Just In
Samsung Galaxy M04: రూ.తొమ్మిది వేలలోపే శాంసంగ్ కొత్త ఫోన్ - రియల్‌మీ, రెడ్‌మీ బడ్జెట్ మొబైల్స్‌తో పోటీ!
శాంసంగ్ గెలాక్సీ ఎం04 మొబైల్ మనదేశంలో ఎంట్రీ ఇచ్చింది. దీని ధర రూ.9 వేలలోపే ఉంది.
శాంసంగ్ గెలాక్సీ ఎం04 స్మార్ట్ ఫోన్ మనదేశంలో లాంచ్ అయింది. ఇందులో 6.5 అంగుళాల హెచ్‌డీ+ డిస్‌ప్లేను అందించారు. ఫ్రంట్ కెమెరా కోసం వాటర్ డ్రాప్ తరహా నాచ్ ఉంది. ఇందులో ర్యామ్ ప్లస్ ఫీచర్ అందుబాటులో ఉంది. దీని ద్వారా ర్యామ్‌ను 8 జీబీ వరకు పెంచుకోవచ్చు. 128 జీబీ స్టోరేజ్ ఇందులో అందించారు. రియల్‌మీ, రెడ్‌మీ బడ్జెట్ ఫోన్లతో ఈ మొబైల్ పోటీ పడనుంది.
శాంసంగ్ గెలాక్సీ ఎం04 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ ఉన్న ఈ వేరియంట్ ధరను రూ.8,499గా నిర్ణయించారు. బ్లూ, గోల్డ్, మింట్ గ్రీన్, వైట్ కలర్ ఆప్షన్లలో దీన్ని కొనుగోలు చేయవచ్చు. డిసెంబర్ 16వ తేదీన దీని సేల్ జరగనుంది.
శాంసంగ్ గెలాక్సీ ఎం04 స్పెసిఫికేషన్లు, ఫీచర్లు
ఇందులో 6.5 అంగుళాల హెచ్‌డీ+ డిస్‌ప్లే అందుబాటులో ఉంది. వాటర్ డ్రాప్ తరహా నాచ్ ఈ ఫోన్‌లో అందించారు. మీడియాటెక్ హీలియో పీ35 ప్రాసెసర్‌పై ఈ ఫోన్ పని చేయనుంది. 5000 ఎంఏహెచ్ సామర్థ్యం ఉన్న బ్యాటరీని ఇందులో అందించారు.
ఇక కెమెరా విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ సెకండరీ సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా ఉంది.
ఇందులో ర్యామ్ ప్లస్ ఫీచర్‌ను అందించారు. దీని ద్వారా ర్యామ్‌ను మొత్తంగా 8 జీబీ వరకు పెంచుకోవచ్చు. 128 జీబీ వరకు స్టోరేజ్ ఈ ఫోన్‌లో ఉంది. మైక్రో ఎస్‌డీ ద్వారా దీన్ని 1 టీబీ వరకు పెంచుకోవచ్చు. ఆండ్రాయిడ్ 12 ఆధారిత వన్ యూఐ 4.1 ఆపరేటింగ్ సిస్టంపై ఈ ఫోన్ పని చేయనుంది.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?