మెటా అధినేత మార్క్ జుకర్‌బర్గ్, ఎక్స్ (ట్విట్టర్), టెస్లా అధినేత ఎలాన్ మస్క్ కేజ్ ఫైట్‌లో తలపడనున్నారు. ఈ విషయాన్ని టెస్లా అధినేత ఎలాన్ మస్క్ ఎక్స్‌లో (ట్విట్టర్) పోస్ట్ ద్వారా ప్రకటించారు. మార్క్ జుకర్‌బర్గ్ వర్సెస్ ఎలాన్ మస్క్ ఫైట్ ‘ఎక్స్’లో లైవ్ స్ట్రీమ్ అవుతుందని తెలిపారు. దీని ద్వారా లభించే నగదు ఛారిటీకి వెళ్తుందని తన పోస్టులో పేర్కొన్నారు.
అంతకు ముందు ఎలాన్ మస్క్ ‘ఎక్స్’లో చేసిన పోస్టులో తాను రోజంతా బరువులు ఎత్తుతున్నానని, పోరాటానికి సిద్ధమవుతున్నానని చెప్పాడు. వర్కవుట్ చేయడానికి సమయం దొరకడం లేదని, అందుకే బరువులు తీసుకుని పని చేస్తున్నానని చెప్పాడు.
ఎక్స్‌లో ఒక యూజర్ దీని గురించి ‘అసలు ఈ ఫైట్‌కు సంబంధించిన పాయింట్ ఏంటి? లేకపోతే వర్కవుట్ కోసం నువ్వు మోటివేట్ అవ్వడానికి ఇలా చేస్తున్నావా’ అడిగారు. అప్పుడు ఎలాన్ మస్క్ ‘ఇది పోరాటానికి సంబంధించిన నాగరిక రూపం. పురుషులు యుద్ధాన్ని ఇష్టపడతారు.’ అని రిప్లై ఇచ్చాడు.
కొన్నాళ్ల క్రితం మార్క్ జుకర్‌బర్గ్ కూడా తను ట్రైనింగ్ తీసుకుంటున్న ఫొటోలను పోస్ట్ చేశాడు. దీంతో ఈ ఫైట్ జరగడం సీరియస్ అని అనుకోవచ్చు. మార్క్ జుకర్‌బర్గ్ ‘జియుజిట్సు’ అనే ప్రత్యేకమైన మార్షల్ ఆర్ట్‌లో కూడా శిక్షణ తీసుకుంటున్నాడు.
Read Also: ఐఫోన్ లవర్స్‌ కు బ్యాడ్‌న్యూస్ - 15 ప్రో సిరీస్ ధరలు భారీగా పెంపు - రూ.2 లక్షలు దాటించేస్తారా?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial