మోటో జీ82 5జీ స్మార్ట్ ఫోన్ మనదేశంలో జూన్ 7వ తేదీన లాంచ్ కానుంది. దీనికి సంబంధించిన మైక్రోసైట్ కూడా ఫ్లిప్‌కార్ట్‌లో కనిపించింది. మోటో జీ82 5జీ స్మార్ట్ ఫోన్‌లో పీఓఎల్ఈడీ డిస్‌ప్లేను అందించారు. ఈ ఫోన్ ఇటీవలే యూరోప్‌లో లాంచ్ అయింది. క్వాల్‌కాం స్నాప్‌డ్రాగన్ 695 5జీ ప్రాసెసర్‌పై ఈ ఫోన్ పనిచేయనుంది.
మోటో జీ82 5జీ ధర (అంచనా)
యూరోపియన్ మార్కెట్లలో ఈ ఫోన్ ధర 329.99 యూరోలుగా (సుమారు రూ.26,500) నిర్ణయించారు. మనదేశంలో దీని ధర రూ.25 వేల రేంజ్ నుంచి ప్రారంభం అయ్యే అవకాశం ఉంది. మీటియోరైట్ గ్రే, వైట్ లిలీ కలర్ ఆప్షన్లలో ఈ ఫోన్ కొనుగోలు చేయవచ్చు.
మోటో జీ82 5జీ స్పెసిఫికేషన్లు
మోటో జీ82 5జీ యూరోపియన్ వేరియంట్లో 6.55 అంగుళాల ఫుల్ హెచ్‌డీ+ రిజల్యూషన్ ఉన్న అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా... పిక్సెల్ పర్ ఇంచ్ కౌంట్ 402గానూ, స్క్రీన్ టు బాడీ రేషియో 88 శాతంగా ఉంది. క్వాల్‌కాం స్నాప్‌డ్రాగన్ 695 5జీ ప్రాసెసర్‌పై ఈ ఫోన్ పనిచేయనుంది. 6 జీబీ వరకు ఎల్పీడీడీఆర్4ఎక్స్ ర్యామ్, 128 జీబీ వరకు యూఎఫ్ఎస్ 2.2 స్టోరేజ్ ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.
ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉంది.
దీని బ్యాటరీ సామర్థ్యం 5000 ఎంఏహెచ్‌గా ఉంది. 30W టర్బోచార్జ్‌డ్ సపోర్ట్‌ను ఇందులో అందించారు. 5జీ, జీపీఎస్, వైఫై 5, బ్లూటూత్ వీ5.1, ఎన్ఎఫ్‌సీ, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఈ స్మార్ట్ ఫోన్‌లో ఉన్నాయి. డాల్బీ అట్మాస్, ఆండ్రాయిడ్ 12 ఆపరేటింగ్ సిస్టంలను కూడా కంపెనీ మోటో జీ82 5జీలో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!