TCL Tab 10 5G: కొత్త ట్యాబ్లెట్ లాంచ్ చేసిన టీసీఎల్ - ఏకంగా 8000 ఎంఏహెచ్ బ్యాటరీ!

ప్రముఖ స్మార్ట్ టీవీ బ్రాండ్ కొత్త 5జీ ట్యాబ్లెట్‌ను లాంచ్ చేసింది.

టీసీఎల్ అమెరికాలో కొత్త ట్యాబ్లెట్‌ను లాంచ్ చేసింది. అదే టీసీఎల్ ట్యాబ్ 10 5జీ. ఇది ఒక చవకైన ట్యాబ్లెట్. మీడియాటెక్ కొంపానియో సిరీస్ ప్రాసెసర్‌పై ఈ ట్యాబ్లెట్ పనిచేయనుంది. దీని బ్యాటరీ సామర్థ్యం 8000 ఎంఏహెచ్‌గా ఉంది.

టీసీఎల్ ట్యాబ్ 10 5జీ ధర
దీని ధరను 300 డాలర్లుగా (సుమారు రూ.24,000) నిర్ణయించారు. అమెరికాలోని టీ-మొబైల్ నెట్‌వర్క్‌లో ఈ ట్యాబ్లెట్ అందుబాటులో ఉంది. మనదేశంలో ఈ ట్యాబ్లెట్ ఎప్పుడు లాంచ్ కానుందో తెలియరాలేదు.

టీసీఎల్ ట్యాబ్ 10 5జీ స్పెసిఫికేషన్లు, ఫీచర్లు
ఇందులో 10.1 అంగుళాల ఫుల్ హెచ్‌డీ డిస్‌ప్లేను అందించారు. మీడియాటెక్ కొంపానియో 800టీ 5జీ ప్రాసెసర్‌పై ఈ ట్యాబ్ పనిచేయనుంది. 4 జీబీ ర్యామ్, 32 జీబీ స్టోరేజ్ ఇందులో అందించారు. దీని బ్యాటరీ సామర్థ్యం 8000 ఎంఏహెచ్‌గా ఉంది.  దీని వెనకవైపు 8 మెగాపిక్సెల్ కెమెరాను, ముందువైపు 5 మెగాపిక్సెల్ కెమెరాను అందించారు. ఫేస్ అన్‌లాక్ ఫీచర్‌ను కూడా ఇందులో అందుబాటులో ఉంది.

టీసీఎల్ బ్రాండ్ అమెరికాలో కొత్త స్మార్ట్ ఫోన్ కూడా లాంచ్ చేసింది. అదే టీసీఎల్ స్టైలస్ 5జీ. పేరులో ఉన్నట్లు ఈ ఫోన్‌లో ఇన్‌బిల్ట్ స్టైలస్ ఉండనుంది. ఈ ఫోన్ ధరను అమెరికాలో 258 డాలర్లుగా (సుమారు రూ.20,000) నిర్ణయించారు. సింగిల్ లూనార్ బ్లాక్ కలర్ ఆప్షన్‌లో ఈ ఫోన్ కొనుగోలు చేయవచ్చు. మనదేశంలో ఈ ఫోన్ లాంచ్ కానుందో లేదో తెలియరాలేదు. స్టైలస్ సపోర్ట్ ఉన్న ఫోన్ ఇంత తక్కువ ధరకు రావడం ఇదే ప్రథమం.

టీసీఎల్ స్టైలస్ 5జీ స్పెసిఫికేషన్లు
ఇందులో 6.81 అంగుళాల ఫుల్ హెచ్‌డీ+ ఎల్సీడీ డిస్‌ప్లేను అందించారు. దీని యాస్పెక్ట్ రేషియో 20.5:9గా ఉంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్ + 128 జీబీ స్టోరేజ్ అందించారు. దీన్ని మైక్రో ఎస్‌డీ కార్డు ద్వారా 2 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 5 మెగాపిక్సెల్ వైడ్ యాంగిల్ సెన్సార్, 2 మెగాపిక్సెల్ మాక్రో లెన్స్, 2 మెగాపిక్సెల్ డెప్త్ సెన్సార్ అందించారు. సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ సెల్ఫీ కెమెరా ఉంది.

4000 ఎంఏహెచ్ బ్యాటరీని ఇందులో అందించారు. 18W ఫాస్ట్ చార్జింగ్‌ను ఇది సపోర్ట్ చేయనుంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. బ్లూటూత్ వీ5.2, ఎన్ఎఫ్‌సీ, డ్యూయల్ బ్యాండ్ వైఫై, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఉన్నాయి. ఆండ్రాయిడ్ 12 ఆపరేటింగ్ సిస్టంపై టీసీఎల్ స్టైలస్ 5జీ పనిచేయనుంది.