FIFA ప్రపంచ కప్ 2022 నుండి పోర్చుగల్ నిష్క్రమించిన తర్వాత పోర్చుగీస్ ఫుట్‌బాల్ ఆటగాడు క్రిస్టియానో రొనాల్డోను సోమవారం భారత బ్యాటర్ విరాట్ కోహ్లీ ప్రశంసించాడు. అతనిని "ఆల్ టైమ్‌ గ్రేట్" అన్నాడు. రొనాల్డో ఫోటోను సోషల్ మీడియాలో విరాట్ కోహ్లీ షేర్ చేశాడు. రొనాల్డో ఆట చూడటం దేవుడిచ్చిన వరం అని కూడా చెప్పాడు.
రొనాల్డో ఆటను చూడటం దేవుడు ఇచ్చిన బహుమతి లాంటిదన్నాడు. “ఈ క్రీడలో, ప్రపంచవ్యాప్తంగా ఉన్న క్రీడాభిమానుల కోసం మీరు చేసిన దాన్ని ఏ ట్రోఫీ లేదా ఏదైనా టైటిల్ తీసివేయదు. మీరు వ్యక్తులపై చూపిన ప్రభావాన్ని ఏ టైటిల్ వివరించలేదు. మీరు ఆడుతున్నప్పుడు ప్రపంచవ్యాప్తంగా చాలా మంది దాన్ని అనుభూతి చెందుతాం. అది దేవుడిచ్చిన వరం’ అని కోహ్లీ తన పోస్టులో రాశాడు.
శనివారం మొరాకోతో జరిగిన క్వార్టర్ ఫైనల్ ఫిఫా ప్రపంచ కప్‌లో పోర్చుగల్ ఓడిపోయిన తర్వాత క్రిస్టియానో రొనాల్డో కన్నీళ్లు పెట్టుకున్నాడు. మొరాకో శనివారం క్వార్టర్‌ఫైనల్‌లో పోర్చుగల్‌ను 1-0తో ఓడించి ప్రపంచ కప్‌లో చివరి నాలుగుకు అర్హత సాధించిన మొదటి ఆఫ్రికన్ దేశంగా నిలిచింది. ఫిఫా ప్రపంచ కప్ 2022లో ప్రపంచ కప్ టైటిల్‌ను గెలుచుకోవడానికి రొనాల్డోకు ఇది బహుశా చివరి అవకాశం. పోర్చుగల్ పోటీ నుండి నిష్క్రమించిన తర్వాత 37 ఏళ్ల అతను ఖాళీ చేతులతో వెనక్కి వెళ్లాల్సి ఉంటుంది.