పొర్టుకు పెద్ద ఎత్తున చేరుకున్న టీడీపీ నేతలు, పార్టీ శ్రేణులను భద్రతా సిబ్బంది అడ్డుకొవడంతో కొంత వాగ్వివాదం చోటుచేసుకుంది.
టీడీపీ అధినేత చంద్రబాబు నాయుడు మరికాసేపట్లో కడప జిల్లాలో పర్యటించనున్నారు. చెయ్యేరు నది వరద ప్రభావిత గ్రామాల్లో పర్యటించనున్నారు. నందలూరు, రాజంపేట మండలాల్లోని తొగురుపేట, మందపల్లి, పులపత్తురు, గుండ్లూరు గ్రామాల్లో పర్యటించనున్నారు. 2019 ఎన్నికల్లో ఓటమి అనంతరం తొలిసారి ఏపీ సీఎం వైఎస్ జగన్ సొంత జిల్లాకు రానుండటం, తొలిసారి అధినేత జిల్లాకు వస్తుండటంతో పార్టీ శ్రేణులు ఘనస్వాగతం పలికేందుకు కడప ఎయిర్ పోర్టుకు పెద్ద ఎత్తున చేరుకున్నాయి. అయితే ఎయిర్ పొర్టుకు పెద్ద ఎత్తున చేరుకున్న టీడీపీ నేతలు, పార్టీ శ్రేణులను భద్రతా సిబ్బంది అడ్డుకొవడంతో కొంత వాగ్వివాదం చోటుచేసుకుంది.
Background
హైదరాబాద్ నాన‌క్‌రామ్‌ గూడ‌లోని ఓ రెసిడెన్షియల్ కాంప్లెక్స్‌లో గ్యాస్ సిలిండ‌ర్ పేలింది. ఈ పేలుడు ధాటికి భ‌వ‌నం చాలా వరకూ ధ్వంసం కాగా, ఒక‌రు మృతి చెందారు. మ‌రో 9 మంది తీవ్రంగా గాయ‌ప‌డ్డారు. క్షత‌గాత్రుల‌ను చికిత్స కోసం ఉస్మానియా ఆస్పత్రికి త‌ర‌లించారు. వీరిలో ఇద్దరి ప‌రిస్థితి విష‌మంగా ఉందని డాక్టర్లు తెలిపారు. దీంతో బాధిత కుటుంబ స‌భ్యులు తీవ్ర ఆందోళనకు గుర‌వుతున్నారు. గ్యాస్ సిలిండ‌ర్ పేలుడు శ‌బ్దం విని స్థానికులు ఉలిక్కిప‌డ్డారు.
లెక్కలు లేని సొమ్ము సీజ్
ఓ కారులో ముగ్గురు వ్యక్తులు ఎలాంటి లెక్కలు లేకుండా తీసుకెళ్తున్న రూ.కోటి నగదును నార్సింగి పోలీసులు స్వాధీనం చేసుకున్నారు. విశ్వసనీయ వర్గాల సమాచారం ప్రకారం.. వాహనాల తనిఖీ చేస్తున్న సమయంలో ఇన్నోవా కారులో ముగ్గురు వ్యక్తులు ప్రయాణిస్తుండగా ఆపి తనిఖీ చేయగా ఆ నగదు బయటపడింది. ఈ క్రమంలో ముగ్గురు వ్యక్తులను అదుపులోకి తీసుకున్నామని పోలీసులు వెల్లడించారు. ప్రాథమిక విచారణలో భాగంగా వారు రూ.కోటి రూపాయలను నగదుగా హ్యాకర్‌లకు ఇస్తే వారు ఇతరుల బ్యాంక్‌ అకౌంట్ల నుంచి తస్కరించి తమకు రూ.2 కోట్లను బ్యాంక్‌ అకౌంట్‌లలోకి వేస్తారని అంగీకరించారని మాదాపూర్‌ పోలీసులు వెల్లడించారు.
తగ్గిన పెట్రోల్, డీజిల్ ధరలు
హైదరాబాద్‌లో నేడు పెట్రోల్ ధర లీటరుకు రూ.108.20గా స్థిరంగానే ఉంది. డీజిల్ ధర లీటరుకు రూ.94.62 గా నిలకడగానే ఉంది. గత కొన్ని రోజుల నుంచి హైదరాబాద్‌లో నిలకడగానే ధరలు ఉంటున్నాయి. ఇక వరంగల్‌లోనూ నాలుగు రోజులుగా స్థిరమైన ధరలే ఉంటున్నాయి. పెట్రోల్ ధర కూడా స్థిరంగా ఉండి రూ.107.69 గానే కొనసాగుతోంది. డీజిల్ ధర కూడా రూ.94.14గా నిలకడగానే ఉంది. వరంగల్ రూరల్ జిల్లాలో సైతం ఇవే ఇంధన ధరలు కొనసాగుతున్నాయి. విజయవాడ మార్కెట్‌లో పెట్రోల్ ధర నేడు స్వల్పంగా తగ్గింది. లీటరుకు రూ.0.57 పైసలు తగ్గి ప్రస్తుతం రూ.110.36 గా ఉంది. డీజిల్ ధర కూడా రూ.0.51 పైసలు తగ్గి రూ.96.45గా ఉంది.
స్థిరంగా బంగారం, వెండి ధరలు
ఇవాళ హైదరాబాద్ మార్కెట్‌లో రూ.45,740 గా ఉంది. 24 క్యారెట్ల ప్యూర్ బంగారం (99.99 స్వచ్ఛత) ధర ప్రస్తుతం రూ.49,900 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.70,400గా ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి. ఇక విజయవాడలోనూ పసిడి ధర స్థిరంగా కొనసాగింది. 22 క్యారెట్ల ఆర్నమెంటు బంగారం ధర నేడు రూ.45,740 గా ఉంది. 24 క్యారెట్ల బిస్కెట్ బంగారం ధర రూ.49,900గా ఉంది. ఇక్కడ కిలో వెండి ధర రూ.70,400గా ఉంది. ఇక విశాఖపట్నం మార్కెట్‌లోనూ 22 క్యారెట్ల బంగారం ధర రూ.45,740 గా ఉండగా.. 24 క్యారెట్ల బంగారం ధర రూ.49,900గా ఉంది. ఇక్కడ వెండి ధర హైదరాబాద్ తరహాలోనే కిలో రూ.70,400 గా ఉంది.
- - - - - - - - - Advertisement - - - - - - - - -