ప్రస్తుతం తక్కువ ధరలో మంచి స్మార్ట్ ఫోన్లు అందుబాటులో ఉన్నాయి. మధ్య తరగతి వినియోగదారుల బడ్జెట్ ధరలోనే అదిరిపోయే ఫీచర్లతో పలు ఫోన్లు లభిస్తున్నాయి. Samsung Galaxy F04, Oppo K10, Motorola G62 5G లాంటి లేటెస్ట్ స్మార్ట్ ఫోన్లు సైతం రూ. 15 వేలలోపే కొనుగోలు చేసే అవకాశం ఉంది. రూ.15 వేలల్లో లభించిన 5 బెస్ట్ స్మార్ట్ ఫోన్లను లిస్టు చేసి పెట్టాం. జస్ట్ చూసి, మీకు నచ్చిన స్మార్ట్ ఫోన్ ను కొనుగోలు చేసుకోవచ్చు.


Samsung Galaxy F04


MediaTek P35 చిప్‌సెట్, RAM ప్లస్ ఫీచర్ తో Android 12పై రన్ అవుతోంది. 13MP+2MP డ్యూయల్ రియర్ కెమెరా సెటప్ ను కలిగి ఉంది.  ఈ స్మార్ట్ ఫోన్ గరిష్టంగా 8GB RAMతో వస్తుంది. ఈ ఫోన్ జాడే పర్పుల్, ఒపాల్ గ్రీన్ అనే రెండు స్టైలిష్ రంగులలో లభిస్తుంది. 4GB+64GB స్టోరేజ్ వేరియంట్‌ ఫోన్ ధర రూ. 9,499గా కంపెనీ నిర్ణయించింది. Samsung.com, Flipkartతో పాటు ఎంపిక చేసిన రిటైల్ అవుట్‌లెట్లలో అందుబాటులో ఉంది.  






Poco M4 Pro


Poco M4 Pro స్మార్ట్ ఫోన్ మూడు వేరియంట్స్ లో లభిస్తోంది. 6GB/64GB వేరియంట్ ధర రూ. 14,999,  6GB/128GB వేరియంట్ ధర రూ. 16,499, 8GB/128GB వేరియంట్ ధర రూ. 17,999గా కంపెనీ నిర్ణయించింది.


Oppo K10


ప్రస్తుతం Oppo K10 స్మార్ట్ ఫోన్ రూ.13,990 తగ్గింపు ధరతో అందుబాటులో ఉంది. 6GB RAM, 128GB స్టోరేజ్ వేరియంట్‌ను Flipkartలో ఎక్స్ఛేంజ్, బ్యాంక్ ఆఫర్లను ఉపయోగించి కూడా పొందవచ్చు. ఈ ఫోన్ Qualcomm Snapdragon 680 చిప్‌సెట్‌తో రన్ అవుతుంది. 6.59 అంగుళాల డిస్‌ ప్లే, ట్రిపుల్ రియర్ కెమెరా సెటప్, 5000mAh బ్యాటరీ ఉంది.


Realme 9 5G


Realme 9 5G స్మార్ట్ ఫోన్ 4GB RAM, 64GB స్టోరేజ్ వేరియంట్ ప్రస్తుతం ఫ్లిప్‌కార్ట్‌ లో రూ. 15,999 తగ్గింపు ధరతో అందుబాటులో ఉంది. Mediatek డైమెన్సిటీ 810 చిప్‌సెట్ ద్వారా ఈ ఫోన్ రన్ అవుతోంది. ఈ ఫోన్ 6.5 అంగుళాల డిస్‌ప్లే, ట్రిపుల్ రియర్ కెమెరా సెటప్, 5000mAH బ్యాటరీతో పాటు పలు లేటెస్ట్ ఫీచర్లు ఉన్నాయి. 


Motorola G62 5G


Motorola G62 5G స్మార్ట్ ఫోన్ 6GB RAM, 128GB స్టోరేజ్ వేరియంట్ ధర ప్రస్తుతం రూ 14,999కి Flipkartలో అందుబాటులో ఉంది. Qualcomm Snapdragon 695 చిప్‌సెట్ ద్వారా రన్ అవుతుంది. ఈ ఫోన్ 6.55 అంగుళాల డిస్‌ప్లే, ట్రిపుల్ రియర్ కెమెరా సెటప్, 5000mAh బ్యాటరీ ఉంది.


Read Also: వాట్సాప్ నుంచి మరో చక్కటి ఫీచర్ - ఈ ఆప్షన్‌తో ఇకపై ఈజీగా కాల్ చేసుకోవచ్చు!