ప్రపంచంలోని అతిపెద్ద క్రీడా ఈవెంట్‌లలో ఒకటైన ఫిఫా ప్రపంచ కప్ ఆదివారం ప్రారంభమైంది. మోర్గాన్ ఫ్రీమాన్, బీటీఎస్ సింగర్ జంగ్ కూక్ వంటి వారు ఖతార్‌లోని అల్ ఖోర్‌లోని అల్ బైట్ స్టేడియంలో తమ ప్రదర్శనతో ప్రేక్షకులను ఆకట్టుకున్నారు. అయితే జియో సినిమా యాప్ బఫర్ అవుతూ ఉండటంతో భారతదేశంలోని అభిమానులు ప్రారంభ వేడుకలు చూడలేక ఇబ్బందుల్లో పడ్డారు. ప్రపంచంలోని అతిపెద్ద ఈవెంట్‌ను స్ట్రీమ్ చేయడంలో లోపాలు తలెత్తడంతో వినియోగదారులు ట్విట్టర్‌లో తమ బాధను వెళ్లగక్కారు.
ఈ సమస్య కేవలం ప్రారంభ వేడుకలకే పరిమితం కాలేదు. ఖతార్, ఈక్వెడార్‌ల మధ్య జరిగిన మ్యాచ్‌ని చూడటానికి కూడా అభిమానులు ఇబ్బందులు పడ్డారు. అభిమానులు ట్విట్టర్‌లో ఫిర్యాదు చేయడం ప్రారంభించడటంతో జియో సినిమా తన అధికారిక హ్యాండిల్ ద్వారా ట్వీట్ చేసింది.