బడ్జెట్ తక్కువ ఉండాలి ఫీచర్స్ ఎక్కువగా ఉండాలి, తక్కువ ధరకే దొరకాలి స్టైలిష్గా ఉండాలి.. అనే స్మార్ట్ ఫోన్ కొనాలని అనుకుంటున్నారా? అయితే మీ కోసమే రూ.10,000లోపు రెడ్మీ, ఐక్యూ, పోకో వంటి పాపులర్ బ్రాండ్లలో ఉన్న సూపర్ ఫీచర్స్ లోడెడ్ టాప్ స్మార్ట్ఫోన్స్ బెస్ట్ గ్యాడ్జెట్స్ వివరాలను మీ ముందుకు తీసుకొచ్చాం. అవేంటో ఇక్కడ చూసేయండి.
1) iQOO Z9 Lite 5G: ఐక్యూ జెడ్9 లైట్ ఫీచర్స్ విషయానికొస్తే 6.56 ఇంచ్ హెచ్డీ+ డిస్ప్లే, 90 Hz రిఫ్రెష్ రేట్, 840 నిట్స్ పీక్ బ్రైట్నెస్, 6ఎన్ఎమ్ ప్రాసెస్ ఆధారిత మీడియాటెక్ డైమెన్సిటీ 6300 చిప్సెట్, గ్రాఫిక్స్ ఇంటెన్సివ్ టాస్క్ల కోసం మాలి జీ57 MC2 GPU వంటివి ఉన్నాయి. 6 జీబీ వరకు LPDDR4x ర్యామ్, 128 జీబీ వరకు eMMC 5.1 స్టోరేజ్ సోపర్ట్తో నడుస్తుంది. మైక్రో ఎస్డీ కార్డ్ స్లాట్ ద్వారా స్టోరేజ్ను 1టీబీ వరకు ఎక్స్పేండబుల్ చేసుకోవచ్చు.
ఆండ్రాయిడ్ 14 ఫన్ టచ్ ఓఎస్ 14 ప్రాసెసర్తో పనిచేస్తుంది.. అలానే 2 ఏళ్ల వరకు ఆండ్రాయిడ్ అప్డేట్స్, 3 ఏళ్ల సెక్యూరిటీ ప్యాచెస్లు ఉంటాయి. ఈ జెడ్ 9 లైట్ 5జీలో సైడ్ మౌంటెడ్ ఫింగర్ ప్రింట్ స్కానర్, 3.5 ఎంఎం హెడ్ఫోన్ జాక్, డస్ట్ అండ్ స్ప్లాష్ రెసిస్టెన్స్ కోసం ఐపీ 64 రేటింగ్ ఉన్నాయి.
అలానే కెమెరా ముందు వైపు 50 మెగా పిక్సెల్ ప్రైమరీ షూటర్, వెనక భాగంలో 2 మెగా పిక్సెల్ డెప్త్ షూటర్ ఉన్నాయి. సెల్ఫీలు, వీడియో కాల్స్ కోసం ముందువైపు మెగా పిక్సెల్ షూటర్ కూడా ఉంది.
2) Poco M6 Pro 5G :
పోకో ఎం6స్తే ప్రో 5జీ ఫీచర్ల విషయానికొస్తే 6.79 ఇంచ్ ఫుల్ హెచ్డీ+ డిస్ప్లే 90 Hz రిఫ్రెష్ రేట్, 240 Hz టచ్ శాంప్లింగ్ రేట్ ఉన్నాయి. ఇంకా గొరిల్లా గ్లాస్ 3తో పాటు క్వాల్కామ్ స్నాప్డ్రాగన్ 4 జెన్ 2 SoC ప్రాసెసర్తో ఇది నడుస్తుంది.ఆండ్రాయిడ్ 13 ఆధారిత ఎంఐయూఐ 14 ఆపరేటింగ్ సిస్టంతో పనిచేయడంతో పాటు 2 మేజర్ ఓఎస్ అప్ డేట్స్, 3 ఏళ్ల సెక్యూరిటీ అప్డేట్స్తో ఇది నడుస్తుంది.
అలానే ఈ స్మార్ట్ ఫోన్ వెనకవైపు డ్యుయెల్ కెమెరా సెటప్.. 50 మెగాపిక్సెల్ ఏఐ సెన్సార్, 2 మెగాపిక్సెల్ డెప్త్ సెన్సార్ ఉండగా, ముందువైపు 8 మెగా పిక్సెల్ కెమెరా డిస్ప్లే టాప్ సెంటర్(పై భాగంలో) హోల్ పంచ్ కట్ అవుట్లో ఉంది. ఇది సెల్ఫీలు, వీడియో కాల్స్ కోసం బాగా ఉపయోగించుకోవచ్చు.
