వన్‌ప్లస్ ఆర్‌టీ స్మార్ట్ ఫోన్ ఇండియా లాంచ్ తేదీ లీక్ అయింది. తాజాగా వస్తున్న లీకుల ప్రకారం.. వన్‌ప్లస్ ఆర్‌టీ మనదేశంలో డిసెంబర్ 16వ తేదీన లాంచ్ కానుంది. గతంలో చైనాలో లాంచ్ అయిన వన్‌ప్లస్ 9ఆర్‌టీకి రీబ్రాండెడ్ వెర్షన్‌గా ఈ ఫోన్ లాంచ్ కానుంది. స్పెసిఫికేషన్లు, డిజైన్, ధర అన్నీ వన్‌ప్లస్ 9ఆర్‌టీ రేంజ్‌లోనే ఉండనున్నాయని తెలుస్తోంది. వన్‌ప్లస్ ఆర్‌టీ హ్యాకర్ బ్లాక్, నానో సిల్వర్ రంగుల్లో లాంచ్ కానుందని తెలుస్తోంది.
ప్రముఖ టిప్‌స్టర్ మ్యాక్స్ జాంబోర్ తెలిపిన దాని ప్రకారం వన్‌ప్లస్ ఆర్‌టీ మనదేశంలో డిసెంబర్ 16వ తేదీన లాంచ్ కానుంది. వన్‌ప్లస్ ఆర్‌టీతో పాటు వన్‌ప్లస్ బడ్స్ జెడ్2 కూడా మనదేశంలో త్వరలోనే లాంచ్ కానుందని సమాచారం. ఈ ట్రూవైర్‌లెస్ ఇయర్‌బడ్స్ ఆబ్సీడియన్ బ్లాక్, పెరల్ వైట్ రంగుల్లో లాంచ్ కానున్నాయని వార్తలు వస్తున్నాయి.
ప్రస్తుతానికి వస్తున్న లీకుల ప్రకారం.. వన్‌ప్లస్ ఆర్‌టీ ధర మనదేశంలో రూ.40,000 నుంచి రూ.44,000 మధ్యలో ఉండనుంది.
వన్‌ప్లస్ ఆర్‌టీ స్పెసిఫికేషన్లు(అంచనా)
ఒకవేళ వన్‌ప్లస్ 9ఆర్‌టీ రీబ్రాండెడ్ వెర్షన్‌గానే వన్‌ప్లస్ ఆర్‌టీ లాంచ్ అవుతుంటే.. ఇందులో ఆండ్రాయిడ్ 11 ఆధారిత కలర్ఓఎస్ ఆపరేటింగ్ సిస్టంను అందించే అవకాశం ఉంది. ఇందులో 6.62 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించనున్నారు. క్వాల్‌కాం స్నాప్‌డ్రాగన్ 888 ప్రాసెసర్‌పై ఈ ఫోన్ పనిచేయనుంది.
12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉండే అవకాశం ఉంది. ఇందులో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా.. దీంతోపాటు 16 మెగాపిక్సెల్ వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉండనుంది.
5జీ, 4జీ ఎల్టీఈ, వైఫై 6, ఎన్ఎఫ్‌సీ వంటి కనెక్టివిటీ ఫీచర్లు కూడా ఇందులో ఉన్నాయి. యూఎస్‌బీ టైప్-సీ పోర్టు, ఇన్ డిస్‌ప్లే ఫింగర్ ప్రింట్ సెన్సార్ కూడా ఇందులో ఉంది. దీని బ్యాటరీ సామర్థ్యం 4500 ఎంఏహెచ్ కాగా, దీంతోపాటు 65టీ ఫాస్ట్ చార్జింగ్‌ను కూడా ఇది సపోర్ట్ చేయనుంది.
Also Read: OnePlus RT: మనదేశంలో వన్‌ప్లస్ కొత్త ఫోన్.. ఫీచర్లు సూపర్.. ధర ఎంతంటే?
Also Read: Infinix New Phone: రూ.6 వేలలోనే కొత్త స్మార్ట్‌ఫోన్.. 6000 ఎంఏహెచ్ బ్యాటరీ.. మిగతా ఫీచర్లు?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
Also Read: 7 అంగుళాల భారీ డిస్‌ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!