నోకియా టీ10 ట్యాబ్లెట్‌ను కంపెనీ లాంచ్ చేసింది. ఇందులో 8 అంగుళాల హెచ్‌డీ డిస్‌ప్లేను అందించారు. ఆక్టాకోర్ యూనిసోక్ టీ606 ప్రాసెసర్, 8 మెగాపిక్సెల్ కెమెరా, 5250 ఎంఏహెచ్ బ్యాటరీ కూడా ఈ ట్యాబ్‌లో ఉన్నాయి.
నోకియా టీ10 ధర
ఈ ట్యాబ్లెట్‌లో వైఫై, వైఫై + 4జీ ఎల్టీఈ వేరియంట్లు అందుబాటులో ఉన్నాయి. 159 డాలర్ల (సుమారు రూ.12,150) నుంచి దీని ధర ప్రారంభం కానుంది. కేవలం ఓషన్ బ్లూ కలర్ ఆప్షన్‌లో మాత్రమే ఇది లాంచ్ అయింది.
నోకియా టీ10 స్పెసిఫికేషన్లు
ఇందులో 8 అంగుళాల హెచ్‌డీ డిస్‌ప్లేను నోకియా అందించింది. దీని స్క్రీన్ రిజల్యూషన్ 800 x 1280 పిక్సెల్స్‌గానూ, యాస్పెక్ట్ రేషియో 16:10గానూ ఉంది. యూనిసోక్ టీ616 ప్రాసెసర్‌పై ఈ ట్యాబ్లెట్ పనిచేయనుంది. 3 జీబీ ర్యామ్, 32 జీబీ స్టోరేజ్ నోకియా టీ10లో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 512 జీబీ వరకు పెంచుకోవచ్చు.
ట్యాబ్లెట్ వెనకవైపు 8 మెగాపిక్సెల్ కెమెరాను అందించారు. దీంతోపాటు ఎల్ఈడీ ఫ్లాష్ కూడా ఉంది. ముందువైపు ఉన్న 2 మెగాపిక్సెల్ సెల్పీ కెమెరాల ద్వారా వీడియో కాల్స్ మాట్లాడుకోవచ్చు. ఫేస్ అన్‌లాక్ టెక్నాలజీని కూడా ఇది సపోర్ట్ చేయనుంది.
ఆండ్రాయిడ్ 12 ఆపరేటింగ్ సిస్టంపై ఈ ట్యాబ్లెట్ పనిచేయనుంది. రెండు సంవత్సరాల పాటు ఆపరేటింగ్ సిస్టం అప్‌గ్రేడ్స్, మూడు సంవత్సరాల పాటు సెక్యూరిటీ అప్‌డేట్స్ అందించనున్నారు. దీని బ్యాటరీ సామర్థ్యం 5250 ఎంఏహెచ్ కాగా, 10W చార్జర్‌ను బాక్స్‌తో అందించనున్నారు.
బ్లూటూత్ 5.0, 3.5 ఎంఎం ఆడియోజాక్, వైఫై, యూఎస్‌బీ టైప్-సీ పోర్టువంటి కనెక్టివిటీ ఫీచర్లు ఇందులో ఉన్నాయి. దీని మందం 0.9 సెంటీమీటర్లు కాగా, బరువు 375 గ్రాములుగా ఉంది. ఓజో ప్లేబ్యాక్ ఉన్న స్టీరియో స్పీకర్లు కూడా ఇందులో ఉన్నాయి.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!