ఎదో పనిమీద బయటకు వెళ్తాం.. లేదా ఇంకేదో కారణంతో ఫోన్ పోతుంది. అందులో విలువైన సమాచారం ఉందే అని టెన్షన్ పడిపోతుంటాం. ఫోన్ పే, గూగుల్ పే, పేటీఎం లాంటి ఖాతాలుంటే.. డబ్బులు ఏమవుతాయోననే ఆలోచనలో ఉంటాం. కానీ .. కొన్ని ట్రిక్స్ ఫాలో అయితే డిజిటల్ పే మెంట్ యాప్స్ అకౌంట్లను పోయిన ఫోన్ లో బ్లాక్ చేయోచ్చు.
ఇప్పుడు ప్రతీ దానికి.. డిజిటల్ పే మెంట్ యాప్సే. రూపాయి నుంచి.. వేల రూపాయల చెల్లింపులకు అవే దిక్కు. యూనిఫైడ్ పేమెంట్స్ ఇంటర్ ఫేస్-యూపీఐతో కనెక్షన్ ఉన్న పేటీఎం, గూగుల్ పే, ఫోన్ పే లాంటి యాప్స్ ప్రతి ఒక్కరి ఫోన్ లో ఉంటుంది. ఒక వేళ ఫోన్ పోతే.. వాటి సమాచారం ఎలా అని భయపడుతాం. ఫోన్ పోయినప్పుడు డిజిటల్ పేమెంట్ యాప్స్ ను ఎలా బ్లాక్ చేయాలో చూద్దాం..
పేటీఎం ఖాతాను తాత్కాలికంగా బ్లాక్ చేయండిలా.. పేటీఎం హెల్ప్‌లైన్ నంబర్ 012 0445 6456కు కాల్ చేయండి.. ఫోన్ లాస్ట్ ఆప్షన్ ఎంచుకోండి. న్యూ నంబర్ నమోదు ఆప్షన్ ను ఎంచుకోవాలి. పోయిన ఫోన్ నంబర్ ను ఎంటర్ చేయండి. ఆ తర్వాత లాగ్ అవుట్ ఫ్రం ఆల్ డివైసెస్ ను సెలక్ట్ చేసుకోవాలి.
గూగుల్ పే అకౌంట్ ను బ్లాక్ చేయండిలా...
గూగుల్ పే హెల్ప్‌లైన్ నెంబర్ 1800 4190 157కు కాల్ చేయండి. మాతృభాషను ఎంచుకోండి. ఇతర సమస్యల కోసం సరైన ఎంపికను చేసుకోవాలి. ఖాతాను బ్లాక్ చేసేందుకు కాల్ మాట్లాడే ఆప్షన్ను సెలక్ట్ చేసుకోవాలి. ఆండ్రాయిడ్, ఐఓఎస్ వినియోగదారులు రిమోట్ వైప్ ద్వారా వారి డేటాను తీసేయోచ్చు.
ఫోన్ పే అకౌంట్ ను ఇలా బ్లాక్ చేయండి..
ఫోన్ పే యూజర్లు 0806 8727 374, 0226 8727 374కు కాల్ చేసి వివరాలను తెలపాలి. లాంగ్వేజ్ సెలక్ట్ చేసుకున్నాక.. సమస్యను తెలిపేందుకు తగిన నెంబర్ను క్లిక్ చేయాల్సి ఉంటుంది. ఫోన్ పేలో రిజిస్టర్ అయి ఉన్న... మెుబైల్ నంబర్ ఎంటర్ చేయాలి. ధ్రువీకరణ కోసం ఓటీపీ వస్తుంది. అయితే ఓటీపీ రాలేదనే.. ఆప్షన్ను ఎంపిక చేయాలి. ఫోన్ పోయినట్లు చూపే ఆప్షన్లలో ఒకదాన్ని సెలక్ట్ చేసుకోవాలి. ఫోన్ నంబర్, ఈ-మెయిల్, ఫోన్పై ద్వారా చేసిన చివరి చెల్లింపు విలువ వంటి వివరాలను అడుగుతుంది. అనంతరం మీ అకౌంట్ బ్లాక్ చేసేందుకు నిపుణులతో కాల్ మాట్లాడాలి.
పేటీఎం ఖాతాను తాత్కాలికంగా బ్లాక్ చేయండిలా..
పేటీఎం వెబ్ సైట్ కు వెళ్లండి. 24 గంటల సాయాన్ని సెలక్ట్ చేసుకోవాలి. రిపోర్ట్ ఏ ఫ్రాడ్ అని కొట్టండి. ఇంకా ఏదైనా వేరే కారణం ఉంటే.. వేరే కారణంపైన క్లిక్ చేయోచ్చు. ఏదైనా చెప్పాలనుకుంటే ఎనీ ఇష్యూపై క్లిక్ చేయండి. పేటీఎం ఖాతా లావాదేవీలను ధ్రువీకరించే డెబిట్ లేదా క్రెడిట్ కార్డ్ స్టేట్మెంట్ను సమర్పించాలి. అలాగే ఫోన్ పోగొట్టుకున్న, దొంగతనానికి సంబంధించి నిర్ధరణను ఇవ్వాల్సి ఉంటుంది. పైన పేర్కొన్న అంశాలు పూర్తయిన తరువాత పేటీఎం మీ ఖాతాను ధ్రువీకరించి బ్లాక్ చేస్తుంది. అందుకు సంబంధించి మీరు ఇచ్చిన ప్రత్యామ్నాయ నెంబర్కు మెసెజ్ వస్తుంది.
Also Read: Find a lost phone: మీ ఫోన్ పోయిందా ?.. నో ప్రాబ్లమ్ ఇలా చేస్తే దొరుకుతుంది సింపుల్!