IPL 2023, RR vs GT:
ఐపీఎల్‌ 2023లో శుక్రవారం మరో సూపర్‌ డూపర్ థ్రిల్లర్‌ చూడబోతున్నాం! రాజస్థాన్ రాయల్స్, గుజరాత్ టైటాన్స్ రెండోసారి ఢీకొంటున్నాయి. సవాయ్‌ మాన్‌ సింగ్‌ స్టేడియం ఇందుకు వేదిక. రెండు జట్లు అన్ని విభాగాల్లో నువ్వా నేనా అన్నట్టే ఉన్నాయి. మరి ఈ పోరులో గెలిచేదెవరో?
సంజూపై ఆశలు!
సవాయ్‌ మాన్‌ సింగ్‌ స్టేడియం నెమ్మదిగా ఉంటుంది. లో స్కోరింగ్‌ వికెట్‌! ఇలాంటి స్టేడియంలోనూ రాజస్థాన్ రాయల్స్ మెరుపులు మెరిపిస్తోంది. దాన్ని ఓడించడం అంత ఈజీగా ఉండదు. పైగా ఓపెనర్‌ యశస్వీ జైశ్వాల్ భీకరమైన ఫామ్‌లో ఉన్నాడు. స్పిన్‌ బౌలింగ్‌ను ఉతికారేస్తున్నాడు. కాస్త స్లో డౌన్‌ అయిన జోస్ బట్లర్ నిలబడితే ఎంత డేంజరో తెలిసిందే! సంజూ శాంసన్ నుంచి పెద్ద ఇన్నింగ్స్‌ ఆశిస్తున్నారు. కాస్త నిలదొక్కుకుంటే రషీద్ బౌలింగ్‌ను ఊచకోత కోస్తాడు. మిడిలార్డర్‌ పటిష్ఠంగానే ఉంది. దేవదత్ పడిక్కల్, షిమ్రన్‌ హెట్‌మైయిర్‌, ధ్రువ్ జోరెల్‌, అశ్విన్ సిక్సర్లు బాదేస్తున్నారు. ఇక పేస్‌ బౌలింగ్‌లో ట్రెంట్ బౌల్ట్‌కు ఎదురులేదు. అతడికి కుల్దీప్ సేన్ లేదా కుల్దీప్ యాదవ్ అండగా ఉంటారు. సందీప్‌ శర్మ అదరగొడుతున్నాడు. యాష్‌, యూజీ స్పిన్‌ ఎంత ప్రమాదకరమో తెలియందికాదు! ఈ మ్యాచ్‌ గెలిస్తే సంజూ సేన టేబుల్‌ టాపర్‌ అవ్వొచ్చు.
డిస్ట్రక్టివ్‌గా టైటాన్స్!
పరిమిత వనరులతోనే పటిష్ఠమైన జట్టుగా ఎదిగింది గుజరాత్ టైటాన్స్! ఆటగాళ్లను బలంగా నమ్ముతోంది. అండగా నిలబడుతోంది. అందుకు తగ్గట్టే వాళ్లు రాణిస్తున్నారు. ఓపెనింగ్‌లో సాహా విఫలమవుతున్నా గిల్ మాత్రం అదరగొడుతున్నాడు. అయితే వన్‌డౌన్‌లోకి మారాక హార్దిక్ పాండ్య నిలబడుతున్నాడు. పిచ్‌ను బట్టి తన బ్యాటింగ్ శైలిని మార్చుకుంటున్నాడు. పరుగులూ చేస్తున్నాడు. విజయ్ శంకర్‌ను చూస్తే ముచ్చటేస్తోంది. చివరి సీజన్లో పరుగులు చేసేందుకు ఇబ్బంది పడ్డ అతడే.. ఈసారి డెత్‌ ఓవర్లలో డిస్ట్రక్టివ్‌ బ్యాటింగ్‌తో విజృంభిస్తున్నాడు. 209 స్ట్రైక్‌రేట్‌తో దంచికొడుతున్నాడు. డేవిడ్ మిల్లర్ మ్యాచ్‌ విన్నింగ్‌ నాక్స్‌ ఆడుతున్నాడు. రాహుల్ తెవాతియా అదరగొడుతున్నాడు. ఇక బౌలింగ్‌ డిపార్ట్‌మెంట్‌ గురించి చెప్పాల్సిన పన్లేదు. మహ్మద్‌ షమిని కొత్త బంతితో ఆడటం ఎంతో కష్టం. మోహిత్ శర్మ డెత్‌ ఓవర్లలో పరిణతి ప్రదర్శిస్తున్నాడు. రషీద్ స్పిన్‌ అదుర్స్‌! పాండ్య బాడీలైన్‌ బంతులకు ప్రత్యర్థి దగ్గర సమాధానం ఉండటం లేదు.
రాజస్థాన్ రాయల్స్ జట్టు: సంజూ శాంసన్ (కెప్టెన్), జోస్ బట్లర్, దేవదత్ పడిక్కల్, యశస్వి జైస్వాల్, షిమ్రాన్ హెట్ మయర్, ధ్రువ్ జురెల్, రియాన్ పరాగ్, రవి అశ్విన్, ట్రెంట్ బౌల్ట్, యుజ్వేంద్ర చాహల్, ప్రసిద్ధ్ కృష్ణ, ఒబెద్ మెక్‌కాయ్, కుల్దీప్ సేన్, కుల్దీప్ యాదవ్, నవదీప్ సైనీ, కేసీ కరియప్ప, జో రూట్, అబ్దుల్ పా, ఆకాష్ వశిష్ట్, మురుగన్ అశ్విన్, కెఎమ్ ఆసిఫ్, ఆడమ్ జంపా, కునాల్ రాథోడ్, డోనోవన్ ఫెరీరా.
గుజరాత్ టైటాన్స్ జట్టు: హార్దిక్ పాండ్యా (కెప్టెన్), శుభమన్ గిల్, డేవిడ్ మిల్లర్, అభినవ్ మనోహర్, సాయి సుదర్శన్, వృద్ధిమాన్ సాహా, మాథ్యూ వేడ్, రషీద్ ఖాన్, రాహుల్ తెవాటియా, విజయ్ శంకర్, మహమ్మద్ షమీ, అల్జారీ జోసెఫ్, యశ్ దయాల్, ప్రదీప్ సాంగ్వాన్, దర్శన్ నల్కండే, జయంత్ యాదవ్, ఆర్ సాయి కిషోర్, నూర్ అహ్మద్, కేన్ విలియమ్సన్, ఒడియన్ స్మిత్, కెఎస్ భరత్, శివమ్ మావి, ఉర్విల్ పటేల్, జాషువా లిటిల్, మోహిత్ శర్మ.