3) Moto G24 Power :
మోటో జీ24 పవర్ ఫీచర్ల విషయానికొస్తే గ్రాఫిక్స్ ఇంటెన్సివ్ టాస్క్ల కోసం మాలి జీ-52 MP2 GPUతో పెయిర్(జత) చేసిన మీడియాటెక్ హీలియో జీ85 ప్రాసెసర్తో ఇది నడుస్తుంది. 8 జీబీ వరకు ర్యామ్, 128 జీబీ వరకు స్టోరేజ్ను సపోర్ట్ చేస్తుంది.
6.56 ఇంచ్ హెచ్డీ+ ఐపీఎస్ ఎల్సీడీ డిస్ప్లే, 90 Hz రిఫ్రెష్ రేట్, 537 నిట్స్ పీక్ బ్రైట్నెస్ను కలిగి ఉంది. ఇంకా ఫ్రంట్ సైడ్ వైపు పంచ్ హోల్ నాచ్ డిజైన్తో పాటు స్ప్లాష్, డస్ట్ రెసిస్టెన్స్ కోసం ఐపీ 52 సర్టిఫికేషన్తో పని చేస్తుంది.
ఇక ఆప్టిక్స్ విషయానికొస్తే వెనకవైపు డ్యూయెల్ కెమెరా.. 50 మెగా పిక్సెల్ ప్రైమరీ సెన్సార్, మాక్రో షాట్స్ కోసం 2 మెగా పిక్సెల్ సెన్సార్తో వస్తుంది. సెల్ఫీ, వీడియో కాల్స్ కోసం 16 మెగా పిక్సెల్ ఫ్రెంట్ ఫేసింగ్ సెన్సార్ కూడా దీని ప్రత్యేకత.
4) Realme C53: రియల్ మీ సీ53 ఫీచర్ల విషయానికొస్తే 6.74 ఇంచ్ 90 Hz డిస్ప్లే, 90.3 శాతం స్క్రీన్ టు బాడీ రేషియో, 560 నిట్స్ పీక్ బ్రైట్నెస్తో వస్తోంది. అలానే స్క్రీన్కు 180 Hz టచ్ శాంప్లింగ్ రేటు కలిగి ఉంది. ARM మాలి-జీ57 GPU, 12nm, 1.82GHz CPUతో ఆక్టాకోర్ చిప్సెట్తో నడుస్తుంది.
అలానే ఈ స్మార్ట్ ఫోన్ వెనక భాగంలో ట్రిపుల్ కెమెరా ఉంది. 108 మెగాపిక్సెల్ అల్ట్రా క్లియర్ కెమెరాతో పాటు వీడియో రికార్డింగ్ కోసం 1080P/30fps, 720P/30fps and 480P/30fps ప్రత్యేకతలు ఉన్నాయి.
సెల్ఫీలు, వీడియో కాల్స్ కోసం 8 మెగా పిక్సెల్ ఏఐ సెల్ఫీ కెమెరా కూడా ఉంది. ఫ్రంట్ కెమెరా 720P/30fps వీడియో రికార్డింగ్ సపోర్ట్తో పనిచేస్తుంది. అలానే వీడియో, బ్యూటీ మోడ్, హెచ్డీఆర్ పోర్ట్రెయిట్ మోడ్, ఫేస్ రికగ్నిషన్, ఫిల్టర్, బోకే ఎఫెక్ట్ కంట్రోల్ వంటి కెమెరా ఫీచర్లు ఇందులో ఉండటం విశేషం.
5) Redmi 13C :
ఈ ఫోన్ ఫీచర్ల విషయానికొస్తే 6.74 ఇంచ్ హెచ్డీ + డిస్ప్లే 600×720 పిక్సెల్స్ రిజల్యూషన్, 90 Hz రిఫ్రెష్ రేట్, 450 నిట్స్ పీక్ బ్రైట్నెస్ కలిగి ఉంది. గ్రాఫిక్స్ ఇంటెన్సివ్ కోసం మాలి-G57 MP2 GPUతో జత చేసిన ఆక్టా-కోర్ మీడియాటెక్ హీలియో జి 85 చిప్సెట్తో ఇది నడుస్తుంది. 8 జీబీ వరకు ర్యామ్, 8 జీబీ వర్చువల్ ర్యామ్, 256 జీబీ వరకు UFS 2.2 స్టోరేజ్, మైక్రో ఎస్డీ కార్డ్ స్లాట్ ద్వారా 1 టీబీ వరకు ఎక్స్ప్యాండబుల్ చేసుకోవచ్చు.
ఆప్టిక్స్ విషయానికి వస్తే 50 మెగాపిక్సెల్ ప్రైమరీ సెన్సార్, 2 మెగాపిక్సెల్ మాక్రో లెన్స్, మరో 2 మెగాపిక్సెల్ లెన్స్తో కలిగిన ట్రిపుల్ కెమెరా సెటప్ ఉంది. అలానే సెల్ఫీ, వీడియో కాల్స్ కోసం 5 మెగాపిక్సెల్ ఫ్రంట్ ఫేసింగ్ కెమెరా ఉంది.