MI vs RR Match Head To Head Records: ఇండియన్ ప్రీమియర్ లీగ్(IPL) మ్యాచ్‌ నెంబర్‌ 14లో ముంబై(MI)-రాజస్థాన్‌ రాయల్స్‌(RR) తలపడనున్నాయి. వరుసగా రెండు మ్యాచ్‌లు ఓడిన ముంబై...వరుసగా రెండు మ్యాచ్‌లు గెలిచిన రాజస్థాన్‌.. ఈ పోరులో అమీతుమీ తేల్చుకోనున్నాయి. వాంఖడే క్రికెట్ స్టేడియంలో ఈ మ్యాచ్‌ జరగనుంది. ఇండియన్ ప్రీమియర్ లీగ్ 2024 సీజన్‌లో తొలి విజయాన్ని సాధించేందుకు ముంబై ఇండియన్స్ ఉవ్విళ్లూరుతోంది. రోహిత్ శర్మ స్థానంలో కెప్టెన్‌గా బాధ్యతలు స్వీకరించిన హార్దిక్ పాండ్యా కెప్టెన్సీని నిరాశాజనకంగా ప్రారంభించాడు. మొదటి రెండు మ్యాచుల్లో పరాజయాల తర్వాత గెలుపు బాట పట్టాలని హార్దిక్‌ సేన చూస్తోంది.


ముంబై-రాజస్థాన్‌ హెడ్ టు హెడ్ రికార్డ్
ఇండియన్ ప్రీమియర్ లీగ్ చరిత్రలో ముంబై ఇండియన్స్ - రాజస్థాన్ రాయల్స్  మొత్తం 28 సార్లు తలపడ్డాయి. ఈ 28 మ్యాచ్‌ల్లో ముంబై ఇండియన్స్  15 సార్లు గెలిచింది. ఢిల్లీ క్యాపిటల్స్  13 విజయాలు సాధించింది. 


ఆల్ టైమ్ టాప్ పెర్ఫార్మర్స్
ఐపీఎల్‌లో ఈ రెండు జట్ల మధ్య జరిగిన పోరులో జోస్ బట్లర్  అత్యధికంగా 467 పరుగులు చేశాడు. తర్వాతి స్థానాల్లో సంజూ శాంసన్ 462 పరుగులతో ఉన్నాడు. 
మూడో స్థానంలో 414 పరుగులతో సూర్యకుమార్ యాదవ్ ఉన్నాడు. బౌలర్ల జాబితాలో అత్యధిక వికెట్లు తీసిన బౌలర్‌గా ధావల్ కులకర్ణి, జస్ప్రీత్ బుమ్రా 17 వికెట్లతో అగ్రస్థానంలో కొనసాగుతున్నారు. జోఫ్రా ఆర్చర్ 13 వికెట్లతో రెండో స్థానంలో ఉన్నాడు. 


గత మ్యాచ్‌లో ఇలా..
ముంబై-రాజస్థాన్‌ చివరిసారిగా 30 ఏప్రిల్ 2023న ముంబైలో తలపడ్డాయి. తొలుత బ్యాటింగ్ చేసిన రాజస్థాన్ రాయల్స్ యశస్వి జైస్వాల్ (124) సెంచరీతో 20 ఓవర్లలో 212 పరుగుల భారీ స్కోరును నమోదు చేసింది. 213 పరుగుల లక్ష్యంతో బరిలోకి దిగిన ముంబై... సూర్యకుమార్ యాదవ్ 55 పరుగులు, టిమ్ డేవిడ్ 45 పరుగులతో చెలరేగడంత  6 వికెట్ల తేడాతో ఘన విజయం సాధించింది. 


జట్లు
ముంబై ఇండియన్స్: హార్దిక్ పాండ్యా (కెప్టెన్‌), రోహిత్ శర్మ, డెవాల్డ్ బ్రెవిస్, జస్ప్రీత్ బుమ్రా, పియూష్ చావ్లా, గెరాల్డ్ కోయెట్జీ, టిమ్ డేవిడ్, శ్రేయస్ గోపాల్, ఇషాన్ కిషన్, అన్షుల్ కాంబోజ్, కుమార్ కార్తికేయ, ఆకాష్ మధ్వల్, క్వేనా మఫకా, మహ్మద్ నబీ, షామ్స్ ములానీ, నమన్ ధీర్, శివాలిక్ శర్మ, రొమారియో షెపర్డ్, అర్జున్ టెండూల్కర్, నువాన్ తుషార, తిలక్ వర్మ, విష్ణు వినోద్, నేహాల్ వధేరా, ల్యూక్ వుడ్, సూర్యకుమార్ యాదవ్.


రాజస్థాన్ రాయల్స్: సంజూ శాంసన్ (కెప్టెన్‌), అబిద్ ముస్తాక్, అవేష్ ఖాన్, ధ్రువ్ జురెల్, డోనోవన్ ఫెరీరా, జోస్ బట్లర్, కుల్దీప్ సేన్, కునాల్ సింగ్ రాథోడ్, నాంద్రే బర్గర్, నవదీప్ సైనీ, రవిచంద్రన్ అశ్విన్, రియాన్ పరాగ్, సందీప్ శర్మ, షిమ్రాన్ హెట్మెయర్, శుభమ్ దూబే, రోవ్‌మన్ పావెల్, టామ్ కొహ్లర్-కాడ్మోర్, ట్రెంట్ బౌల్ట్, యశస్వి జైస్వాల్, యుజ్వేంద్ర చాహల్, తనుష్ కొటియన్.