వన్‌ప్లస్ 10 స్పెసిఫికేషన్లు ఆన్‌లైన్‌లో లీకయ్యాయి. గతేడాది లాంచ్ అయిన వన్‌ప్లస్ 9కు తర్వాతి వెర్షన్‌గా ఇది లాంచ్ కానుంది. 6.7 అంగుళాల అమోఎల్ఈడీ డిస్‌ప్లే ఈ స్మార్ట్ ఫోన్‌లో ఉండనున్నట్లు తెలుస్తోంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉండనున్నాయి. క్వాల్‌కాం స్నాప్‌డ్రాగన్ ప్రాసెసర్‌పై ఈ ఫోన్ పనిచేయనుంది. 150W ఫాస్ట్ ఛార్జింగ్‌ను ఇది సపోర్ట్ చేయనుంది.
వన్‌ప్లస్ 10 స్పెసిఫికేషన్లు (అంచనా)
ఆండ్రాయిడ్ 12 ఆధారిత ఆక్సిజన్ఓఎస్ 12 ఆపరేటింగ్ సిస్టంపై ఈ ఫోన్ పనిచేయనున్నట్లు తెలుస్తోంది. 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను ఈ ఫోన్‌లో అందించనున్నారు. దీని రిఫ్రెష్ రేట్ 120 హెర్ట్జ్‌గా ఉండనుంది. ఎల్టీపీవో 2.0 టెక్నాలజీ కూడా ఇందులో అందించనున్నారు.
అయితే వన్‌ప్లస్ 10లో రెండు ప్రోటోటైప్స్ ఉన్నాయని తెలుస్తోంది. ఒక ప్రోటోటైప్‌ను క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌తో, మరో ప్రోటోటైప్‌ను మీడియాటెక్ డైమెన్సిటీ 9000 ప్రాసెసర్‌తో టెస్ట్ చేస్తున్నారు. దీన్ని బట్టి ఈ ఫోన్ ఇంకా ప్రాథమిక తయారీ దశలోనే ఉందని అంచనా వేయవచ్చు. 2022 ద్వితీయార్థంలో ఈ ఫోన్ లాంచ్ అయ్యే అవకాశం ఉంది.
ఈ ఫోన్ కెమెరాల వివరాలు కూడా ఆన్‌లైన్‌లో లీకయ్యాయి. వీటి ప్రకారం... ఈ ఫోన్‌లో 50 మెగాపిక్సెల్ సెన్సార్‌ను ప్రధాన కెమెరాగా అందించారు. దీంతోపాటు 16 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో సెన్సార్ ఉండనున్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా ఉంది.
దీని బ్యాటరీ సామర్థ్యం 4800 ఎంఏహెచ్‌గా ఉండనుంది. 150W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఈ ఫోన్‌లో అలెర్ట్ స్లైడర్ కూడా ఉండనుంది.
Also Read: యాపిల్ అత్యంత చవకైన 5జీ ఫోన్ వచ్చేసింది - లేటెస్ట్ ప్రాసెసర్‌తో - ధర ఎంతంటే?
Also Read: కొత్త ఐప్యాడ్ వచ్చేసింది - అన్నీ లేటెస్ట్ ఫీచర్లే - ధర ఎంతంటే?