Just In
Samsung Galaxy F15 5G: రూ.13 వేలలోపే శాంసంగ్ 5జీ ఫోన్ - గెలాక్సీ ఎఫ్15 5జీ వచ్చేసింది!
Samsung: ప్రముఖ స్మార్ట్ ఫోన్ బ్రాండ్ శాంసంగ్ తన కొత్త ఫోన్ మనదేశంలో లాంచ్ చేసింది. అదే శాంసంగ్ గెలాక్సీ ఎఫ్15 5జీ.
Samsung New Phone: శాంసంగ్ గెలాక్సీ ఎఫ్15 5జీ (Samsung Galaxy F15 5G) స్మార్ట్ ఫోన్ మనదేశంలో లాంచ్ అయింది. కంపెనీ ఎఫ్-సిరీస్‌లో లాంచ్ చేసిన లేటెస్ట్ 5జీ స్మార్ట్ ఫోన్ ఇదే. ఇందులో 90 హెర్ట్జ్ స్క్రీన్ రిఫ్రెష్ రేట్ ఉన్న అమోఎల్ఈడీ డిస్‌ప్లే కూడా ఉంది. మూడు వేర్వేరు కలర్ ఆప్షన్లలో దీన్ని కొనుగోలు చేయవచ్చు. ఒకసారి ఛార్జింగ్ పెడితే రెండు రోజుల బ్యాటరీ బ్యాకప్‌ను ఈ ఫోన్ అందించనుందని తెలుస్తోంది.
శాంసంగ్ గెలాక్సీ ఎఫ్15 5జీ ధర (Samsung Galaxy F15 5G Price in India)
ఇందులో రెండు వేరియంట్లు అందుబాటులో ఉంది. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.12,999 కాగా, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.14,499గానూ ఉంది. యాష్ బ్లాక్, గ్రూవీ వయొలెట్, జాజీ గ్రీన్ కలర్ ఆప్షన్లలో దీన్ని కొనుగోలు చేయవచ్చు. ఫ్లిప్‌కార్ట్, శాంసంగ్ ఇండియా వెబ్ సైట్లలో ఈ ఫోన్ అందుబాటులో ఉంది. దీనికి సంబంధించిన సేల్ సోమవారం రాత్రి ఏడు గంటల నుంచి ప్రారంభం కానుంది.
శాంసంగ్ గెలాక్సీ ఎఫ్15 5జీ స్పెసిఫికేషన్లు, ఫీచర్లు (Samsung Galaxy F15 5G Specifications)
ఆండ్రాయిడ్ 14 ఆధారిత వన్ యూఐ 5 ఆపరేటింగ్ సిస్టంపై శాంసంగ్ గెలాక్సీ ఎఫ్15 5జీ పని చేయనుంది. నాలుగు గంటల పాటు ఆపరేటింగ్ సిస్టం అప్‌డేట్లు, ఐదు సంవత్సరాల పాటు సెక్యూరిటీ అప్‌డేట్స్ కూడా అందించనున్నారు. 6.5 అంగుళాల ఫుల్ హెచ్‌డీ+ సూపర్ అమోఎల్ఈడీ డిస్‌ప్లే ఈ ఫోన్‌లో అందించారు. వాటర్ డ్రాప్ తరహా నాచ్ కూడా ఇందులో ఉంది. మీడియాటెక్ డైమెన్సిటీ 6100 ప్లస్ ప్రాసెసర్‌పై ఈ ఫోన్ రన్ కానుంది. 6 జీబీ వరకు ర్యామ్ ఇందులో ఉంది.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 5 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో సెన్సార్ కూడా ఉన్నాయి. సెల్పీలు, వీడియో కాల్స్ కోసం ముందువైపు 13 మెగాపిక్సెల్ కెమెరా ఉంది. 128 జీబీ స్టోరేజ్ కూడా ఇందులో అందించారు. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.
5జీ, వైఫై, బ్లూటూత్ వీ5.3, జీపీఎస్, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు అందించారు. యాక్సెలరో మీటర్, గైరో సెన్సార్, లైట్ సెన్సార్, వర్చువల్ ప్రాక్సిమిటీ సెన్సార్ కూడా ఉన్నాయి. ఫింగర్ ప్రింట్ సెన్సార్ ఫోన్ పక్కభాగంలో అందించారు.
దీని బ్యాటరీ సామర్థ్యం 6000 ఎంఏహెచ్‌గా ఉంది. ఒక్కసారి ఛార్జింగ్ పెడితే రెండు రోజుల వరకు ఉపయోగించవచ్చని కంపెనీ అంటోంది. దీని మందం 0.84 సెంటీమీటర్లు కాగా, బరువు 217 గ్రాములుగా ఉంది.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?