గ్రూప్ చాటింగ్ కోసం వాట్సాప్ పోల్స్ ఫీచర్‌ను వాట్సాప్ ఇటీవలే తీసుకువచ్చింది. ఆండ్రాయిడ్, iOS వినియోగదారులు ఈ ఫీచర్‌ను ఉపయోగించుకోవచ్చు. 'కమ్యూనిటీస్'తో పాటు పోల్స్ ఫీచర్‌ను కూడా వాట్సాప్ రూపొందించింది. దీంతో పాటు వాట్సాప్ 32 మంది వ్యక్తులకు వన్-ట్యాప్ వీడియో కాలింగ్‌ను కూడా అందుబాటులోకి తెచ్చింది. అలాగే గ్రూప్స్‌లో సభ్యుల లిమిట్‌ను రెట్టింపు చేసింది.
యాప్‌లోని ఇతర ఫీచర్‌ల మాదిరిగానే WhatsApp పోల్స్‌కు కూడా ఎండ్-టు-ఎండ్ ఎన్‌క్రిప్షన్ ఉంటుంది. అంటే గ్రూప్‌ల్లో షేర్ అయిన పోల్ కంటెంట్‌ను చూడటం వాట్సాప్‌కు కూడా కుదరదన్న మాట. ఫేస్‌బుక్ మెసెంజర్, టెలిగ్రామ్‌ల్లో ప్రస్తుతం గ్రూప్ పోల్ ఫీచర్లు ఉన్నాయి.
WhatsApp తాజా వెర్షన్‌లోని వినియోగదారులు ఏదైనా చాట్‌ని తెరవడం ద్వారా పోల్స్‌ను యాక్సెస్ చేయవచ్చు. మీరు ఐఫోన్ ఉపయోగిస్తున్నట్లయితే చాట్ బాక్స్ పక్కన ఉన్న + గుర్తును నొక్కి, పోల్‌పై క్లిక్ చేయండి. అయితే ఆండ్రాయిడ్ వినియోగదారులు చాట్ బాక్స్‌కు సమీపంలో ఉన్న పేపర్‌క్లిప్ చిహ్నంపై నొక్కి, ఆపై పోల్‌పై క్లిక్ చేయాలి.
ఈ పోల్‌లు వ్యక్తిగత చాట్‌లు, గ్రూప్ చాట్‌ల్లో కూడా ఉపయోగించవచ్చు. ఆ తర్వాత మీరు ప్రశ్న లేదా టాపిక్‌ని టైప్ చేసి, ఇతరులు ఎంచుకోవడానికి ఆప్షన్స్‌ను అందించవచ్చు. ఆప్షన్‌ను ఎంచుకునేటప్పుడు మీరు ఒకదాన్ని ఎంచుకున్నాక కూడా దాన్ని కూడా మరో ఆప్షన్‌ను ఎంచుకునే అవకాశం ఉంది. వినియోగదారులు ఒకటి కంటే ఎక్కువ ప్రాధాన్యతలను ఎంచుకునే ఆప్షన్ కూడా పోల్స్‌లో అందించనున్నారు.
త్వరలో వాట్సాప్‌లో మరో సూపర్ ఫీచర్!
వాట్సాప్ త్వరలో కొత్త ఫీచర్‌ను తీసుకురానున్నట్లు తెలుస్తోంది. దీంతో గ్రూప్‌లో మెసేజ్ చేస్తున్న సభ్యుల ప్రొఫైల్ ఫోటో కూడా కనిపిస్తుంది. ఈ ప్రొఫైల్ ఫోటో సభ్యుల పేర్లతో పాటు చూడవచ్చు. అయితే ప్రస్తుతానికి ఈ ఫీచర్ కొంతమంది బీటా టెస్టర్లకు మాత్రమే అందుబాటులోకి వచ్చింది. ఇతర వినియోగదారులు ఈ ఫీచర్ కోసం మరికొంత కాలం వేచి ఉండాల్సి ఉంటుంది. ఈ ఫీచర్ పూర్తిగా అందుబాటులోకి వస్తే మీరు గ్రూప్ సభ్యుల ఫోటోలను చూడటానికి వారి ప్రొఫైల్‌ను ఓపెన్ చేయాల్సిన అవసరం లేదు. మెసేజ్, పేరుతో పాటు, వారి ఫోటో కూడా గ్రూప్ చాట్‌లో మీకు కనిపిస్తుంది.
వాట్సాప్ త్వరలో తీసుకురానున్న ఈ ఫీచర్‌ను మొదట WABetainfo లీక్ చేసింది. దీని కథనం ప్రకారం, WhatsApp ఈ ఫీచర్‌ను కొంతమంది బీటా టెస్టర్లకు విడుదల చేసింది. ఈ ఫీచర్ ప్రస్తుతం టెస్ట్‌ఫ్లైట్ యాప్ నుంచి iOS కోసం WhatsApp బీటా తాజా వెర్షన్‌ను అమలు చేస్తున్న బీటా టెస్టర్లకు మాత్రమే అందుబాటులో ఉంది.
ఐఓఎస్ 22.18.0.72 అప్‌డేట్ కోసం వాట్సాప్ బీటా, వాట్సాప్ గ్రూప్‌లోనే సభ్యుని ఫోటోను చూపించడానికి కొత్త ఫీచర్‌పై పని చేస్తున్నట్లు సమాచారం. ఆ తర్వాత డెస్క్‌టాప్ బీటా కోసం కూడా వాట్సాప్ ఈ ఫీచర్‌ను ప్రవేశపెట్టేందుకు సన్నాహాలు చేస్తున్నట్లు తెలుస్తోంది. ఇప్పుడు ఈ ఫీచర్ కొంతమంది యూజర్లకు కూడా అందుబాటులోకి వచ్చింది. దీని గ్లోబల్ లాంచ్‌ను కంపెనీ ప్రకటించలేదు. అయితే రాబోయే కాలంలో ఈ ఫీచర్ మిగిలిన వినియోగదారులకు కూడా అందుబాటులోకి వస్తుందని భావిస్తున్నారు.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?