ఇంగ్లండ్ మహిళా క్రికెటర్లు నాట్ స్కివర్, కేథరిన్ బ్రంట్ ఒక్కటయ్యారు. వీరిద్దరూ ఐదు సంవత్సరాల పాటు డేటింగ్‌లో ఉన్నారు. 2017లో లార్డ్స్ మైదానంలో మహిళల వరల్డ్ కప్ గెలిచిన జట్టులో వీరు ఉన్నారు. 2017-18లో వీరు రిలేషన్ షిప్‌లో ఉన్నట్లు అధికారికంగా ప్రకటించారు. స్కివర్, బ్రంట్‌లు 2020లో వివాహం చేసుకోవాలనుకున్నారు. కానీ కరోనావైరస్ కారణంగా వివాహం ఆలస్యం అయింది.
ప్రస్తుతం సేమ్ సెక్స్ మ్యారేజ్ అనేది కామన్ అయిపోయింది. క్రికెటర్లలో పెళ్లి చేసుకున్న మొదటి మహిళల జంట వీరే. న్యూజిలాండ్‌కు చెందిన అమీ సట్టర్థ్‌వైట్, లీ టహుహు, దక్షిణాఫ్రికాకు చెందిన మరిజ్నే కప్, డేన్ వాన్ నీకెర్క్, ఆస్ట్రేలియాకు చెందిన ఒక జంట కూడా త్వరలో వివాహం చేసుకోవడానికి సిద్ధం అవుతున్నారు.
2019 అక్టోబర్‌లో నాట్, కేథరిన్ ఎంగేజ్‌మెంట్ చేసుకున్నారు. 2020 సెప్టెంబర్‌లోనే వీరి వివాహం జరగాల్సింది. అయితే కరోనావైరస్ మహమ్మారి కారణంగా ఈ జోడి పెళ్లిని వాయిదా వేసుకుంది. 2022 ఐసీసీ మహిళల వరల్డ్ కప్‌లో కూడా వీరిద్దరూ స్థానం సంపాదించుకున్నారు.
టోర్నమెంట్ మొదట్లో వరుసగా మూడు మ్యాచ్‌లు ఓడినప్పటికీ తర్వాత వరుస విజయాలతో ఫైనల్‌కు చేరుకున్నారు. కానీ ఫైనల్లో ఆస్ట్రేలియా చేతిలో ఓటమి పాలయ్యారు. 2023లో సౌతాఫ్రికాలో జరగనున్న మహిళల టీ20 వరల్డ్‌కప్‌పైన ప్రస్తుతం వీరు దృష్టి పెట్టారు.