భారత క్రికెట్ జట్టు మాజీ సారథి, చెన్నై సూపర్ కింగ్స్ స్టార్ ఆటగాడు మహేంద్ర సింగ్ ధోనీ చెన్నైలో ల్యాండయాడు. కరోనా కారణంగా ఈ ఏడాది IPL అర్థంతరంగా మధ్యలో ఆగిపోయిన సంగతి తెలిసిందే. మిగిలిన షెడ్యూల్ సెప్టెంబరు 19 నుంచి తిరిగి ప్రారంభంకానుంది. UAEలో ఈ షెడ్యూల్ జరగనుంది.
ఈ నేపథ్యంలో చెన్నై సూపర్ కింగ్స్ సారథి మహేంద్ర సింగ్ ధోనీ UAE వెళ్లేముందు చెన్నై చేరుకున్నాడు. విమానాశ్రయానికి చేరుకున్న ధోనీకి అభిమానులు ఘన స్వాగతం పలికారు. తలా, తలా అంటూ ధోనీని పిలిచారు. తమ అభిమాన సారథి చెన్నై వచ్చాడని తెలుసుకున్న అభిమానులు ఎంతో ఆనందానికి గురయ్యారు.
అంతర్జాతీయ క్రికెట్‌కి వీడ్కోలు పలికినప్పటి నుంచి ధోనీ అభిమానులకు ఎక్కువగా కనిపించడం లేదు. శుక్రవారం లేదా శనివారం అందుబాటులో ఉన్న చెన్నై సూపర్ కింగ్స్ జట్టు, మేనేజ్‌మెంట్ సిబ్బంది యూఏఈ వెళ్లనున్నట్లు తెలుస్తోంది. ఇందుకోసం BCCI ఇప్పటికే యూఏఈ ప్రభుత్వం నుంచి అనుమతి కోరినట్లు సమాచారం. అక్కడి నుంచి అనుమతి రాగానే ధోనీ జట్టు UAEలో ల్యాండవుతుంది.
చెన్నై చేరుకున్న ధోనీకి సంబంధించి వైరల్ అవుతోన్న ఫొటోలు, వీడియోలు ఇప్పుడు చూద్దాం.